कर्नाटकात मुख्यमंत्री बदलण्याच्या चर्चेवर मंगळवारी एकाच दिवशी काँग्रेस अध्यक्ष, कर्नाटकचे मुख्यमंत्री आणि उपमुख्यमंत्री यांची विधाने आली. उपमुख्यमंत्री आणि कर्नाटक काँग्रेस अध्यक्ष डीके शिवकुमार म्हणाले- मी मुख्यमंत्री बदलावर सार्वजनिकरित्या काहीही बोलणार नाही, हा आमच्या 4-5 लोकांच्या मधला गुप्त करार आहे.
पंतप्रधान नरेंद्र मोदी आज, 25 नोव्हेंबर रोजी हरियाणाच्या दौऱ्यावर आहेत. कुरुक्षेत्र येथे त्यांनी ज्योतिसर अनुभव केंद्राचे लोकार्पण केले आणि पाञ्चजन्य शंख स्मारकाचे उद्घाटन केले. यानंतर पंतप्रधान श्री गुरु तेग बहादूर यांच्या 350 व्या शहीदी दिनानिमित्त आयोजित कार्यक्रमात पोहोचले. त्यांनी श्री गुरु तेग बहादूर यांना समर्पित पुस्तकाचे प्रकाशन केले आणि नाणेही जारी केले.
बनावट आयएएस कल्पना भागवतचे अफगाणिस्तान-पाकिस्तान कनेक्शनचे धागेदोरे समोर येत आहेत. अफगाणी मित्र अशरफच्या भावाच्या पाकिस्तानातील रेस्टॉरंटसाठी कल्पनाने ३ लाख रुपये हवालामार्फत पाठवल्याचे तपासात उघड झाले आहे. ही रक्कम तिने आधी अशरफला दिल्लीत पाठवली. तेथून त्याने मित्राच्या मदतीने ती हवालामार्फत पाकमध्ये पोहोचवली.
पश्चिम बंगालच्या मुख्यमंत्री ममता बॅनर्जी यांनी आज मतदार याद्यांचे शुद्धीकरण अर्थात special intensive revision SIR विरोधात जोरदार आगपाखड केली. त्यांनी एकाच वेळी सत्ताधारी भाजप आणि निवडणूक आयोग यांना धारेवर धरले. त्याचवेळी त्यांनी बंगाल जिंकायच्या नादात भाजप गुजरात हरून बसेल. मी देशभरात फिरून भाजपचा पाया हादरवून टाकेन, अशी दमबाजीची भाषा वापरली.
रशियासोबत सुरू असलेले युद्ध संपवण्यासाठी युक्रेन ट्रम्प यांच्या शांतता प्रस्तावावर सहमत झाला आहे. सीएनएनच्या वृत्तानुसार, हा दावा एका वरिष्ठ अमेरिकन अधिकाऱ्याने केला आहे. आता फक्त काही छोटे मुद्दे सोडवणे बाकी आहे.
२५२ कोटी रुपयांच्या ‘मेफेड्रोन’ ड्रग्ज जप्ती प्रकरणातील मुख्य आरोपी मोहम्मद सलीम उर्फ मोहम्मद सुहैल शेख याच्या चौकशीतून समोर आलेल्या माहितीच्या आधारे, अभिनेता-दिग्दर्शक सिद्धांत कपूर यांची मंगळवारी मुंबई पोलिसांच्या अमली पदार्थ विरोधी कक्षासमोर (एएनसी) ५ तास चौकशी केली गेली. सिद्धांत हा ज्येष्ठ अभिनेते शक्ती कपूर यांचा पुत्र आणि अभिनेत्री श्रद्धा कपूरचा भाऊ आहे.
इथिओपियाच्या ज्वालामुखीतील राख पूर्वेकडे सरकू लागल्याने, भारतात एक गंभीर परिस्थिती निर्माण झाली, जर राखेचे कण विमानांवर आदळले तर हवाई अपघात होण्याची भीती होती. ज्वालामुखीची राख ४५,००० फूट उंचीपर्यंत पोहोचत होती, विमाने त्या पातळीपेक्षा खाली उडत असली तरी. भारतात अशा परिस्थितीचा सामना करण्याची ही पहिलीच वेळ होती. त्यामुळे सरकारने रिअल-टाइम ज्वालामुखी राख प्रतिसाद प्रोटोकॉल सक्रिय केला. एव्हिएशन मंत्रालय, एअर ट्रॅफिक कंट्रोल, हवामान विभाग, एअरलाइन्स आणि आंतरराष्ट्रीय विमान वाहतूक एजन्सींच्या देखरेखीखाली एकत्र काम केले.
