दिल्लीत आज नीती आयोगाची एक महत्त्वाची बैठक झाली. देशातील बहुतेक राज्यांचे मुख्यमंत्री त्यात सहभागी झाले होते. यावेळी पंतप्रधान मोदींनीही बैठकीला संबोधित केले. ते म्हणाले की आपल्याला विकासाचा वेग वाढवावा लागेल. जर केंद्र आणि सर्व राज्ये एकत्र येऊन टीम इंडियाप्रमाणे एकत्र काम करत असतील तर कोणतेही ध्येय अशक्य नाही.
सर्वोच्च न्यायालयाने मद्रास उच्च न्यायालयाचा एक आदेश रद्दबातल ठरवला आहे. एका सरकारी शाळेतील शिक्षिकेला तिच्या तिसऱ्या मुलाच्या जन्मासाठी प्रसूती रजा देण्यास उच्च न्यायालयाने नकार दिला होता. उच्च न्यायालयाने म्हटले होते की, राज्य धोरणानुसार, प्रसूती रजेचा लाभ फक्त दोन मुलांपुरता मर्यादित आहे.
कॅनडाने आंतरराष्ट्रीय विद्यार्थ्यांना देण्यात येणाऱ्या अभ्यास परवान्यांची संख्या कमी केली आहे. २०२५ च्या पहिल्या तिमाहीत गेल्या वर्षीच्या याच कालावधीच्या तुलनेत भारतीय विद्यार्थ्यांना देण्यात आलेल्या परवानग्यांमध्ये ३१% घट झाली आहे.
लोकसभेतील विरोधी पक्षनेते आणि काँग्रेस नेते राहुल गांधी ऑपरेशन सिंदूरशी संबंधित उपस्थित केलेल्या प्रश्नांनी सध्या वेढलेले आहेत. दरम्यान, महाराष्ट्र भाजपचे अध्यक्ष आणि मंत्री चंद्रशेखर बावनकुळे यांनीही राहुल गांधींवर निशाणा साधला आहे.
लग्न नाही झाले, तरी संसार एकत्र करू लागले, अशा शब्दांमध्ये वंचित बहुजन आघाडीचे नेते प्रकाश आंबेडकर यांनी शरद पवार आणि अजित पवार यांच्या राष्ट्रवादीच्या ऐक्याची खिल्ली उडवली.
जून २०२५ मध्ये जागतिक बँकेसोबत होणाऱ्या बैठकीत भारत पाकिस्तानला निधी देण्याचा मुद्दा उपस्थित करेल. याशिवाय, भारत सरकार पाकिस्तानला पुन्हा फायनान्शियल ॲक्शन टास्क फोर्स (FATF) च्या ग्रे लिस्टमध्ये टाकण्याचा मुद्दा देखील उपस्थित करेल. सरकारी सूत्रांनी ही माहिती पीटीआय या वृत्तसंस्थेला दिली आहे.
अमेरिकेत कमावलेले पैसे भारतात पाठवण्यावर ३.५% कर लागेल. यापूर्वी ५% कर प्रस्तावित होता. अमेरिकन प्रतिनिधी सभागृहाने २२ मे रोजी ‘वन बिग, ब्युटीफुल बिल ॲक्ट’ मंजूर केला. या विधेयकात अमेरिकेत परदेशी कामगारांनी कमावलेले पैसे त्यांच्या देशात पाठवण्यावर कर लावण्याची तरतूद आहे.
पुण्यातील वैष्णवी हगवणे आत्महत्या प्रकरणात राष्ट्रवादी काँग्रेसच्या पदाधिकाऱ्याला अटक करण्यात आली आहे. आता या प्रकरणावरून उपमुख्यमंत्री अजित पवार यांच्यावर प्रश्नचिन्ह उपस्थित केले जात आहे. पुण्यात घडणाऱ्या अनेक प्रकरणातील आरोपी हे अजित पवार यांच्या पक्षातले कसे? असा प्रश्न काँग्रेसचे प्रदेशाध्यक्ष हर्षवर्धन सपकाळ यांनी उपस्थित केला आहे. या माध्यमातून त्यांनी अजित पवार यांच्यावर थेट टीका केली आहे.
हार्वर्ड विद्यापीठाला परदेशी विद्यार्थ्यांना प्रवेश देण्याचा अधिकार रद्द करण्याच्या ट्रम्प प्रशासनाच्या वादग्रस्त निर्णयावर अमेरिकेतील फेडरल न्यायालयाने शुक्रवारी तात्पुरती स्थगिती दिली, या निर्णयामुळे जगभरातील सुमारे ७,००० विद्यार्थ्यांचे शैक्षणिक भवितव्य संकटात आले होते. हजारो भारतीय विद्यार्थ्यांचाही यात समावेश आहे.
