अजितदादांच्या स्मारक संग्रहालयावरून त्यांच्या दोन मुलांमध्ये वाद, की वादाच्या निमित्ताने दोन शहरांमध्ये दोन संग्रहालये बांधायचा घाट??, असा सवाल समोर आलाय.
अमेरिकन संसदेत H-1B व्हिसा कार्यक्रम पूर्णपणे रद्द करण्यासाठी एक विधेयक आणले आहे. फ्लोरिडाचे रिपब्लिकन खासदार ग्रेग स्ट्यूबे यांनी स्थानिक वेळेनुसार सोमवारी ते सादर केले.
राष्ट्रवादीच्या विलीनकरण संदर्भात त्यांचा पक्षाचा अंतर्गत विषय आहे. त्याविषयी माझा बोलण्याचा काहीही संबंध नाही. त्यांचा पक्षांतर्गत निर्णय झाल्यानंतर ते महायुतीकडे तसा प्रस्ताव घेऊन येतील. त्यानंतर मात्र, नक्कीच याविषयी बोलणे योग्य ठरेल. मात्र, तोपर्यंत हवेत पतंगबाजी का करायची? असा प्रश्न मुख्यमंत्री देवेंद्र फडणवीस यांनी विचारला आहे.
X (ट्विटर), यू-ट्यूब, स्नॅपचॅट आणि फेसबुक यांसारख्या सोशल मीडिया प्लॅटफॉर्मना आता त्यांच्या प्लॅटफॉर्मवर शेअर केल्या जाणाऱ्या AI (आर्टिफिशियल इंटेलिजन्स) कंटेंटवर लेबल लावावे लागेल. यासोबतच डीपफेक व्हिडिओ-फोटो देखील 3 तासांत काढून टाकावे लागतील.
माजी लष्करप्रमुख जनरल एमएम नरवणे यांच्या ‘फोर स्टार्स ऑफ डेस्टिनी (Four Stars of Destiny)’ या अप्रकाशित पुस्तकावर त्यांची प्रकाशन कंपनी पेंग्विन रँडम हाऊस इंडियाने निवेदन दिले आहे.
बॉलिवूड अभिनेता रणवीर सिंग यांना मंगळवारी जीवे मारण्याची धमकी मिळाली आहे. ही धमकी व्हॉट्सॲपवर पाठवलेल्या एका व्हॉइस नोटद्वारे देण्यात आली आहे, यात आरोपीने कोट्यवधी रुपयांच्या खंडणीची मागणी केली आहे.
अजित पवारांच्या विमान घातपाताबाबत लोकांच्या मनामध्ये अनेक प्रश्न पडले आहेत. अजित दादांचा मृत्यू झाला यावर विश्वास बसत नव्हता. मात्र ही घटना सत्य आहे. आज अजितदादा आपल्यामध्ये नसले तरीसुद्धा विचाराने ते कायम आपल्या सोबत आहेत, असे म्हणत रोहित पवार यांनी अजित पवार यांच्या अपघातावर प्रश्नचिन्ह उपस्थित केले. या अपघाताबतचे सविस्तर प्रेसेंटेशन रोहित पवार यांनी सादर केले.
मंगळवारी, विरोधी पक्षाने लोकसभा अध्यक्ष ओम बिर्ला यांच्याविरुद्ध अविश्वास प्रस्तावाची नोटीस सादर केली. त्यावर ११८ खासदारांच्या स्वाक्षऱ्या आहेत. सूत्रांच्या हवाल्याने आयएएनएस या वृत्तसंस्थेने दावा केला आहे की, ओम बिर्ला आता लोकसभेत उपस्थित राहणार नाहीत. अविश्वास प्रस्ताव बाद झाल्यानंतरच ते अध्यक्षपदाची सूत्रे स्वीकारतील.
महाराष्ट्रातल्या विविध कार्यालयांमध्ये प्रशासकीय सुधारणा व्हाव्यात. या सुधारणांचा जनतेला लाभ व्हावा या हेतूने फडणवीस सरकारने वेगवेगळ्या सरकारी कार्यालयांमध्ये विविध उपक्रमांची स्पर्धा घेतली. या उपक्रमांच्या स्पर्धेचा निकाल मुख्यमंत्री देवेंद्र फडणवीस यांनी ट्विटर द्वारे जाहीर केला.
