आषाढी एकादशीच्या निमित्ताने मुख्यमंत्री देवेंद्र फडणवीस यांच्या हस्ते सपत्नीक आज पहाटे अडीच वाजता विठ्ठल-रुक्मिणीची शासकीय महापूजा संपन्न झाली. त्यानंतर देवेंद्र फडणवीस यांनी महाराष्ट्र पॉडकास्ट एक मालिका सुरू केली आहे. यात बोलताना त्यांनी वारीच्या इतिहासावर तसेच महाराष्ट्राच्या या पवित्र भूमीबद्दल भाष्य केले आहे.
भाजप नेते व मंत्री आशिष शेलार यांनी मनसे प्रमुख राज ठाकरे व शिवसेना ठाकरे गटाचे प्रमुख उद्धव ठाकरे यांच्या विजयी सभेवर टीका केली आहे. तसेच हे केवळ महानगरपालिकेच्या निवडणुकीच्या अनुषंगाने केलेला कार्यक्रम असल्याची टीका देखील त्यांनी केली आहे.
चीन भारताबाबत डबल गेम, पाकिस्तानी सैन्याला पुरविल्या भारतीय सैन्याच्या हालचालीच्या सॅटॅलाइट इमेज पण ब्रिक्समध्ये केला पहलगाम हल्ल्याचा निषेध!!, असेच घडले.
महाराष्ट्र नवनिर्माण सेनाप्रमुख राज ठाकरे आणि शिवसेना ठाकरे गटाचे प्रमुख उद्धव ठाकरे यांनी शनिवारी एकत्र येत विजयी मेळावा आयोजित केला. या मेळाव्याला महाराष्ट्राच्या कानाकोपऱ्यातून लोक आले होते. या मेळाव्यानंतर महायुतीच्या नेत्यांनी टीका करण्यास सुरुवात केली आहे. त्यात आता संजय निरुपम यांनी देखील ठाकरे बंधूंच्या एकत्र येण्यावर भाष्य केले आहे. महाविकास आघाडी नव्हे तर आता ठाकरे विकास आघाडी तयार झाले, अशी प्रतिक्रिया त्यांनी दिली आहे.
मी मराठी बोलत नाही, मी भोजपुरी बोलतो. तुमच्यात धमक असेल तर मला महाराष्ट्रातून बाहेर काढून दाखवा, असे आव्हान भाजप नेता व भोजपुरी अभिनेता दिनेश लाल यादव याने मनसे प्रमुख राज ठाकरे यांना दिले आहे. उद्योजक सुशील केडियाने देखील काही दिवसांपूर्वी मी मराठी शिकणार नाही, काय करायचे ते करा, अशा शब्दात आव्हान दिले होते. परंतु केडियाने आता माघार घेतली आहे. परंतु, आता दिनेश लाल यादव यांनी केलेल्या आव्हानामुळे नवीन वाद सुरू होणार आहे.
ठाकरे बंधूंचा विजयी मेळावा काल (5 जुलै 2025) मुंबईतील एनएससीआय डोममध्ये पार पडला. तब्बल 19 वर्षांनंतर राज ठाकरे आणि उद्धव ठाकरे एकाच व्यासपीठावर एकत्र आले, आणि त्यांच्या भेटीने संपूर्ण महाराष्ट्र भावूक झाला. या मेळाव्यात उद्धव ठाकरे यांनी उपमुख्यमंत्री एकनाथ शिंदे यांच्यावर जोरदार टीका केली. त्यानंतर शिंदे गटाचे आमदार आणि मंत्री प्रताप सरनाईक यांनी एकनाथ शिंदे यांना भावनिक पत्र लिहून प्रतिक्रिया दिली आहे.
हिंदी सक्तीच्या विरोधात आणि मराठी भाषेच्या मुद्द्यावर राज ठाकरे आणि उद्धव ठाकरे एकत्र आले. मुंबईत पार पडलेल्या विजयी रॅलीमध्ये उद्धव ठाकरे यांनी भाजप आणि मुख्यमंत्री देवेंद्र फडणवीस यांच्यावर जोरदार टीका केली. भाषणात त्यांनी फडणवीसांचा उल्लेख ‘अणाजी पंत’ असा करत टोला लगावला. यावर शिंदे गटाचे आमदार दीपक केसरकर यांनी प्रतिक्रिया देत उद्धव ठाकरे यांच्यावर टीका केली. राज्याच्या मुख्यमंत्र्यांचा अशा प्रकारे उल्लेख करणे म्हणजे मुख्यमंत्रिपदाचा अपमान असल्याचे केसरकर यांनी म्हटले.
