बुधवारी ब्रिटनच्या अर्थमंत्री राहेल रीव्हज संसदेत रडल्या. त्यावेळी ब्रिटनच्या पंतप्रधान कीर स्टार्मर विरोधकांच्या प्रश्नांची उत्तरे देत होत्या. रीव्हज यांच्या रडण्याचा व्हिडिओ सोशल मीडियावर व्हायरल झाला. अनेकांनी त्यांना कमकुवत म्हटले आणि त्यांच्यावर टीकादेखील केली.
ब्लूमबर्गच्या वृत्तानुसार, भारत आता अमेरिकेसोबत व्यापार करार करत असल्याने काही अनुवांशिकरित्या सुधारित पशुखाद्य आयात करण्याची परवानगी देऊ शकतो. यामध्ये सोयाबीन पेंड आणि मक्यापासून बनवलेले डिस्टिलर्स, वाळलेले धान्य यासारख्या उत्पादनांचा समावेश आहे, जे पशुखाद्य म्हणून वापरले जातात.
पंतप्रधान मोदी २ जुलैपासून पाच देशांच्या दौऱ्यावर आहेत. घाना नंतर ते आज त्रिनिदाद आणि टोबॅगोला रवाना झाले आहेत, जिथे ते ३ आणि ४ जुलै रोजी राहतील. विशेष म्हणजे १९९९ नंतर कोणत्याही भारतीय पंतप्रधानांचा त्रिनिदाद आणि टोबॅगोला हा पहिलाच दौरा आहे.
इस्रायलने बुधवारी गाझामध्ये हमाससोबतच्या युद्धबंदी प्रस्तावाला मान्यता दिली. हा प्रस्ताव कतारने दिला होता. त्यात अमेरिकेचे अध्यक्ष डोनाल्ड ट्रम्प यांचे विशेष प्रतिनिधी स्टीव्ह विटकॉफ यांच्या युद्धबंदी प्रस्तावातील काही मुद्दे देखील समाविष्ट आहेत.
राज्यात वाळू वाहतुकीच्या नियमांमध्ये मोठा बदल करत महसूलमंत्री चंद्रशेखर बावनकुळे यांनी विधानसभेत महत्त्वाची घोषणा केली आहे. आता वाळू वाहतूक २४ तास सुरू ठेवण्याची परवानगी देण्यात आली आहे. यासाठी महाखनिज पोर्टलवरून २४ तास ईटीपी (इ-ट्रान्झिट पास) काढता येईल, अशी सोय सरकारने उपलब्ध करून दिली आहे.
दिल्ली उच्च न्यायालयाने गुरुवारी पतंजलीला डाबर च्यवनप्राशविरुद्ध कोणतीही नकारात्मक किंवा दिशाभूल करणारी जाहिरात दाखवू नये असे निर्देश दिले. डाबरने दाखल केलेल्या याचिकेवर सुनावणी केल्यानंतर न्यायमूर्ती मिनी पुष्कर्ण यांनी हा आदेश दिला.
आम आदमी पक्ष (आप) बिहारमध्ये स्वबळावर निवडणूक लढवेल. पक्षाचे संयोजक अरविंद केजरीवाल यांनी गुरुवारी अहमदाबादमध्ये सांगितले की, इंडिया आघाडी फक्त लोकसभा निवडणुकीसाठी होती. आता आमची कोणाशीही आघाडी नाही.
ब्रिटिश रॉयल नेव्हीचे एफ-३५ हे लढाऊ विमान अजूनही केरळमधील तिरुअनंतपुरम आंतरराष्ट्रीय विमानतळावर उभे आहे. अनेक दुरुस्ती करूनही, विमान उडण्याच्या स्थितीत नाही. ब्रिटनमधील अभियंत्यांची एक टीम ते दुरुस्त करण्यासाठी आली होती, परंतु आतापर्यंत दुरुस्ती यशस्वी झालेली नाही.
पंतप्रधान नरेंद्र मोदी यांनी गुरुवारी घानाच्या संसदेला संबोधित केले. ते म्हणाले, ‘आज या प्रतिष्ठित सभागृहाला संबोधित करताना मला अभिमान वाटतो. घानामध्ये असणे हा एक विशेषाधिकार आहे. ही लोकशाहीच्या भावनेने भरलेली भूमी आहे. घाना संपूर्ण आफ्रिकेसाठी प्रेरणास्थान आहे.