स्पेसएक्सचे संस्थापक एलन मस्क आता चंद्रावर शहर वसवणार आहेत. त्यांनी आपले लक्ष मंगळावरून चंद्रावर वळवले आहे. कारण मंगळाच्या तुलनेत येथे मानवांना पाठवणे सोपे आहे. आज 9 फेब्रुवारी रोजी मस्क यांनी X वर याची माहिती दिली.
ग्लोबल रेटिंग एजन्सी मूडीजने सोमवारी भारतीय अर्थव्यवस्थेबाबत नवीन अंदाज जारी केले आहेत. मूडीजच्या मते, पुढील आर्थिक वर्षात (2026-27) भारताचा GDP 6.4% दराने वाढू शकतो.
“धर्माचा मार्ग सोडून भौतिकतेचा स्वीकार केलेल्या जगाला सुविधा मिळाल्या, मात्र सुख दुरावले आहे. यामुळेच आज मानवासमोर अनेक समस्या उभ्या ठाकल्या आहेत. आधुनिक तंत्रज्ञान आणि प्राचीन ज्ञान यांचा समन्वय साधून धर्माच्या आचरणातूनच मानवजातीचे खरे कल्याण होईल,” असे प्रतिपादन राष्ट्रीय स्वयंसेवक संघाचे सरसंघचालक डॉ. मोहन भागवत यांनी केले.
सर्वोच्च न्यायालयाने सोमवारी डिजिटल फसवणुकीमुळे झालेल्या ५४ हजार कोटी रुपयांच्या फसवणुकीला दरोडा आणि लूट असे म्हटले. न्यायालयाने म्हटले की, ही रक्कम अनेक लहान राज्यांच्या अर्थसंकल्पापेक्षाही जास्त आहे. न्यायालयाने केंद्र सरकारला यावर नियंत्रण मिळवण्यासाठी मार्गदर्शक तत्त्वे तयार करण्यास सांगितले आहे.
इराणने अमेरिकेचा दबाव कठोरपणे फेटाळून लावत म्हटले आहे की, तो आपला युरेनियम संवर्धन (युरेनियम इनरिचमेंट) कार्यक्रम कोणत्याही परिस्थितीत सोडणार नाही, मग त्याला लष्करी धमक्या मिळोत किंवा नवीन निर्बंध लादले जावोत.
अजित पवारांच्या अकाली एक्झिट नंतर देवेंद्र फडणवीस यांच्या मंत्रिमंडळाने आज अनेक महत्त्वाचे निर्णय घेतले. उपमुख्यमंत्री सुनेत्रा पवार आजच्या मंत्रिमंडळ बैठकीला पहिल्यांदाच उपस्थित राहिल्या.
मणिपूरमधील उखरुल जिल्ह्यातील व्यावसायिक शहर लितानमध्ये तणाव कायम आहे. तरीही, मोठ्या प्रमाणात सुरक्षा दलांच्या तैनातीमुळे सध्या परिस्थिती शांत आहे. पोलिसांच्या माहितीनुसार, तांगखुल नागा आणि कुकी समुदायांमधील हिंसक संघर्षांनंतर लितान आणि त्याला लागून असलेल्या मंगकोट गावातून मोठ्या प्रमाणावर लोकांचे स्थलांतर सुरू आहे.
सर्वोच्च न्यायालयाने सोमवारी पश्चिम बंगालमधील मतदार यादीच्या विशेष सघन पडताळणी (SIR) संदर्भात दाखल केलेल्या याचिकांवर सुनावणी केली. न्यायालयाने सांगितले की, या प्रक्रियेत कोणत्याही प्रकारचा अडथळा सहन केला जाणार नाही.