राज्याचे उपमुख्यमंत्री अजित पवार यांच्याबद्दल नेहमी बेताल वक्तव्य करणाऱ्या व त्यांना शिवराळ भाषेत बोलणाऱ्या लक्ष्मण हाके यांच्या विरोधात कायदेशीर नोटीस बजावण्यात आली आहे. सामाजिक व माहिती अधिकार कार्यकर्ते नितीन संजय यादव यांनी ही नोटीस बजावली असून, हाके यांनी सात दिवसांत अजित पवार यांची लेखी माफी मागावी, अन्यथा न्यायालयात खेचण्याचा इशारा नितीन यादव यांनी दिला आहे.
Israel will send representatives to Qatar for Gaza ceasefire talks today. Hamas has agreed to immediate negotiations for a 60-day truce, following Israel’s approval of the ceasefire proposal on June 2.
माजी सरन्यायाधीश डी वाय चंद्रचूड हे त्यांच्या सरकारी बंगल्यात (५, कृष्णा मेनन मार्ग) निर्धारित वेळेपेक्षा जास्त काळ राहत आहेत. आता सर्वोच्च न्यायालय प्रशासनाने केंद्र सरकारला पत्र लिहिले आहे. त्यात म्हटले आहे की माजी सरन्यायाधीशांना त्यांचा बंगला लवकरच रिकामा करण्यास सांगितले पाहिजे, जेणेकरून आम्ही तो न्यायालयाच्या हाऊसिंग पूलमध्ये समाविष्ट करू शकू.
भारत लवकरच अमेरिकेवर प्रत्युत्तरात्मक कर जाहीर करू शकतो. कारण, अमेरिकेने प्रवासी वाहने, लहान ट्रक आणि काही ऑटोमोबाईल घटकांवर २५% कर लादण्याचा निर्णय घेतला आहे, ज्यामुळे भारताच्या २.८९ अब्ज डॉलर्स (सुमारे २४,७१० कोटी रुपये) किमतीच्या निर्यातीवर परिणाम होऊ शकतो.
रविवारी ब्राझीलमधील रिओ दि जनेरियो येथे झालेल्या १७ व्या ब्रिक्स शिखर परिषदेत सदस्य देशांनी ३१ पानांचा आणि १२६ मुद्द्यांचा संयुक्त जाहीरनामा जारी केला. यामध्ये पहलगाम दहशतवादी हल्ला आणि इराणवरील इस्रायली हल्ल्याचा निषेध करण्यात आला.
ज्या संघटनेचे संदर्भमूल्य संपलेय, जी संघटना अमेरिकन अध्यक्ष डोनाल्ड ट्रम्प मोडून टाकयला सांगत होते, त्याच BRICS संघटनेच्या व्यासपीठावरून पंतप्रधान नरेंद्र मोदींनी अमेरिकेसकट जागतिक महासत्तांना सुनावले, […]
श्रीलंकेचे परराष्ट्र मंत्री विजिता हेराथ यांनी शुक्रवारी सांगितले की त्यांचा देश कोणत्याही किंमतीत कच्चाथीवू बेट सोडणार नाही. त्यांनी भारतात या मुद्द्यावर सुरू असलेल्या चर्चेचे वर्णन येथील राजकीय पक्षांमधील प्रकरण असल्याचे केले.
रामतीर्थ गोदावरी सेवा समितीच्या वतीने गोदावरी मातेची नित्य महाआरती पावसाळ्यातही अखंड सुरू ठेवण्याची परंपरा यंदाही पाळली गेली. काल नाशिकमध्ये सततच्या मुसळधार पावसामुळे गोदावरी नदीला मोठा पूर आला असतानाही ११ समर्पित गोदासेवकांनी पुराच्या पाण्यात उभे राहून महाआरती संपन्न केली.
केंद्र सरकारने युनिफाइड वक्फ मॅनेजमेंट, एम्पॉवरमेंट, एफिशियन्सी अँड डेव्हलपमेंट रूल्स, २०२५ ची अधिसूचना जारी केली आहे. हे नियम वक्फ मालमत्तेचे पोर्टल आणि डेटाबेस, त्यांची नोंदणी, ऑडिट आणि खात्यांच्या देखभालीशी संबंधित आहेत.
केंद्र सरकारने राष्ट्रीय महामार्गांवरील टोल दरात मोठी कपात करत नागरिकांना दिलासा दिला आहे. विशेषतः ज्या महामार्गांवर पूल, बोगदे, उड्डाणपूल किंवा उन्नत रस्त्यांचा जास्त वापर आहे, अशा ठिकाणी टोलमध्ये ५०% पर्यंत घट करण्यात आली आहे. यामुळे अशा मार्गांवरून प्रवास करणाऱ्यांचा खर्च लक्षणीयपणे कमी होणार आहे.