दोन समाजांमध्ये तेढ निर्माण करण्यासाठी लक्ष्मण हाके हे जाणीवपूर्वक वादग्रस्त विधान करत असून, राष्ट्रवादी युवक कॉंग्रेस त्यांची चड्डी पिवळी केल्याशिवाय राहणार नाही, असा इशारा युवकचे प्रदेशाध्यक्ष सुरज चव्हाण यांनी दिला आहे. तसेच लक्ष्मण हाके यांची हालत भटक्या कुत्र्यासारखी करू, असेही त्यांनी म्हटले आहे. लक्ष्मण हाकेंना महाराष्ट्रात फिरू दिले जाणार नाही, असा इशाराही चव्हाण यांनी दिला. लक्ष्मण हाके यांच्यावर प्रतिक्रिया देताना सुरज चव्हाण यांची जीभ घसरल्याचे चित्र दिसून आले.
भाजप नेते तथा राज्याचे कॅबिनेट मंत्री नीतेश राणे यांनी गुरूवारी दिशा सालियन प्रकरणात पुन्हा एकदा शिवसेना ठाकरे गटाचे नेते आदित्य ठाकरे यांना सूचक इशारा दिला. दिशा सालियनच्या वडिलांनी आपल्या प्रतिज्ञापत्रात आदित्य ठाकरे व डिनो मोरिया याच्यासह अनेकांची नावे घेतली आहेत. या प्रकरणी येत्या 16 तारखेला सुनावणी होणार असून, तोपर्यंत थांबा, असे ते म्हणालेत.
भाजप खासदार तथा माजी केंद्रीय मंत्री नारायण राणे यांनी गुरुवारी पुन्हा एकदा ठाकरे बंधूंच्या मनोमिलनावर टीका केली. राज व उद्धव ठाकरे हे दोघे बंधू स्वतःच्या स्वार्थासाठी एकत्र येत आहेत.
गेल्या काही दिवसांपासून सोशल मीडियावर एक करून विडिओ व्हयरल झाला होता. एका ७० वर्षीय शेतकऱ्याचा हा विडिओ होता.बैलाच्या जागी स्वतःला औताला जुंपणाऱ्या लातूरच्या या वृद्ध शेतकऱ्याला मदतीचा हात देऊ केला आहे. अभिनेता सोनू सूद याने शेतकऱ्याशी संपर्क साधत त्यांना बैलजोडी देण्याची ग्वाही दिली आहे
अमरनाथ यात्रेसाठीचा पहिला जत्था बुधवारी जम्मूहून रवाना झाला. उपराज्यपाल (एलजी) मनोज सिन्हा यांनी भगवती नगर बेस कॅम्प येथून या जत्थाला हिरवा झेंडा दाखवला. यादरम्यान भाविक ‘हर हर महादेव’ आणि ‘बम बम भोले’चा जयघोष करत राहिले. ही यात्रा ३ जुलैपासून अधिकृतपणे सुरू होईल.
पाकिस्तानने भारताचा विरोधात वापरण्यासाठी खरेदी केलेली चिनी शस्त्रे बोथट ठरली, पाकिस्तानी सेना हात पसरत अमेरिकेच्या दारात पोहोचली.
गुजरात उच्च न्यायालयात व्हर्च्युअल सुनावणीदरम्यान एका वरिष्ठ वकिलाचा बिअर पिण्याचा व्हिडिओ समोर आला आहे. या प्रकरणाची दखल घेत उच्च न्यायालयाने सोमवारी वकिलाविरुद्ध न्यायालयाचा अवमान केल्याची कारवाई सुरू केली.
अमेरिकेचे राष्ट्राध्यक्ष डोनाल्ड ट्रम्प यांनी म्हटले आहे की, इस्रायलने गाझामध्ये ६० दिवसांच्या युद्धबंदीवर सहमती दर्शवली आहे. या काळात सर्व पक्षांशी हातमिळवणी करून युद्ध संपवण्याचा प्रयत्न केला जाईल. त्यांनी हमासला इशारा दिला की जर त्यांनी करार स्वीकारला नाही तर परिस्थिती आणखी बिकट होईल.
