वृत्तसंस्था
वॉशिंग्टन : SpaceX चे संस्थापक आणि जगातील सर्वात श्रीमंत उद्योगपती एलन मस्क यांनी कॅनडाचे पंतप्रधान जस्टिन ट्रुडो यांच्यावर कडाडून टीका केली आहे. मस्क यांनी ट्रुडो यांच्यावर लोकांचे अभिव्यक्त स्वातंत्र्य दडपल्याचा आरोप केला आहे. वास्तविक, कॅनडा सरकारच्या एका निर्णयानंतर मस्क यांनी ट्रुडो सरकारवर टीका केली आहे.Elon Musk furious at Justin Trudeau amid India-Canada row, says he is stifling freedom of expression
कॅनडावर सेन्सॉरशिप लागू केल्याचा आरोप
कॅनडाच्या नव्या आदेशानुसार, सर्व ऑनलाइन स्ट्रीमिंग सेवा सरकारी रेकॉर्डमध्ये अधिकृतपणे नोंदणीकृत करण्याचे आदेश देण्यात आले आहेत. जेणेकरून सरकार त्यांच्यावर नियामक नियंत्रण ठेवू शकेल. कॅनडा सरकारच्या या आदेशावर टीका होत आहे. पत्रकार आणि लेखक ग्लेन ग्रीनवाल्ड यांनी सोशल मीडियावर एक पोस्ट शेअर केली आहे, ज्यामध्ये त्यांनी लिहिले आहे की, कॅनेडियन सरकारने जगातील सर्वात दडपशाही ऑनलाइन सेन्सॉरशिप योजना आणली आहे. ज्याअंतर्गत पॉडकास्ट असलेल्या सर्व ऑनलाइन स्ट्रीमिंग सेवांना सरकारी रेकॉर्डमध्ये अधिकृतपणे नोंदणी करावी लागेल, जेणेकरून सरकार ऑनलाइन स्ट्रीमिंग सेवांवर नियामक नियंत्रण वापरू शकेल.
मस्क म्हणाले- हे लज्जास्पद आहे
ग्लेन ग्रीनवाल्डच्या या पोस्टला उत्तर देताना एलन मस्क यांनी सोशल मीडिया पोस्टमध्ये लिहिले की, ‘ट्रूडो कॅनडातील भाषण स्वातंत्र्य संपवू इच्छितात, हे लज्जास्पद आहे.’ कॅनडाच्या ट्रूडो सरकारवर भाषण स्वातंत्र्याचे उल्लंघन केल्याचा आरोप होण्याची ही पहिली वेळ नाही. यापूर्वी फेब्रुवारी 2022 मध्ये, ट्रूडो सरकारने आणीबाणीच्या अधिकारांचा वापर केला होता आणि कॅनडाच्या इतिहासात अशा प्रकारची ही पहिलीच घटना होती. खरं तर, कोरोना महामारीच्या काळात ट्रक चालकांनी कोरोनाची लस घेण्याच्या आवश्यकतेला विरोध केला होता. त्यानंतर कॅनडाच्या सरकारने परिस्थिती नियंत्रणात आणण्यासाठी आणीबाणीच्या अधिकारांचा वापर केला होता.
भारत आणि कॅनडा यांच्यात वाद सुरूच
भारत आणि कॅनडा यांच्यातील संबंधही सध्या कटू टप्प्यातून जात आहेत. खरे तर गेल्या जूनमध्ये खलिस्तान समर्थक हरदीपसिंग निज्जर यांची गोळ्या झाडून हत्या करण्यात आली होती. त्यानंतर कॅनडाचे पंतप्रधान जस्टिन ट्रूडो यांनी निज्जरच्या हत्येत भारताचा हात असल्याचा आरोप केला. भारताने कॅनडाचे आरोप मूर्खपणाचे ठरवून फेटाळले होते. दोन्ही देशांमधील बिघडलेल्या संबंधांमुळे भारताने कॅनडाच्या नागरिकांसाठी व्हिसा सेवा स्थगित केली आहे.
Elon Musk furious at Justin Trudeau amid India-Canada row, says he is stifling freedom of expression
महत्वाच्या बातम्या
- PM मोदी आज राजस्थान-मध्य प्रदेश दौऱ्यावर; दोन्ही राज्यांना देणार 26 हजार कोटींच्या प्रकल्पांची भेट
- पुण्यात ससून रुग्णालयाच्या परिसरातून तब्बल 2.14 कोटी रुपयांचे ड्रग्ज जप्त; अमली पदार्थ तस्करी रॅकेटचा भंडाफोड
- आता तो दिवस दूर नाही, जेव्हा POK पुन्हा भारतात येईल” – व्ही.के.सिंह
- निवडणुकीपूर्वी जुन्या पेन्शनसाठी आंदोलन; दिल्लीत रामलीला मैदानात एकवटले सरकारी कर्मचारी