छत्तीसगडमधील बिजापूर जिल्ह्यात नक्षलविरोधी मोहिमेअंतर्गत पोलिसांना मोठे यश मिळाले आहे. जिल्ह्यात सक्रिय असलेल्या एकूण २४ नक्षलवाद्यांनी, ज्यामध्ये ८७.५० लाख रुपयांचे बक्षीस असलेल्या २० माओवाद्यांचा समावेश आहे, पोलिसांसमोर आत्मसमर्पण करण्याचा आणि समाजाच्या मुख्य प्रवाहात परतण्याचा निर्णय घेतला आहे. आत्मसमर्पणाची ही घटना जिल्ह्यातील शांतता आणि विकासाच्या दिशेने एक महत्त्वाचे पाऊल मानले जात आहे.
बांगलादेशात नोबेल पुरस्कार विजेता अर्थतज्ञ राज्यकर्ता मोहम्मद युनूस आणि बांगलादेशी लष्कर प्रमुख वकार उज झमान यांच्यात गंभीर मतभेद झाल्याचे समोर आल्यानंतर मोहम्मद युनूस त्यांच्यासमोर
वैष्णवी हगवणे आत्महत्या प्रकरणातील फरार सासरा राजेंद्र हगवणे आणि दीर सुशील हगवणे हे सात दिवसांपासून फरार होते. पोलिसांनी आज सकाळी दोघांना स्वारगेट येथून ताब्यात घेतले. दुपारी त्यांना शिवाजी नगर न्यायालयात हजर करण्यात आले. यावेळी न्यायालयाने दोघांनाही 28 मे पर्यंत पोलिस कोठडी सुनावली आहे. दरम्यान, आरोपी पिता-पुत्राला न्यायालयात नेत असताना भाजप महिला आघाडीच्या कार्यकर्त्यांनी आरोपींच्या गाडीवर टोमॅटो फेकून संताप व्यक्त करण्यात आला.
काँग्रेसच्या डोक्यात पाकिस्तानचा व्हायरस शिरला आहे. त्यामुळे देशाला पाकव्याप्त काश्मीरपासून नव्हे तर पाक विचाराच्या काँग्रेसचा मोठा धोका आहे, असा घणाघात मुख्यमंत्री देवेंद्र फडणवीस यांनी शुक्रवारी काँग्रेसवर निशाणा साधताना केला. भारताकडे वाईट नजरेने पाहणाऱ्याला जशास तसे प्रत्युत्तर दिले जाईल हे पंतप्रधान नरेंद्र मोदी यांनी ऑपरेशन सिंदूरच्या माध्यमातून जगाला दाखवून दिले, असेही ते यावेळी म्हणाले.
मुख्यमंत्री देवेंद्र फडणवीस यांच्या अध्यक्षतेखाली सांगली येथे, ‘सांगली जिल्हा पोलीस’ आढावा बैठक संपन्न झाली. यावेळी मुख्यमंत्री फडणवीस यांनी जिल्ह्यातील कायदा व सुव्यवस्था अबाधित राखण्यासाठी पोलीस दलाने सर्वतोपरी कामगिरी करावी. त्यासाठी नवीन फौजदारी कायद्यांची प्रभावी अंमलबजावणी करून ‘कन्व्हिक्शन रेट’ वाढवावा, असे निर्देश दिले.
अमेरिकेचे माजी राष्ट्राध्यक्ष डोनाल्ड ट्रम्प यांनी अॅपल कंपनीला इशारा दिला आहे की, जर त्यांनी भारतात आयफोन बनवले आणि ते अमेरिका विक्रीसाठी पाठवले, तर अशा फोनवर किमान २५% आयात कर (टॅरिफ) लावला जाईल. ट्रम्प यांना वाटते की अॅपलने अमेरिका विक्रीसाठी असलेले सर्व फोन अमेरिकेतच बनवायला हवेत, भारतात किंवा इतर देशांत नव्हे.
बांगलादेशच्या अंतरिम सरकारचे प्रमुख प्रोफेसर मोहम्मद युनूस राजीनामा देण्याचा विचार करत आहेत. बीबीसीच्या बांगला सेवेने गुरुवारी मध्यरात्री विद्यार्थी नेतृत्वाखालील नॅशनल सिटीझन पार्टी (एनसीपी) चे प्रमुख नाहिद इस्लाम यांना उद्धृत करून ही बातमी दिली. त्यात म्हटले आहे की युनूस यांना वाटते की राजकीय पक्षांमध्ये एकमत नसल्याने काम करणे कठीण होत आहे.
