स्थानिक स्वराज्य संस्थांच्या निवडणुका महायुती म्हणून लढवायच्या की स्वबळावर लढवायच्या हे ठरण्यापूर्वीच उपमुख्यमंत्री एकनाथ शिंदे यांनी नाशिक मध्ये लक्ष घातले. इतर पक्षांमध्ये पदाधिकारी शिवसेनेत घेऊन स्वबळ वाढविले.
ओबीसी लढ्याचे नेतृत्व धनगर समाजाने हाती घ्यावे, अशी भूमिका वंचित बहुजन आघाडीचे अध्यक्ष प्रकाश आंबेडकर यांनी मांडली आहे. आगामी निवडणुकीत ओबीसीने आरक्षणवादी जनतेला सोबत घेऊन निवडणूक लढवावी, असे मत प्रकाश आंबेडकर यांनी व्यक्त केले. तसेच सवर्णांना मतदान करण्याऐवजी एससी-एसटी उमेदवारांना आणि ते नसतील तर मुस्लिमांना मतदान करावे, असे आवाहनही प्रकाश आंबेडकर यांनी केले. धनगर समाजाचे राज्यस्तरीय अधिवेशन आज पुण्यात पार पडले. या अधिवेशनात प्रकाश आंबेडकर सहभागी झाले होते. या अधिवेशनानंतर माध्यमांशी बोलताना त्यांनी आपली भूमिका मांडली.
सध्या जगासमोर वातावरण बदलाचा सर्वात मोठा प्रश्न असून, याचे थेट परिणाम मराठवाड्यात जाणवत आहेत. यंदा मे महिन्यात पावसाळा सुरू होऊन ऑक्टोबरमध्येही पाऊस सुरू आहे. अनेक ठिकाणी सात-सात वेळा अतिवृष्टी झाल्याने शेतकऱ्यांचे मोठे नुकसान झाले आहे, केवळ पिकेच नव्हे तर जमिनीही खरडून गेल्यामुळे रबीचे पीक घेणेही शेतकऱ्यांसाठी मोठे आव्हान बनले आहे. या पार्श्वभूमीवर, कार्बन डायऑक्साइडचे उत्सर्जन आणि ग्रीन हाऊस गॅसेस कमी करणे अत्यावश्यक असल्याचे मत राज्याचे उपमुख्यमंत्री देवेंद्र फडणवीस यांनी व्यक्त केले.
बिटकॉइनची किंमत पहिल्यांदाच ₹११ दशलक्ष ओलांडली आहे. आज, ५ ऑक्टोबर रोजी, ही क्रिप्टोकरन्सी सर्वकालीन उच्चांकावर पोहोचली. २००९ मध्ये जेव्हा सातोशी नाकामोतोने ती तयार केली तेव्हा त्याची किंमत शून्याच्या जवळ होती. याचा अर्थ असा की जर तुम्ही त्यावेळी बिटकॉइनमध्ये एक रुपयांपेक्षा कमी गुंतवणूक केली असती तर आज त्याची किंमत ₹१ दशलक्षपेक्षा जास्त झाली असती.
अतिवृष्टी आणि महापुरामुळे राज्यात झालेल्या प्रचंड नुकसानीच्या मदतीच्या पार्श्वभूमीवर स्वाभिमानी शेतकरी संघटनेचे नेते राजू शेट्टी यांनी महायुती सरकारला कडक इशारा दिला आहे. नुकसानग्रस्त शेतकऱ्यांना हेक्टरी 50 हजार रुपयांची मदत द्या, अन्यथा किमान 2019 च्या शासन निर्णयाप्रमाणे तिप्पट नुकसानभरपाई द्या. दिवाळीपूर्वी ही मदत न मिळाल्यास मुख्यमंत्री, उपमुख्यमंत्री, मंत्री आणि सर्व सरकारी अधिकाऱ्यांची दिवाळी नीट होऊ देणार नाही, असा इशारा शेट्टी यांनी दिला.
राष्ट्रीय स्वयंसेवक संघाचे (आरएसएस) प्रमुख डॉ. मोहन भागवत यांनी रविवारी सतना येथे सांगितले की, “पाकिस्तान हा अविभाजित भारताचा एक भाग आहे. ते घर आणि हे घर वेगळे नाही. संपूर्ण भारत हे एक घर आहे. फाळणी म्हणजे जणू कोणीतरी आपल्या घरातून एक खोली काढून टाकली. आपल्याला ती उद्या परत घ्यावी लागेल.”
महाराष्ट्रात आरक्षणाच्या मुद्द्यावर मराठा आणि ओबीसी समाज एकमेकांच्या विरोधात उभे ठाकले असताना वंचित बहुजन आघाडीचे नेते प्रकाश आंबेडकर यांनी एक वेगळेच वक्तव्य करून मोठ्या राजकीय वादाला फोडणी दिली.
