केंद्रीयमंत्री संरक्षण मंत्री राजनाथ सिंह यांनी बुधवारी एअरो इंडिया २०२५ च्या स्वदेशीकरण कार्यक्रम आणि समारोप समारंभाला संबोधित केले. ते म्हणाले, भारत बदलाच्या एका क्रांतिकारी टप्प्यातून जात आहे. देशातील लढाऊ विमाने, क्षेपणास्त्र प्रणाली, नौदल जहाजे केवळ आपल्या सीमांचे रक्षण करत नाहीत तर संपूर्ण जगासाठी आकर्षणाचे केंद्र बनत आहेत.
९० तासांच्या कामाच्या आठवड्यावरील वादविवादाच्या पार्श्वभूमीवर, आंध्र प्रदेश सरकार महिलांसाठी घरून काम करण्याचा नियम लागू करण्याची योजना आखत आहे. मुख्यमंत्री चंद्राबाबू नायडू यांनी ११ फेब्रुवारी रोजी याची घोषणा केली. तथापि, ही योजना कशी राबवली जाईल याबद्दल नायडू यांनी कोणतीही योजना शेअर केलेली नाही.
चिरंजीवी यांनी राजकारणात परतण्याबद्दल त्यांची भूमिका स्पष्ट केली आहे. त्यांनी स्पष्टपणे सांगितले की आता ते कधीही राजकारणात येणार नाहीत. राजकारणात प्रवेश केल्यामुळे त्यांच्या आयुष्यात झालेल्या बदलांबद्दल त्यांनी सांगितले.
उत्तर प्रदेशचे मुख्यमंत्री योगी आदित्यनाथ यांचा एक डीप-फेक व्हिडिओ सोशल मीडियावर वेगाने व्हायरल होत आहे. ज्याबाबत एफआयआर नोंदवण्यात आला आहे. मुख्यमंत्री योगी यांचा हा डीप-फेक व्हिडिओ प्यारा इस्लाम नावाच्या अकाउंटवरून शेअर करण्यात आला आहे.
मुख्यमंत्री देवेंद्र फडणवीस यांनी सह्याद्री अतिथीगृह येथे नागपूर, छत्रपती संभाजीनगर आणि नाशिक महानगर प्रदेश विकास प्राधिकरणांच्या आढावा बैठक घेतली. या बैठकीत नवीन शहरांच्या विकासासाठी आवश्यक पायाभूत सुविधा दोन टप्प्यात विकसित करण्याचा निर्णय घेण्यात आला.
मुख्यमंत्री देवेंद्र फडणवीस यांच्या अध्यक्षतेखाली सह्याद्री अतिथीगृह, मुंबई येथे पुणे महानगर प्रदेश विकास प्राधिकरणाची आढावा बैठक पार पडली. या बैठकीत नवीन पुरंदर विमानतळ रस्ते जाळ्यासाठी 636.84 कोटी, रांजणगाव आणि हिंजवडी औद्योगिक क्षेत्रातील सिमेंट रस्त्यांसाठी 203 कोटी आणि ‘अर्बन ग्रोथ सेंटर’साठी 1526 कोटींचा निधी मंजूर करण्यात आला
कुठल्याही आणि कशाही मार्गाने भाजपच्या सत्तेच्या वळचणीला जाऊन बसण्यासाठी “पवार संस्कारित” नेत्यांची धडपड चालली असताना अखिल भारतीय मराठी साहित्य संमेलनातून राष्ट्रवादी काँग्रेसचे (शप) अध्यक्ष शरद पवार अखिल भारतीय मराठी साहित्य संमेलनाच्या निमित्ताने राजकीय डाव टाकले.