बहुप्रतीक्षित मुंबई महानगरपालिका निवडणुकीपूर्वीच मतदार यादीतील घोळ आता गंभीर पातळीवर पोहोचला आहे. नुकत्याच २० नोव्हेंबर रोजी जाहीर झालेल्या प्रारूप मतदार यादीमध्ये तब्बल ११ लाख दुबार मतदारांची नावे असल्याची बाब समोर आली आहे. काही मतदारांची नावे चक्क १०३ वेळा नोंदवली गेल्याचेही यादीतून दिसून येते.
गौरी ही आत्महत्या करणारी मुलगी नव्हती. ती पेशाने डॉक्टर होती. इतरांचे प्राण वाचवणारी होती. स्वतःचं आयुष्य संपवेल असं कधी वाटलं नव्हतं. तिने आत्महत्या केली नाही तर ही तिची हत्याच आहे, असा आरोप तिच्या कुटुंबीयांनी केला.
मोदी निघाले मेकॉले निर्मित मानसिक गुलामगिरी संपवायला; उदयनिधी आणि ठाकरे बंधू निघाले भाषिक युद्ध लढायला!!, असे चित्र आज देशात दिसून आले.
सोमवारी सकाळी पाकिस्तानातील पेशावर येथील फ्रंटियर कॉन्स्टेब्युलरी (एफसी) मुख्यालयावर झालेल्या दोन आत्मघातकी हल्ल्यांमध्ये तीन कमांडो आणि तीन हल्लेखोरांसह सहा जण ठार झाले आणि अनेक जण जखमी झाले.
राजनाथ सिंह म्हणाले, “हा गीतेचा देश आहे.” पहलगाम हल्ल्याचा उल्लेख करताना राजनाथ सिंह म्हणाले की, दहशतवादी हे विसरले आहेत की भारत हा गीतेचा देश आहे, जिथे करुणा आणि युद्धात धर्माचे रक्षण करण्याची प्रेरणा दोन्ही आहे. संरक्षण मंत्री म्हणाले की, जर आपल्याला शांतीची भावना जिवंत ठेवायची असेल, तर त्यातील शक्तीची भावना आवश्यक आहे. निष्पापांचे रक्षण करण्यासाठी, त्याग करण्याचे धाडस देखील तितकेच आवश्यक आहे.
अयोध्येतील श्री राम जन्मभूमी मंदिरावर फडकलेला धर्मध्वज भगव्या रंगाचा आणि त्यावर कोविदार वृक्ष अंकित आहे. कारण भगवा रंग हा धर्माचे प्रतीक आहे तर कविता वृक्ष हा रघुकुलाचे म्हणजेच श्रीरामांच्या वंशाचे प्रतीक आहे. याचे महत्त्व राष्ट्रीय स्वयंसेवक संघाचे सरसंघचालक डॉ. मोहन भागवत यांनी आजच्या कार्यक्रमात विशेषत्वाने सांगितले.
जामखेडच्या सर्वांगीण विकासासाठी शिवसेनेच्या सर्व उमेदवारांना विजयी करावे, असे आवाहन उपमुख्यमंत्री एकनाथ शिंदे यांनी अहिल्यानगर जिल्ह्यातील जामखेड येथे शिवसेना पक्षाच्या वतीने आयोजित करण्यात आलेल्या जाहीर सभेत बोलताना केले. त्याचवेळी त्यांनी रोहित पवार यांच्यावरही जोरदार हल्लाबोल केला.
रविवारी संध्याकाळी उशिरा दिल्लीतील इंडिया गेटवर वायू प्रदूषणाविरुद्ध निदर्शने करणाऱ्या लोकांनी देशातील मोस्ट वॉन्टेड नक्षलवादी कमांडर माडवी हिडमाचे (४४) पोस्टर झळकावले. पोस्टरमध्ये हिडमाची तुलना आदिवासी स्वातंत्र्यसैनिक बिरसा मुंडा यांच्याशी करण्यात आली होती. त्याचे जल, जंगल आणि जमिनीचे रक्षक म्हणून वर्णन करण्यात आले होते.
