रायगडच्या पालकमंत्रिपदावरून सुरू असलेला महायुतीतील शिवसेना शिंदे गट आणि राष्ट्रवादी काँग्रेस अजित पवार गटातील संघर्ष आता आणखीनच चिघळला आहे. राष्ट्रवादीचे प्रवक्ते सूरज चव्हाण यांनी थेट शिवसेनेचे मंत्री भरत गोगावले यांचा अघोरी पूजेचा व्हिडिओ सोशल मीडियावर शेअर करत नवा वाद पेटवला आहे.
पंतप्रधान नरेंद्र मोदी बुधवारी कॅनडाहून क्रोएशियामध्ये पोहोचले. राजधानी झाग्रेबमध्ये पंतप्रधान मोदींचे स्वागत करण्यासाठी मंत्रपठण करण्यात आले आणि भारतीय नृत्य सादर करण्यात आले. त्यानंतर पंतप्रधान मोदी भारतीय समुदायाच्या लोकांशी भेटले.
अमेरिकेचे राष्ट्राध्यक्ष डोनाल्ड ट्रम्प यांनी बुधवारी पुन्हा एकदा म्हटले की, त्यांनी भारत आणि पाकिस्तानमधील संभाव्य युद्ध थांबवले. ट्रम्प म्हणाले की, मी युद्ध थांबवले. मला पाकिस्तान आवडतो. पंतप्रधान मोदी एक अद्भुत व्यक्ती आहेत. मी काल रात्री त्यांच्याशी बोललो. आम्ही भारतासोबत व्यापार करार करणार आहोत.
जर तुम्ही किंवा तुमच्या कुटुंबातील कोणी CGHS (केंद्रीय सरकार आरोग्य योजना) चे लाभार्थी असाल, तर आता या योजनेअंतर्गत उपचार घेणे सोपे झाले आहे. CGHS पूर्णपणे डिजिटल आणि अधिक सोयीस्कर करण्यासाठी केंद्र सरकारने २०२५ मध्ये ५ मोठे बदल केले आहेत. नवीन बदलांनंतर, उपचारांसाठी रांगेत उभे राहण्याची, पेमेंट स्लिप बाळगण्याची किंवा कागदपत्रे वारंवार दाखवण्याची आवश्यकता राहणार नाही.
शिवसेनेतल्या ठाकरे गटाचे नेते सुधाकर बडगुजर यांच्यासाठी भाजप मधला प्रवेश पक्षाच्या प्रदेश पातळीवरच्या नेत्यांनी सुकर केला.
शिवसेनेच्या इतिहासात प्रथमच ठाकरे ब्रँड विरुद्ध हिंदुत्व ब्रँड यांच्यातील लढाई मुंबईत आमने-सामने आल्याने एक राजकीय विसंगती समोर आली.
इराणचे सर्वोच्च नेते अयातुल्ला खामेनी यांनी बुधवारी दिलेल्या संदेशात म्हटले आहे की अमेरिकेने ऐकावे, आम्ही शरणागती पत्करणार नाही. खामेनी यांनी अमेरिकेचे अध्यक्ष डोनाल्ड ट्रम्प यांना इशारा देत म्हटले आहे की, ‘जर अमेरिकन सैन्याने इस्रायलविरुद्धच्या युद्धात हस्तक्षेप केला तर त्याचे परिणाम वाईट होतील.’
पहिलीपासून हिंदीची सक्ती करण्याच्या सरकारच्या वादग्रस्त निर्णयाचे तीव्र राजकीय पडसाद उमटत आहेत. त्यामुळे राज्याच्या शालेय शिक्षण मंत्री दादा भुसे यांनी या प्रकरणी एक पाऊल मागे घेतले आहे. या प्रकरणी त्यांनी सद्यस्थितीत पहिली ते पाचवीच्या विद्यार्थ्यांना त्यांच्या इच्छेनुसार तिसरी भाषा उपलब्ध करून देण्याचा निर्णय घेण्यात आला आहे, असे ते म्हणालेत.