सोनम वांगचुक यांच्या सुटकेसाठी दाखल केलेल्या याचिकेवर सर्वोच्च न्यायालय ६ ऑक्टोबर रोजी सुनावणी करणार आहे. न्यायमूर्ती अरविंद कुमार आणि एनव्ही अंजारिया यांचे खंडपीठ या प्रकरणाची सुनावणी करणार आहे.
आम आदमी पक्षाचे (आप) राष्ट्रीय संयोजक अरविंद केजरीवाल यांनी शनिवारी सांगितले की, त्यांचा पक्ष गोव्यात काँग्रेससोबत कोणत्याही प्रकारची युती करणार नाही, त्यांनी पक्षाने जनतेचा विश्वासघात केल्याचा आणि त्यांचे आमदार भाजपला घाऊक प्रमाणात विकल्याचा आरोप केला.
मुख्यमंत्री देवेंद्र फडणवीस यांच्या अध्यक्षतेखाली आज सह्याद्री अतिथीगृह, मुंबई येथे नाशिक येथील जैन समाजाच्या ‘णमोकार तीर्थक्षेत्र’ येथे ‘पंचकल्याण प्रतिष्ठान महोत्सव जैन कुंभमेळा’ आयोजनासंदर्भात आढावा बैठक संपन्न झाली.
अमेरिकेत सुरू असलेल्या शटडाऊनच्या चौथ्या दिवसाची सुरुवात म्हणून शुक्रवारी राष्ट्राध्यक्ष डोनाल्ड ट्रम्प सलग चौथ्यांदा निधी विधेयक मंजूर करण्यात अपयशी ठरले. रिपब्लिकन समर्थित विधेयकाला सिनेटमध्ये ५४ मते मिळाली, जी मंजूर होण्यासाठी आवश्यक असलेल्या ६० मतांपेक्षा खूपच कमी होती.
अर्थमंत्री निर्मला सीतारमण यांनी आज (४ ऑक्टोबर) गुजरातमधील गांधीनगर येथून “आपकी पूंजी, आपके अधिकार” मोहीम सुरू केली. ही मोहीम लोकांना त्यांच्या अनक्लेम्ड आर्थिक मालमत्ता परत मिळविण्यात मदत करेल.
सरकारने फास्टॅगसाठीचे नियम बदलले आहेत. जर एखाद्या वाहनाने वैध आणि सक्रिय फास्टॅगशिवाय टोल प्लाझा ओलांडला आणि रोख रक्कम भरली तर त्याच्याकडून दुप्पट टोल शुल्क आकारले जाईल. तथापि, जर तुम्ही UPI वापरून पैसे भरले तर तुम्हाला त्या वाहन श्रेणीसाठी लागू असलेल्या शुल्काच्या फक्त १.२५ पट शुल्क भरावे लागेल. हा नवीन नियम १५ नोव्हेंबरपासून लागू होईल.
महाराष्ट्रातील शेतकऱ्यांवर आलेल्या नैसर्गिक आपत्तीत शेतकऱ्यांना मदत करायची दानत नाही, पण काटामारी करून शेतकऱ्यांना फसवताय, तर तुम्हाला दाखवतो, अशा परखड शब्दांमध्ये मुख्यमंत्री देवेंद्र फडणवीस यांनी टाटा मारी करणाऱ्या साखर कारखान्यांना गंभीर इशारा दिला.
शनिवारी रात्री पाकिस्तानी सैन्याने भारताला इशारा दिला की, “जर आता दोन्ही देशांमध्ये युद्ध सुरू झाले तर त्याचा परिणाम भयंकर विनाश होईल. जर शत्रुत्वाचा एक नवीन टप्पा सुरू झाला तर पाकिस्तान मागे हटणार नाही. आम्ही संकोच न करता प्रत्युत्तर देऊ.”
मराठा समाजाला कुणबी प्रमाणपत्राच्या माध्यमातून ओबीसी आरक्षण देण्यासाठी एखाद्या अधिकाऱ्याने खोटे प्रमाणपत्र जारी केले किंवा दाखला तयार केला, तर त्याच्यावर कडक कारवाई करण्यात येईल, असे ओबीसी उपसमितीचे अध्यक्ष चंद्रशेखर बावनकुळे यांनी आज स्पष्ट केले. यावेळी त्यांनी राज्यातील पूरस्थिती लक्षात घेऊन ओबीसी संघटनांना त्यांचा 10 तारखेचा प्रस्तावित मोर्चा रद्द करण्याचेही आवाहन केले.