उत्तर प्रदेशमधील अयोध्येतील राममंदिराच्या शिखरावर आज (25 नोव्हेंबर) दिमाखात धर्मध्वज फडकला आणि देशात इतिहास घडला. पंतप्रधान नरेंद्र मोदी यांच्या हस्ते विधीवत पूजन करण्यात आले. या आधी पहिले राष्ट्रपती राजेंद्रप्रसाद यांनी सोमनाथ मंदिरावर धर्मध्वज फडकवला होता.
स्वदेशी बनावटीची युद्धनौका आयएनएस माहे सोमवारी भारतीय नौदलात दाखल झाली. ही पहिली माहे-श्रेणीची पाणबुडीविरोधी आणि उथळ पाण्यातील युद्धनौका आहे, जी विशेषतः किनारी ऑपरेशन्ससाठी डिझाइन केलेली आहे.
AIMIM प्रमुख असदुद्दीन ओवैसी म्हणाले की, दिल्ली स्फोटातील आरोपींचा उघडपणे निषेध केला पाहिजे. देशाचे शत्रू आपले शत्रू आहेत. या स्फोटात हिंदू आणि मुस्लिम दोघेही मारले गेले. जर आपण गप्प राहिलो, तर या क्रूर लोकांना मोकळीक मिळेल.
पश्चिम बंगालच्या मुख्यमंत्री ममता बॅनर्जी यांनी राज्यात निवडणूक व्यवस्थेशी संबंधित दोन प्रस्तावांवर आक्षेप घेतला आहे. यामध्ये डेटा एंट्रीचे काम खासगी कंपन्यांना देण्याचा आणि खासगी गृहनिर्माण सोसायट्यांच्या आत मतदान केंद्रे (पोलिंग स्टेशन) बनवण्याचा सल्ला/सूचना समाविष्ट आहे.
ब्रिटनमध्ये राहणाऱ्या भारतीय वंशाच्या प्रेमा वांगजोम यांनी आरोप केला आहे की, चीनमधील शांघाय विमानतळावर चिनी इमिग्रेशन अधिकाऱ्यांनी त्यांना तासन्तास ताब्यात ठेवले आणि त्रास दिला
उत्तराखंडमधील टिहरी येथे भाविकांनी भरलेली बस 70 मीटर खोल दरीत कोसळली, ज्यात 5 लोकांचा मृत्यू झाला आहे. टिहरीचे एसपी आयुष अग्रवाल यांनी याची पुष्टी केली. दुपारी सुमारे साडेबारा वाजता झालेल्या या अपघातात गुजरात, हरियाणा, बिहार, उत्तरप्रदेश, पंजाब, महाराष्ट्र आणि दिल्लीचे 13 लोक जखमी झाले आहेत, त्यापैकी 6 जणांची प्रकृती गंभीर आहे.
छत्रपती संभाजीनगरातील एका पंचतारांकित हॉटेलमध्ये गेल्या सहा महिन्यांपासून वास्तव्य करणारी कल्पना भागवत (वय 45) नावाची महिला अचानक पोलिस, एटीएस (Anti-Terror Squad) आणि आयबी (Intelligence Bureau) यांच्या तपासाच्या केंद्रस्थानी आली आहे.
भारत आणि कॅनडाने व्यापार कराराच्या वाटाघाटी पुन्हा सुरू करण्याची घोषणा केली आहे. दोन वर्षांच्या राजनैतिक तणावानंतर, दोन्ही देश आता व्यापार करारावर वाटाघाटी करण्यास तयार आहेत.
अंमलबजावणी संचालनालयाने (ED) फरार व्यावसायिक मेहुल चोक्सीशी संबंधित PNB कर्ज फसवणूक प्रकरणात जप्त केलेले मुंबईतील चार फ्लॅट अधिकृत लिक्विडेटरला सुपूर्द केले आहेत. ED ने आतापर्यंत भारतातील मुंबई, कोलकाता आणि सुरत या तीन शहरांमधील एकूण 310 कोटी रुपयांची मालमत्ता लिक्विडेटरला हस्तांतरित केली आहे.
अयोध्या नगरी पुन्हा एकदा नवचैतन्याने आणि रामभक्तीच्या उत्साहाने भारून गेली आहे. भव्य श्रीराम मंदिराच्या पूर्णत्वानिमित्त मंदिराच्या मुख्य शिखरावर धर्मध्वजारोहण सोहळा २५ नोव्हेंबरला होणार आहे.