देशातील टोलप्रणालीला अधिक सुलभ आणि पारदर्शक बनवण्यासाठी केंद्र सरकारने आणखी एक महत्त्वपूर्ण पाऊल उचलले आहे. केंद्रीय रस्ते वाहतूक आणि महामार्ग मंत्री नितीन गडकरी यांनी नुकताच फास्टॅग आधारित “वार्षिक पास” सुरु करण्याची घोषणा केली आहे. केवळ ३,००० रुपयांमध्ये उपलब्ध होणारा हा पास १५ ऑगस्ट २०२५ पासून लागू होणार असून, एकाच टोल व्यवहारात वर्षभराचे प्रवास शुल्क भरता येईल.
पंतप्रधान नरेंद्र मोदींच्या कॅनडा दौऱ्याच्या पार्श्वभूमीवर भारत आणि कॅनडा यांच्या त्या संबंधांमध्ये नेमका काय बदल झाला हे दोन्ही देशांमध्ये नियमित राजदूत नेमण्याच्या निर्णयावरून पुढे आले
आपण हिंदू आहोत हिंदी नाही, अशा शब्दात राज ठाकरे यांनी हिंदीची सक्ती महाराष्ट्रात का? असा प्रश्न उपस्थित केला आहे. मराठी भाषेची शक्ती दक्षिण भारतातील राज्यात कराल का? असा प्रश्न देखील त्यांनी उपस्थित केला. आज भाषा सक्ती करत आहात, उद्या इतरही सक्ती होऊ शकते. म्हातारी मेल्याचे दुःख नाही मात्र काळ सोकावला जाईल, असे देखील राज ठाकरे यांनी म्हटले आहे. या संदर्भात राज ठाकरे यांनी सरकारला दिलेली पत्र देखील त्यांनी वाचून दाखवले. तसेच त्यांनी राज्यातील सर्व मुख्याध्यापकांना पत्र लिहिले असून राज्य सरकारला थेट इशारा दिला आहे. या निर्णयामागे आयएएस लॉबी असण्याची शंका त्यांनी उपस्थित केली आहे.
मुख्यमंत्री देवेंद्र फडणवीस यांनी मनसे अध्यक्ष राज ठाकरे यांनी केलेला दोन भाषांचा आग्रह चुकीचा असल्याचे ठणकावून सांगितले. संपूर्ण देशात नव्या शैक्षणिक धोरणांतर्गत (एनईपी) 3 भाषांचे सूत्र लागू असेल, तर महाराष्ट्र दोन भाषांच्या सूत्रावर जाऊ शकत नाही, असे ते म्हणालेत.
पुणे जिल्ह्यातील जेजुरी -जेजुरी मोरगाव रोडवर किर्लोस्कर कंपनी जवळील श्रीराम ढाबा समोर स्विफ्ट कार आणि पिकअप टेम्पोमध्ये भीषण अपघात झाला. या अपघात आठ जण जागीच ठार, तर पाच जण गंभीर जखमी झाले आहेत. जखमींना जवळील रुग्णालयात उपचारासाठी दाखल करण्यात आले आहे. रात्री सव्वा 7 वाजण्याच्या सुमारास हा अपघात झाला.
पद्मश्री सन्मानित, पर्यावरण आणि वन्यजीव लेखक ‘अरण्यऋषी’ म्हणून ओळखले जाणारे ज्येष्ठ लेखक आणि माजी वनाधिकारी मारुती चितमपल्ली यांचे आज 18 जून रोजी वृद्धापकाळाने निधन झाले. ते 93 वर्षांचे होते. सोलापूरमधील त्यांच्या राहत्या घरी सायंकाळी सात वाजता त्यांनी अखेरचा श्वास घेतला. त्यांच्या निधनाने भारतीय पर्यावरण आणि साहित्य क्षेत्रात मोठी पोकळी निर्माण झाली आहे.
पंतप्रधान नरेंद्र मोदी यांच्या क्रोएशिया दौऱ्यादरम्यान भारत आणि क्रोएशियामध्ये अनेक करार झाले. त्यानंतर पंतप्रधान मोदींनी उपस्थितांना संबोधित केले. यावेळी त्यांनी क्रोएशियाचे पंतप्रधान आंद्रेज प्लेनकोविक यांचे स्वागत केल्याबद्दल आभार मानले.
व्हाईट हाऊसमध्ये माध्यमांशी इराण-इस्रायल युद्धाबाबत बोलताना राष्ट्राध्यक्ष ट्रम्प म्हणाले, ‘आठवड्यापूर्वीची आणि आताच्या परिस्थितीत खूप फरक आहे. मी काय करणार आहे, याबाबत कोणालाही माहिती नाही. मात्र पुढच्या आठवड्यात काहीतरी मोठे होणार आहे. कदाचित त्यासाठी एका आठवड्यापेक्षा कमी वेळ लागेल.’