अमेरिकेसोबतच्या व्यापार करारावर सुरू असलेल्या चर्चेदरम्यान, केंद्रीय वाणिज्य आणि उद्योग मंत्री पियुष गोयल यांनी म्हटले आहे की भारत मुदतींवर आधारित व्यापार करार करत नाही. गोयल म्हणाले, ‘भारत अमेरिकेसोबतचा व्यापार करार तेव्हाच स्वीकारेल जेव्हा तो अंतिम होईल आणि राष्ट्रीय हिताचा असेल.’
ठाकरे बंधूंच्या ऐक्याचा आशिष शेलार यांनाच पहिला राजकीय धोका, म्हणून केली हीन पातळीवर जाऊन टीका!!, असे आज घडले. मुंबई भाजपचे अध्यक्ष आणि फडणवीस मंत्रिमंडळातील मंत्री आशिष शेलार यांनी मनसेवर टीका करताना मनसैनिकांची तुलना पहलगाम मधल्या जिहादी दहशतवाद्यांशी केली. दहशतवाद्यांनी धर्म विचारून लोकांना मारले तुम्ही भाषा विचारून हिंदूंना मारताय, असा आरोप आशिष शेलार यांनी केला.
शक्तिपीठ महामार्गाला शेतकऱ्यांचा नाही, तर राजकीय विरोध असल्याचे दिसून येत आहे. ज्या ६२ गावांतून महामार्ग जात आहे यातील सर्वाधिक गावांतील शेतकरी शक्तिपीठ महामार्गाचे समर्थन करत आहेत. कोल्हापूरचा विकास होऊ नये, यासाठी काही राजकारणी प्रयत्न करत आहेत. त्यांचा विरोध डावलून लोकांच्या हितासाठी शक्तिपीठ मार्ग होणारच असल्याचा ठाम विश्वास आमदार राजेश क्षीरसागर यांनी व्यक्त केला.
डिलिव्हरी बॉयने तोंडावर स्प्रे मारून 22 वर्षांच्या मुलीवर बलात्कार केला. पुणे आता सर्वसामान्य महिलांसाठी सुरक्षित असलेले शहर उरले नाही असा fake narrative पसरवायचे काम काही लोकांनी केले, पण पुणे पोलिसांनी संबंधित केसचा 24 तासांच्या आत निकाल लावून ती केसच खोटी असल्याचे सिद्ध केले, अशा परखड शब्दांमध्ये पुण्याचे पोलीस आयुक्त अमितेश कुमार यांनी fake narrative पसरवणाऱ्यांचा पर्दाफाश केला.
अंबाला येथे हरियाणाचे ऊर्जा, वाहतूक आणि कामगार मंत्री अनिल विज यांनी महाराष्ट्रात सुरू असलेल्या भाषेच्या वादावरून ठाकरे बंधूंवर थेट निशाणा साधला. माध्यमांशी बोलताना विज यांनी विचारले की, “आमची गीता संस्कृतमध्ये आणि कुराण अरबीमध्ये लिहिलेले आहे, मग आता महाराष्ट्रात कोणीही गीता आणि कुराणही अभ्यास करू शकत नाही का?”
जुगाडाच्या पलीकडे जाऊन बांधावी लागेल मोठी संघटना, तरच ओलांडता येईल ठाकरे – पवार ब्रँडची संख्यात्मक मर्यादा!! ही वस्तुस्थिती दोन्ही नावांच्या ब्रँडला आता मान्य करावी लागेल.
जवळपास २१ महिन्यांपर्यंत सुरू असलेला संघर्ष आणि मानवी संकटानंतर गाझात शांततेची शक्यता दिसत आहे. हमासने घोषणा केली की, तो इस्रायलसोबत युद्धविरामासाठी तयार आहे. या विधानासोबत दोन्ही पक्षांत अंतिम टप्प्यातील चर्चेनंतर युद्धविरामाची औपचारिक घोषणा शक्य झाली आहे.
दलाई लामा यांनी शनिवारी त्यांच्या उत्तराधिकाऱ्याची घोषणा करताना म्हटले की, ते लोकांची सेवा करण्यासाठी आणखी ३०-४० वर्षे जगतील अशी आशा बाळगतात. तिबेटी आध्यात्मिक नेते म्हणाले, ‘अनेक भविष्यवाण्या पाहून मला असे वाटते की मला अवलोकितेश्वराचे आशीर्वाद आहेत. मला आशा आहे की मी आणखी ३०-४० वर्षे जगेन.’