Covishield : युरोपियन युनियनने भारतीय कोव्हिशील्ड लसीला मंजुरी न देण्याबद्दल आफ्रिकन संघाने टीका केली आहे. आफ्रिकन युनियनने म्हटले आहे की, युरोपियन युनियनने कोव्हिशील्ड या भारतात बनलेल्या अॅस्ट्राझेनेकाच्या लसीला मान्यता न दिल्यास आफ्रिकेत ही लस घेणाऱ्यांचे नुकसान होईल. 54 African countries erupted on the European Union during the chaos on Covishield
वृत्तसंस्था
नवी दिल्ली : युरोपियन युनियनने भारतीय कोव्हिशील्ड लसीला मंजुरी न देण्याबद्दल आफ्रिकन संघाने टीका केली आहे. आफ्रिकन युनियनने म्हटले आहे की, युरोपियन युनियनने कोव्हिशील्ड या भारतात बनलेल्या अॅस्ट्राझेनेकाच्या लसीला मान्यता न दिल्यास आफ्रिकेत ही लस घेणाऱ्यांचे नुकसान होईल.
आफ्रिकन युनियन, आफ्रिका रोग नियंत्रण केंद्राने सोमवारी जारी केलेल्या संयुक्त निवेदनात म्हटले आहे की, नवीन ईयू नियम अफ्रिकेत कोव्हिशील्ड घेणाऱ्यांसाठी अन्यायकारक ठरत आहेत.
पुण्यातील सीरम इन्स्टिट्यूट ऑफ इंडियाने (एसआयआय) कोविशील्ड तयार केली आहे. कोव्हिशील्डला गरीब आणि विकसनशील देशांना कोरोनाची लस देण्यासाठी कोव्हॅक्स पुढाकाराने आफ्रिकन देशांमध्ये पाठविण्यात आले होते. परंतु युरोपियन युनियनच्या नव्या नियमांमुळे भारतीय तसेच आफ्रिकन युनियन सदस्य देशांच्या नागरिकांसाठी एक नवीन संकट निर्माण झाले आहे.
रॉयटर्सच्या वृत्तानुसार, युरोपीयन संघाने युरोपियन आणि बिगर-युरोपियन नागरिकांना प्रवास करण्यासाठी डिजिटल ग्रीन पास जाहीर केला आहे. ग्रीन पास मिळालेल्या प्रवाशांना कोणत्याही निर्बंधाशिवाय युरोपियन युनियनमध्ये जाण्याची परवानगी देण्यात येईल. ज्यांनी युरोपियन युनियनने मंजूर केलेली लस घेतलेली असेल त्यांनाच ग्रीन पास मिळेल. युरोपियन युनियनने डिजिटल लसीकरणाच्या प्रमाणपत्रासाठी मंजूर केलेल्या चार लसींमध्ये कोविशिल्डचा समावेश नाही.
54 देशांच्या आफ्रिकन संघटनेने सोमवारी उशिरा जारी केलेल्या निवेदनात म्हटले आहे की, कोव्हिशील्डला वगळल्यास आफ्रिकन प्रवाशांमध्ये भेदभाव होईल. एस्ट्राझेनेकाची लस देखील युरोपियन युनियनच्या यादीत आहे. भारतात ऑक्सफोर्ड-अॅस्ट्राझेनेकाने सीरम संस्थेच्या सहकार्याने कोव्हिशील्ड या नावाने एक लस तयार केली आहे. परंतु युरोपियन युनियनने कोव्हिशील्डला मान्यता दिली नाही. युरोपमध्ये अॅस्ट्राझेनेकाची ही लस वेगळ्या नावाने बनविली जाते, तिला व्हॅक्सजेवरिया म्हटले जाते.
युरोपियन युनियनने ग्रीन पाससाठी केवळ चार लसी मंजूर केल्या आहेत. यामध्ये वॅक्सजेव्हेरिया (ऑक्सफोर्ड-अॅस्ट्रॅजेनेका), फायझर-बायोएनटेक एसई, मॉडेर्ना आणि जॉन्सन अँड जॉन्सनच्या लसीचा समावेश आहे.
54 African countries erupted on the European Union during the chaos on Covishield
महत्त्वाच्या बातम्या
- अमूल दूध, LPG सिलिंडरच्या दरांमध्ये वाढ, बँकेचे शुल्कही वाढले, जाणून घ्या आजपासून काय-काय झालं महाग!
- तीन तास ठप्प राहिल्यानंतर ट्विटरची सेवा पुन्हा सुरू, डेस्कटॉप युजर्सना येत होती अडचण
- धर्मांतराचे बीड कनेक्शन : अटकेतील इरफान दोन वेळा मोदींसोबत व्यासपीठावर, पंतप्रधानांनीही दिली होती शाबासकी
- बोगस लसीकरणाचे बारामती कनेक्शन , मुंबईत बनावट लस देणाऱ्यास अटक
- मुस्लिमांना भारतीय कायद्यांपेक्षा शरीयतवरच जास्त विश्वास, महिलांनी गैरमुस्लिमांशी लग्न करण्यास विरोध, प्यू रिसर्च सेंटरच्या अभ्यासात उघड