भारत पाकिस्तान सीमेजवळील धार्मिक स्थळे आणि भागात सुरक्षा मजबूत करत आहे. हे साध्य करण्यासाठी, लष्कराने सरकारी मालकीच्या कंपनी अॅडव्हान्स्ड वेपन्स अँड इक्विपमेंट इंडिया लिमिटेड (AWEIL) ला सहा नवीन AK-630 एअर डिफेन्स गन सिस्टीम खरेदी करण्यासाठी निविदा जारी केली आहे.
मुख्यमंत्री देवेंद्र फडणवीस यांच्या अध्यक्षतेखाली आज सह्याद्री अतिथीगृह, मुंबई येथे ‘नाशिक-त्र्यंबकेश्वर सिंहस्थ कुंभमेळा 2027’ संदर्भात आढावा बैठक संपन्न झाली.
पुणे शहरातील कुख्यात गुंड नीलेश घायवळचा पासपोर्ट पुणे पोलिस लवकरच रद्द करणार आहेत. पोलिस आयुक्त अमितेशकुमार यांनी याबाबत माहिती दिली आहे. घायवळने बनावट कागदपत्रे आणि खोटी माहिती सादर करून हा पासपोर्ट मिळवल्याचे तपासात उघड झाले आहे.
महाराष्ट्रात आता लवकरच स्थानिक स्वराज्य संस्थांच्या निवडणुका पार पडणार आहेत. त्यानुसार सर्वच राजकीय पक्षांनी तयारी सुरू केली आहे. महायुती आणि महाविकास आघाडी यांच्यात आता चुरशीची लढत पाहायला मिळणार आहे. आगामी स्थानिक स्वराज्य संस्थांच्या निवडणुकीवर तंत्र व उच्च शिक्षण मंत्री चंद्रकांत पाटील यांनी प्रतिक्रिया दिली आहे. दिवाळीनंतर दोन दिवसात आचारसंहिता जाहीर होईल, त्यामुळे आपण निवडणुकीच्या तयारीला लागू, असे त्यांनी म्हटले आहे.
दिल्ली सरकार माजी मुख्यमंत्री अरविंद केजरीवाल यांच्या बंगल्याचे (सीएम हाऊस) रूपांतर करण्याची तयारी करत आहे, ज्याच्या नूतनीकरणावर केजरीवाल यांनी ४५ कोटी रुपये खर्च केल्याचा आरोप आहे. हा बंगला ६, फ्लॅग रोड येथे आहे.
पंतप्रधान नरेंद्र मोदी यांनी शनिवारी बिहारमधील तरुणांशी व्हर्च्युअल संवाद साधला. संवादादरम्यान त्यांनी तरुणांना जंगल राजाची आठवण करून दिली. ते म्हणाले, “अडीच दशकांपूर्वीच्या भयानक स्थितीची आणि शिक्षण व्यवस्थेची तुम्हाला कल्पना नाही. पूर्वी बिहारमधील शिक्षण व्यवस्था उद्ध्वस्त होती. शाळा उघडल्या नव्हत्या आणि मुलेही उपस्थित राहत नव्हती. मुलांना बिहार सोडावे लागले. येथूनच खऱ्या स्थलांतराची सुरुवात झाली.
पाकिस्तान सरकार आणि जम्मू-काश्मीर संयुक्त अवामी कृती समिती (JKJAAC) यांच्यात करार झाल्यानंतर पाकव्याप्त काश्मीर (PoK) मध्ये पाच दिवसांपासून सुरू असलेले हिंसक निदर्शने शनिवारी संपली.
भाजपचे मुंबई अध्यक्ष अमित साटम यांनी ठाकरे गटाचे पक्षप्रमुख उद्धव ठाकरे यांच्यावर तीव्र टीका करताना त्यांच्यावर भ्रष्टाचार, हिंदुत्वाचा त्याग आणि मुस्लिम तुष्टीकरणाचे गंभीर आरोप केले आहेत. रॅडिकल इस्लामिक फंडामेंटलिस्ट प्रयत्नांना बळकट देण्याचे उद्धव ठाकरेंचे प्रयत्न असल्याचे अमित साटम म्हणालेत. तसेच 1997 ते 2022 या कालावधीत मुंबई महानगरपालिकेत देशातील सर्वात मोठा भ्रष्टाचार झाला. तब्बल 3 लाख कोटी रुपयांचा गैरव्यवहार झाला असून त्यामागे उद्धव ठाकरे आणि त्यांच्या प्रशासनाचा थेट हात आहे, असा दावा अमित साटम यांनी केला.
भारताचे अन्य प्रगत अर्थव्यवस्थांच्या देशांच्या तुलनेत आंतरराष्ट्रीय व्यापार करार सध्या कमी आहेत. पण भारताचे जागतिक पातळीवर व्यापार करार वाढले, तर भारत उत्पादन क्षेत्रात मोठी झेप घेईल