बुधवारी, एअरो इंडियाच्या तिसऱ्या दिवशी, बंगळुरूमधील येलहंका एअरबेसवर आधुनिक लढाऊ विमाने आणि हेलिकॉप्टरचे प्रदर्शन करण्यात आले. या प्रसंगी, हिंदुस्तान एरोनॉटिक्स लिमिटेड (HAL) द्वारे निर्मित हलके लढाऊ विमान (LCA) केंद्रस्थानी ठेवण्यात आले होते, जे ५०,००० फूट उंचीपर्यंत उड्डाण करण्यास सक्षम आहे. त्याच वेळी, HAL चे लाईट युटिलिटी हेलिकॉप्टर (LUH) देखील आकर्षणाचे केंद्र बनले.
दिल्लीतील एका न्यायालयाने बुधवारी शीख दंगली प्रकरणात काँग्रेसचे माजी खासदार सज्जन कुमार यांना दोषी ठरवले. राऊस अव्हेन्यू कोर्ट १८ फेब्रुवारी रोजी शिक्षा सुनावणार आहे. या खटल्याचा निकाल ४१ वर्षांनंतर आला आहे. १९८४ च्या शीखविरोधी दंगलीदरम्यान सरस्वती विहारमध्ये दोन शिखांच्या हत्येचा हा खटला आहे.
निवडणुकीदरम्यान दिल्या जाणाऱ्या मोफत योजना चुकीच्या असल्याचे बुधवारी सर्वोच्च न्यायालयाने म्हटले. तुम्ही लोकांना मोफत रेशन देत असल्याने लोक काम करू इच्छित नाहीत, असे न्यायालयाने म्हटले. काहीही न करता त्यांना पैसे देणे, चूक असल्याची टिप्पणी देखील न्यायालयाने केली आहे. यामुळे महाराष्ट्र सरकारच्या लाडकी बहिण योजना आणि आनंदाचा शिधा सारख्या योजना बंद होणार का? असा प्रश्न उपस्थित केला जातोय.
पंतप्रधान मोदी बुधवारी फ्रान्सचा दोन दिवसांचा दौरा पूर्ण करून अमेरिकेला रवाना झाले. फ्रान्सचे अध्यक्ष इमॅन्युएल मॅक्रॉन त्यांना निरोप देण्यासाठी विमानतळावर आले. यापूर्वी, फ्रान्सच्या भेटीदरम्यान, त्यांनी आर्टिफिशियल इंटेलिजेंस अॅक्शन समिटचे सह-अध्यक्षपद भूषवले. त्यांनी राष्ट्राध्यक्ष मॅक्रॉन यांच्याशी द्विपक्षीय चर्चा देखील केली.
दिल्ली विधानसभा निवडणुकीचे निकाल जाहीर होऊन चार दिवस उलटले तरी, मुख्यमंत्र्यांचे नाव अद्याप निश्चित झालेले नाही. मीडिया रिपोर्ट्सनुसार, १५ फेब्रुवारी रोजी फ्रान्स-अमेरिका दौऱ्यावरून मोदी परतल्यानंतर रविवारी भाजप विधिमंडळ पक्षाची बैठक होऊ शकते. मुख्यमंत्र्यांच्या नावाची घोषणा होण्यास झालेल्या विलंबामुळे, ‘आप’ने भाजपमध्ये फूट पडल्याचा दावा केला आहे.
उद्धव ठाकरे हे शरद पवारांच्या नादी लागले, अडीच वर्षांत घरी गेले; मग एकनाथ शिंदे काय करतील आणि त्यांचे काय होईल??, असा सवाल शिंदेंच्या सत्कारानंतर समोर आला.
शिवसेना ठाकरे गटाचे रत्नागिरी जिल्ह्यातील माजी आमदार राजन साळवी यांनी पक्षातील उपनेते पदाचा आज राजीनामा दिला आहे. गेल्या अनेक दिवसांपासून राजन साळवी हे ठाकरे गटातून बाहेर पडणार असल्याच्या चर्चा सुरू आहेत. त्यांनी दिलेल्या उपनेते पदाच्या राजीनाम्यानंतर यावर आता शिक्कामोर्तब होत आहे. तसेच राजन साळवी हे गुरुवारी दुपारी शिवसेना शिंदे गटात उपमुख्यमंत्री एकनाथ शिंदे यांच्या उपस्थितीत प्रवेश करणार असल्याचे समजते.