भारताचा शेजारी देश बांगलादेश बऱ्याच काळापासून राजकीय अस्थिरतेतून जात आहे. शेख हसीना सरकारच्या सत्तापालटानंतर बांगलादेश अद्याप स्थिर झालेला नाही. सध्या बांगलादेशची कमान अंतरिम सरकारचे प्रमुख मुहम्मद युनूस यांच्याकडे आहे. तथापि, यानंतरही देशातील परिस्थिती बिकट होत चालली आहे. अशा परिस्थितीत, बांगलादेशचे अंतरिम प्रमुख मुहम्मद युनूस लवकरच आपल्या पदाचा राजीनामा देऊ शकतात अशा बातम्या येत आहेत.
एअर इंडिया एक्सप्रेसच्या विमानात तांत्रिक बिघाड झाला, ज्यामुळे त्याचे जयपूर विमानतळावर आपत्कालीन लँडिंग करावे लागले. हे विमान बंगळुरूहून दिल्लीला जात होते. उड्डाणादरम्यान वैमानिकाला तांत्रिक बिघाड लक्षात आला.
काश्मीरमधील पहलगाममध्ये दहशतवाद्यांनी निष्पाप लोकांना ठार मारल्यानंतर, भारतीय सैन्याने ऑपरेशन सिंदूर सुरू केले आणि पाकिस्तानमध्ये असलेल्या दहशतवाद्यांचे अनेक अड्डे उद्ध्वस्त केले. यानंतर, पाकिस्तानने पराभव स्वीकारला आणि युद्धबंदीची घोषणा केली. यानंतरही पाकिस्तान आपल्या कुरापती थांबवल्या नाहीत.
भाजप खासदार निशिकांत दुबे यांनी काँग्रेस नेते राहुल गांधी यांच्यावर जोरदार प्रहार केला आहे. निशिकांत दुबे यांनी १९९१ मध्ये काँग्रेस सरकारच्या काळात भारत आणि पाकिस्तानमध्ये झालेल्या कराराबद्दल आठवण करून दिली. भाजप खासदार निशिकांत दुबे यांनी राहुल गांधींना विचारले की हा करार देशद्रोह आहे का?
आयपीएल २०२५ मध्ये आतापर्यंत विराट कोहलीची बॅट चांगली चालल्याचे दिसून आले आहे, ज्यामध्ये त्याने ११ डावांमध्ये ६३.१३ च्या सरासरीने ५०५ धावा केल्या आहेत. कोहलीच्या या शानदार कामगिरीच्या जोरावर, आरसीबी संघ आधीच प्लेऑफसाठी पात्र ठरला आहे, तर आता त्यांचे लक्ष हंगामातील उर्वरित 2 लीग सामने जिंकून टॉप-2 मध्ये स्थान मिळवण्यावर आहे. आरसीबीला आपला पुढचा सामना आज सनरायझर्स हैदराबादविरुद्ध खेळायचा आहे आणि या सामन्यात विराट कोहलीला त्याच्या नावावर एक मोठा विक्रम करण्याची संधी असेल.
नवी दिल्ली येथे एका कार्यक्रमाला संबोधित करताना केंद्रीय गृहमंत्री अमित शहा यांनी ऑपरेशन सिंदूरचा उल्लेख केला. ते म्हणाले की भारताने फक्त पाकिस्तानमधील दहशतवादी अड्ड्यांवर लक्ष केंद्रित केले.
भारताचा चिकन आवळायची बांगलादेशाने केली होती भाषा, पण भारतानेच “विशाल मन” दाखवायचा माजी राष्ट्रीय सुरक्षा सल्लागारांचा सल्ला!!, असे चित्र आज समोर आले.
भारतातील खासदारांचे शिष्टमंडळ पाकिस्तानचा पर्दाफाश करण्यासाठी वेगवेगळ्या देशांमध्ये प्रवास करत आहेत. येथे हे खासदार ऑपरेशन सिंदूरच्या यशाबद्दल आणि त्याच्या आवश्यकतेबद्दल माहिती देत आहेत. पण याच दरम्यान एका मोठ्या बातमीने खळबळ उडाली आहे.
भारत आणि पाकिस्तानमध्ये पुन्हा एकदा युद्धबंदी आणण्याच्या अमेरिकेचे अध्यक्ष डोनाल्ड ट्रम्प यांच्या दाव्यावर भारताच्या परराष्ट्र मंत्रालयाने एक निवेदन जारी केले. साप्ताहिक पत्रकार परिषदेत परराष्ट्र मंत्रालयाचे प्रवक्ते रणधीर जयस्वाल म्हणाले की, भारत आणि पाकिस्तानमधील कोणताही संबंध द्विपक्षीय असावा, चर्चा आणि दहशतवाद एकत्र चालू शकत नाहीत.