मंगळवारी क्वाड देशांच्या (भारत, अमेरिका, जपान, ऑस्ट्रेलिया) परराष्ट्र मंत्र्यांनी जम्मू आणि काश्मीरमधील पहलगाम येथे झालेल्या दहशतवादी हल्ल्याचा तीव्र निषेध केला. त्यांनी दहशतवादाविरुद्ध एकत्र येण्याचे आश्वासन दिले.
दिवाळी आणि हिवाळ्याच्या काळात प्रदूषणाचा सामना करण्यासाठी दिल्लीत कृत्रिम पाऊस पाडला जाईल. नागरी विमान वाहतूक महासंचालनालयाने (DGCA) याला मान्यता दिली आहे. पर्यावरण मंत्री मनजिंदर सिंग सिरसा यांनी मंगळवारी ही माहिती दिली. त्यांनी सांगितले की, ही चाचणी ऑगस्टच्या शेवटच्या आठवड्यापासून ते सप्टेंबरच्या पहिल्या आठवड्यादरम्यान घेतली जाईल. दिवाळी आणि सप्टेंबरमध्ये वाढणारे धुके कमी करण्यासाठी हे तंत्रज्ञान किती प्रभावी आहे हे समजून घेण्यासाठी एकूण ५ चाचण्या घेतल्या जातील. आयआयटी कानपूरच्या सहकार्याने या चाचण्या घेतल्या जातील.
हिमाचलमधील धर्मशाळा येथे बुधवारपासून सुरू झालेल्या १५ व्या तिबेटी धार्मिक परिषदेच्या निमित्ताने दलाई लामा यांनी स्पष्ट केले आहे की दलाई लामांची संस्था भविष्यातही सुरू राहील. त्यांच्या मृत्यूनंतर त्यांच्या उत्तराधिकाऱ्याची निवडही तिबेटी बौद्ध परंपरेनुसार केली जाईल, असेही त्यांनी स्पष्ट केले.
महाराष्ट्रात 2289 महिला सरकारी कर्मचाऱ्यांचा लाडक्या बहिणींच्या निधीवर डल्ला, पात्र नसताना उपटला फायदा!!, हे सत्य आज उघड झाले. महिला बालकल्याण मंत्री अदिती तटकरे यांनी विधानसभेत विचारलेल्या प्रश्नाला लेखी उत्तर दिले.
अमेरिकेचे अध्यक्ष डोनाल्ड ट्रम्प यांनी मंगळवारी सांगितले की, भारत आणि अमेरिका लवकरच एक व्यापार करार करतील ज्यामध्ये शुल्कात लक्षणीय घट केली जाईल. ट्रम्प यांनी दोन्ही देशांच्या बाजारपेठेत चांगल्या स्पर्धेसाठी हे चांगले असल्याचे म्हटले.
बांगलादेशच्या माजी पंतप्रधान शेख हसीना यांना न्यायालयाचा अवमान केल्याबद्दल सहा महिन्यांच्या तुरुंगवासाची शिक्षा सुनावण्यात आली आहे. द डेली स्टार या बंगाली वृत्तपत्रानुसार, आंतरराष्ट्रीय गुन्हे न्यायाधिकरणाने (आयटीसी) बुधवारी ही शिक्षा सुनावली. हसीना आणि स्थानिक नेते शकील बुलबुल यांच्यातील फोन संभाषणाची चौकशी केल्यानंतर आयटीसीने हा निर्णय दिला.
नाशकात भाजप प्रवेशाची भाऊगर्दी, आपापसांतच करणार धुमश्चक्री; विरोधकांची उद्ध्वस्त वस्ती!!, अशी नाशिकच्या राजकारणाची अवस्था झालीय.
राष्ट्रीय महिला आयोगाकडे प्राप्त झालेल्या तक्रारीचे जलद आणि प्रभावी निराकरण करण्यासाठी महिला जनसुनावणीचे आयोजन करण्यात येत असून प्रशासनाच्या माध्यमातून पिडीत महिलांना न्याय मिळवून देत त्यांच्या चेहऱ्यावरील आनंद द्विगुणीत करण्याचे काम करण्यात येत आहे