जिल्हा परिषद निवडणुकांच्या निकालात शिंदे सेनेला मागे सर्व राष्ट्रवादी काँग्रेस दुसऱ्या क्रमांकावर आल्याचा भास, पण हा तर वस्तुस्थितीचा विपर्यास!!,
केंद्र सरकारने सोमवारी सर्वोच्च न्यायालयात सांगितले की, सोनम वांगचुक यांची प्रकृती पूर्णपणे ठीक आहे. अटकेत असताना त्यांना एम्स, जोधपूर येथे चांगले उपचार मिळत आहेत. वांगचुक यांच्या वकिलांनी सांगितले की, त्यांच्या अटकेवर पुन्हा विचार करण्याची ही योग्य वेळ आहे, कारण त्यांची प्रकृती अजूनही ठीक नाही.
एपस्टीन फाइल्समध्ये टेस्लाचे मालक एलॉन मस्क आणि मेटाचे सीईओ मार्क झुकरबर्ग यांचा फोटो समोर आला आहे. या फोटोमध्ये सिलिकॉन व्हॅलीतील मोठे टेक दिग्गज एकत्र डिनर करताना दिसत आहेत.
जितके अजितदादांच्या विमान अपघाताबद्दल कुणी संशय आणि संदेह पसरवेल तितके दोन्ही राष्ट्रवादी काँग्रेसचे विलीनीकरण दूरच जाईल.
महाराष्ट्र राज्य माध्यमिक व उच्च माध्यमिक शिक्षण मंडळाच्या वतीने आयोजित करण्यात आलेल्या बारावीच्या (उच्च माध्यमिक प्रमाणपत्र) परीक्षेसाठी यंदा १५ लाख ३२ हजार ४७८ विद्यार्थ्यांनी नोंदणी केली आहे. ही परीक्षा १० फेब्रुवारी ते १८ मार्च दरम्यान राज्यातील ३ हजार ३८७ मुख्य केंद्रांवर घेतली जाईल. मंडळाचे प्रभारी अध्यक्ष नंदकुमार बेडसे यांनी पत्रकार परिषदेत ही माहिती दिली.
सिंधुदुर्ग जिल्हा परिषद निवडणुकीच्या निकालात भाजपच्या विजयावर शिक्कामोर्तब झाले असले तरी, अंतर्गत गटबाजीवरून राजकीय वातावरण तापले आहे. “देवेंद्र फडणवीस यांच्या नेतृत्वावर सिंधुदुर्गाच्या जनतेने विश्वास दाखवला आहे, मात्र काही लोकांनी महायुतीत राहूनच ‘कमळ’ पाडण्याचे काम केले,” असा खळबळजनक आरोप मंत्री आणि आमदार नितेश राणे यांनी केला आहे. विशेषतः सावंतवाडी येथील बंडखोर अपक्षांच्या मुद्द्यावरून त्यांनी स्वपक्षातील आणि महायुतीतील काही नेत्यांना जाहीर इशारा दिला आहे.
टी-२० विश्वचषकात भारत-पाकिस्तान सामना होण्याची शक्यता वाढली आहे. रविवारी आंतरराष्ट्रीय क्रिकेट परिषदेने (आयसीसी) पाकिस्तान क्रिकेट बोर्ड (पीसीबी) सोबत बैठक घेतली. आयसीसीने पाकिस्तानच्या सर्व मागण्या फेटाळून लावल्या आणि अंतिम अल्टिमेटम दिला. मीडिया रिपोर्ट्सनुसार, पीसीबी आता यू-टर्न घेईल आणि त्यांचा संघ १५ फेब्रुवारी रोजी कोलंबोमध्ये भारताशी सामना करेल.
राष्ट्रवादी काँग्रेस शरदचंद्र पवार पक्षाचे अध्यक्ष शरद पवार यांची प्रकृती आज अचानक बिघडली आहे. त्यांना तातडीने बारामतीहून पुण्याच्या रुबी हॉल क्लिनिकमध्ये दाखल करण्यात आले आहे. तिथे त्यांच्यावर तज्ज्ञ डॉक्टरांच्या निगराणीखाली उपचार सुरू आहेत. अजित पवार यांच्या निधनानंतर शरद पवारांची प्रकृती काहीशी ढासळली होती. त्यामुळे ते आज अजित पवारांच्या तेराव्याच्या कार्यक्रमातही सहभागी झाले नव्हते. पण तब्येत फारशी सुधारणा न झाल्यामुळे त्यांना तातडीने रुग्णालयात दाखल करण्यात आले आहे.