उपमुख्यमंत्री एकनाथ शिंदे यांना नवी दिल्लीमध्ये सरहद संस्थेकडून महादजी शिंदे राष्ट्रगौरव पुरस्कार देण्यात आला. ज्येष्ठ नेते शरद पवार यांच्या हस्ते हा पुरस्कार देण्यात आला. मात्र, यावरून ठाकरे गटाने नाराजी व्यक्त केली. तसेच संजय राऊत यांनी एकनाथ शिंदे यांना मिळालेल्या या पुरस्कारवर टीका केली आहे. यावर तू असाच जळत रहा, एवढेच मी बोलेन, अशी टीका शिंदे गटाचे नेते व राज्याचे मंत्री दादा भुसे यांनी केली आहे.
अर्थमंत्री निर्मला सीतारमण गुरुवारी संसदेत नवीन आयकर विधेयक मांडतील. बुधवारी खासदारांना त्याच्या प्रती उपलब्ध करून देण्यात आल्या. यातून ६४ वर्षांपूर्वीच्या आयकर कायद्यातील दुरुस्तीचे दर्शन घडते. दुरुस्तीमुळे आयकर कायदा-१९६१ ला सुलभ करून तो सामान्यांना समजण्यायोग्य होईल आणि यासंबंधीचे कोर्टकज्जेही कमी होण्यास मदत होईल, असा दावा सरकारने केला आहे.
जल जीवन मिशन आणि स्वच्छ भारत अभियान योजनांची प्रभावी अंमलबजावणी करावी. तसेच नागरिकांना शुद्ध पाणीपुरवठा आणि स्वच्छता सुविधा उपलब्ध करून योजना सुरळीत असल्याची खात्री करण्यासाठी अधिकाऱ्यांनी क्षेत्रिय पातळीवर प्रत्यक्ष भेट द्यावी, अशा सूचना पाणीपुरवठा व स्वच्छता मंत्री गुलाबराव पाटील यांनी दिल्या.
लाडकी बहीण योजना बंद करणार, ही योजना बंद करणार, ती योजना बंद करणार असे असे आरोप होत आहेत. आम्ही कुठलीही योजना बंद केलेली नाही. ज्या योजना सुरु आहेत त्या चालवणारच आहोत, असा निर्धार मुख्यमंत्री देवेंद्र फडणवीस यांनी व्यक्त केला आहे.मुख्यमंत्री म्हणाले, लाडकी बहीण योजना सुरु केल्यानंतर ४० ते ४५ हजार कोटींचा भार बजेटवर आला आहे . त्यामुळे फिस्कल स्पेस कमी झाली आहे. मात्र लाडकी बहीण योजना बंद करणार नाही.
उद्धव ठाकरे आणि काँग्रेसच्या टोकाच्या विरोधापोटी महाराष्ट्राच्या राजकारणात पिकवली जातेय विश्वासघाताची पोळी!!, हे सत्य स्वीकारण्याची वेळ महाराष्ट्रातल्या दोन दिवसात मधल्या घडामोडींनी आली. शरद पवारांनी राजधानी नवी दिल्लीत एकनाथ शिंदे यांचा महादजी शिंदे पुरस्कार देऊन गौरव केला. पवारांनी हा बाण भाजपच्या दिशेने सोडला होता, पण त्यामुळे उद्धव ठाकरेंची सेना घायाळ झाली. संजय राऊत यांनी उतावीळपणे एकनाथ शिंदे यांच्याबरोबरच शरद पवार यांना “टार्गेट” केले. शरद पवारांच्या समर्थकांनी संजय राऊत यांना प्रत्युत्तर दिले. फक्त सुषमा अंधारे संजय राऊत यांच्या बाजूने उभ्या राहिल्या.