काँग्रेसला नव्हे, तर “राहुल काँग्रेसला” diplomatic win आणि diplomatic झटका यांच्यातला फरक तरी समजतोय का??, असे विचारायची वेळ जयराम रमेश यांच्यासारख्या काँग्रेसच्या “उच्चशिक्षित” मुख्य प्रवक्त्याच्या “डबल” वक्तव्यामुळे आली.
२४ फेब्रुवारी २०२२ रोजी रशियाने युक्रेनवर आक्रमण केले, तेव्हापासून युद्ध सुरू आहे. गेल्या ४० महिन्यांपासून सुरू असलेल्या युद्धात युक्रेनला मोठ्या प्रमाणात जीवित आणि मालमत्तेचे नुकसान सहन करावे लागत आहे.
भारताने पाकिस्तानातल्या दहशतवादाविरुद्ध Operation Sindoor सुरू करून त्याचा पहिला टप्पा यशस्वी केला.
आंध्र प्रदेशातील अल्लुरी सीतारामराजू जिल्ह्यातील रामपाचोडावरम पोलिस स्टेशन परिसरात बुधवारी सकाळी सुरक्षा दलांनी ३ नक्षलवादी नेत्यांना ठार मारले गेले. यामध्ये गजरला रवी उर्फ उदय (सीसीएम), रवी चैतन्य उर्फ अरुणा (एसझेडसीएम) आणि अंजू (एसीएम) यांचा समावेश आहे. त्यांच्याकडून तीन एके-४७ देखील जप्त करण्यात आल्या आहेत.
अंमलबजावणी संचालनालयाच्या(ED) पथकाने आज दिल्लीत ३७ ठिकाणी छापे टाकले. ईडीच्या कारवाईने एकच खळबळ उडाली आहे. प्राप्त माहितीनुसार, दिल्लीतील शाळांमधील वर्गखोल्या बांधकाम ‘घोटाळ्या’च्या मनी लाँड्रिंग चौकशीचा भाग म्हणून अनेक ठिकाणी छापे टाकण्यात आले. अधिकृत सूत्रांनी ही माहिती दिली. हा घोटाळा मागील आम आदमी पक्षाच्या सरकारच्या काळात झाल्याचा आरोप आहे.
अहमदाबादहून लंडनला जाणाऱ्या एअर इंडियाच्या AI-171 (बोईंग 787-8 ड्रीमलायनर) विमानाचा ज्या ठिकाणी अपघात झाला, त्या ठिकाणाहून 80 तोळे (800 ग्रॅम) सोने, ₹80,000 रोख, एक मोबाईल फोन, भगवद्गीतेची प्रत, 9 पासपोर्ट आणि इतर वस्तू जप्त करण्यात आल्या आहेत.
महाराष्ट्रात हिंदीसाठी अनिवार्य हा शब्द काढून टाकण्यात आला आहे परंतु मराठी आणि इंग्रजीनंतर ती तिसरी भाषा म्हणून शिकवली जाईल.
सांगली जिल्ह्याच्या राजकारणात मोठा भूकंप घडवत, महाराष्ट्राचे माजी मुख्यमंत्री आणि काँग्रेसचे ज्येष्ठ नेते वसंतदादा पाटील यांच्या नातसून जयश्री पाटील भारतीय जनता पक्षात प्रवेश करणार आहेत. त्यांच्या प्रवेशामुळे काँग्रेसला सांगलीत मोठा धक्का बसला आहे. आगामी स्थानिक स्वराज्य संस्थांच्या निवडणुकीच्या पार्श्वभूमीवर भाजपसाठी ही घडामोड अत्यंत लाभदायक ठरणार आहे, असे बोलले जात आहे.
पाकिस्तानात हिंदू द्वेषाचे विषारी भाषण केलेल्या असीम मुनीर याने अमेरिकेत जाऊन भारताला पाकिस्तानशी सभ्यतेने वागायला सांगितले. पाकिस्तानचा स्वयंघोषित फिल्ड मार्शल असीम मुनीर अमेरिकेच्या दौऱ्यावर गेला.