बिहारचे मुख्यमंत्री नितीश कुमार यांनी बुधवारी भाजपसोबतचे आपले संबंध जुने असल्याचे सांगितले आणि आम्ही एकत्र आहोत आणि भविष्यातही एकत्र काम करू असे सांगितले. यावेळी त्यांनी कोणाचेही नाव न घेता राजदवरही निशाणा साधला. ते म्हणाले की २००५ पूर्वीच्या सरकारने बिहारच्या विकासासाठी काहीही केले नाही.
श्चिम बंगालमध्ये सत्ताधारी तृणमूल काँग्रेस आणि राज्यपालांमध्ये पुन्हा तणाव वाढला आहे. राज्यपाल सीव्ही आनंद बोस यांनी मुख्यमंत्री ममता बॅनर्जी, कुणाल घोष आणि तृणमूल काँग्रेसच्या दोन आमदारांना मानहानीची नोटीस पाठवली आहे. बोस यांनी पाठवलेल्या या नोटीसमध्ये सर्व नेत्यांना सांगण्यात आले आहे की तुम्ही राज्यपालांची बदनामी केली आहे. जर या संदर्भात तात्काळ माफी मागितली नाही तर त्यांच्यावर प्रत्येकी ११ कोटी रुपयांचा मानहानीचा खटला दाखल केला जाईल.
महाराष्ट्राची राजधानी मुंबईत गुइलेन-बॅरे सिंड्रोममुळे चिंता वाढली आहे. या विषाणूमुळे येथे झालेला हा पहिला मृत्यू आहे. अधिकाऱ्यांचे म्हणणे आहे की, संक्रमित व्यक्तीचा बुधवारी मृत्यू झाला. बृहन्मुंबई महानगरपालिका (बीएमसी) आयुक्तांच्या मते, मृत व्यक्तीचे वय ५३ वर्ष होते. ते दीर्घ आजाराने ग्रस्त होते आणि त्यानंतर नायर रुग्णालयात त्यांचे निधन झाले.
लोकसभेतील काँग्रेसचे विरोधी पक्षनेते आणि खासदार राहुल गांधी यांना उत्तर प्रदेशची राजधानी लखनऊच्या एमपी एमएलए कोर्टाने समन्स बजावले आहे. भारत जोडो यात्रेदरम्यान भारतीय सैन्याविरुद्ध केलेल्या कथित अपमानास्पद टिप्पणीप्रकरणी लखनऊ न्यायालयाने समन्स जारी केले आहे. मध्य प्रदेशच्या आमदार न्यायालयाने राहुल गांधींना २४ मार्च रोजी हजर राहण्याचे आदेश दिले आहेत.
दिल्ली अँटी करप्शन ब्युरो (एसीबी) आम आदमी पक्षाच्या नेत्यांविरुद्ध कायदेशीर कारवाई करण्याची तयारी करत आहे. यामध्ये दिल्लीचे माजी मुख्यमंत्री अरविंद केजरीवाल, मुकेश अहलावत आणि संजय सिंह यांचा समावेश आहे.
अमेरिकेच्या परराष्ट्र खात्याचे माजी अधिकारी माइक बेंझ यांच्या एका दाव्याने खळबळ उडाली आहे. टाईम्स ऑफ इंडियाच्या वृत्तानुसार, बेंझ यांनी असा दावा केला आहे की मीडिया प्रभावाचा वापर करून, सोशल मीडिया सेन्सॉरशिपला प्रोत्साहन देऊन आणि विरोधी चळवळींना आर्थिक मदत देऊन अमेरिकेने भारत आणि बांगलादेशसह अनेक देशांच्या राजकारणावर प्रभाव पाडण्याचा प्रयत्न केला आहे.