२६/११ च्या दहशतवादी हल्ल्यादरम्यान दहशतवादी तहव्वूर राणा मुंबईत होता. एनआयएने केलेल्या चौकशीत त्याने हे कबूल केले आहे. इंडिया टुडेच्या वृत्तानुसार, राणाने कबूल केले आहे की, तो पाकिस्तानी सैन्याचा एजंट आहे.
शिवसेना शिंदे गटाचे खासदार नरेश म्हस्के यांनी उद्धव ठाकरे यांच्यावर जोरदार टीका केली आहे. ते म्हणाले की, उद्धव ठाकरे यांनी मुंबई महापालिका निवडणुका डोळ्यासमोर ठेवून भाषण केले आणि त्यांच्या बोलण्यात पराभवाची छाया स्पष्ट दिसत होती. राज ठाकरे यांनी आमच्याबद्दल काहीही म्हटले नाही, म्हणून आम्हीही त्यांच्यावर काही बोलणार नाही, असेही म्हस्के यांनी स्पष्ट केले.
: पीएम मोदींनी ब्रिक्स शिखर परिषदेत पर्यावरण, हवामान परिषद (COP-30) आणि जागतिक आरोग्य यासारख्या मुद्द्यांवर भाष्य केले. ते म्हणाले की लोकांचे आणि पृथ्वीचे आरोग्य एकमेकांशी जोडलेले आहे.
२०२७ मध्ये देशात होणारी १६ वी जनगणना ऑनलाइन होईल. जनगणना निबंधक महासंचालक कार्यालयाच्या म्हणण्यानुसार, जात गणना आणि जनगणना पहिल्यांदाच डिजिटल प्लॅटफॉर्मवरून केली जाईल. यासाठी एक विशेष वेब पोर्टल सुरू केले जाईल. नागरिक यावर स्वतः माहिती भरू शकतील.
इस्रायलचे पंतप्रधान बेंजामिन नेतान्याहू यांनी अमेरिकेचे अध्यक्ष डोनाल्ड ट्रम्प यांना नोबेल शांतता पुरस्कारासाठी नामांकित केले आहे. नेतान्याहू यांनी मंगळवारी व्हाईट हाऊसमध्ये ट्रम्प यांना याबद्दल माहिती दिली.
केंद्रीय अल्पसंख्याक मंत्री किरेन रिजिजू आणि एआयएमआयएम प्रमुख असदुद्दीन ओवैसी यांच्यात अल्पसंख्याकांबद्दल सोशल मीडियावर वाद सुरू झाला. रिजिजू यांनी एक्स वर लिहिले – भारत हा एकमेव देश आहे जिथे अल्पसंख्याकांना बहुसंख्याकांपेक्षा जास्त सुविधा आणि सुरक्षा मिळते.
पाकिस्तानमध्ये गेल्या वर्षी झालेल्या निवडणुकीत इम्रानला पराभूत करण्यासाठी सर्वतोपरी प्रयत्न केले गेले, तरीही पीटीआय ९३ जागा जिंकून सर्वात मोठा पक्ष बनला. पण लष्कराने ७५ जागा जिंकणाऱ्या पीएमएल-एनला पंतप्रधान आणि ५४ जागा जिंकणाऱ्या झरदारींना राष्ट्रपती बनवले, पण आता असीम मुनीर फील्ड मार्शलच्या पलीकडे जाऊन परवेझ मुशर्रफांसारखे राष्ट्रपती बनू इच्छित असल्याची चर्चा जोर धरू लागली आहे. Pakistan
अमेरिकेतील ट्रम्प प्रशासनाने जागतिक टॅरिफसाठी नवीन तारखा जाहीर केल्या आहेत. सोमवारी रात्री उशिरा व्हाईट हाऊसच्या प्रवक्त्या कॅरोलिन लेविट म्हणाल्या की, टॅरिफची अंतिम मुदत ९ जुलैवरून १ ऑगस्टपर्यंत वाढवण्यात आली आहे. जपान आणि दक्षिण कोरियावर २५%-२५% कर लादण्याची घोषणा करण्यात आली आहे.
बिहारमधील जंगलराजची आठवण यावी अशा पद्धतीने राष्ट्रीय जनता दलाने गुंडांचे समर्थन सुरू केले आहे. राष्ट्रीय जनता दलाचे (RJD) नेते तेजस्वी यादव यांनी पक्षाच्या वर्धापन दिन कार्यक्रमात माजी खासदार आणि कुख्यात गुन्हेगार मोहम्मद शहाबुद्दीन याला ‘शहाबुद्दीनजी जिंदाबाद’ अशा घोषणा देत अभिवादन केले. या कार्यक्रमात त्यांनी शहाबुद्दीनच्या कुटुंबीयांची भेट घेऊन मुलगा ओसामा यांच्याकडून स्वागतही स्वीकारले. शहाबुद्दीन हा राजकारणतील गुन्हेगारीचे प्रतीक म्हणून ओळखला जातो. कुख्यात डॉन असलेल्या शहाबुद्दीनने फरकाप उडवणाऱ्या पद्धतीने अनेक हत्या केल्या होत्या.
देशात आर्थिक विकास होत असला, तरी त्याचा लाभ सर्वसामान्यांपर्यंत पोहचत नाही, हीच खरी चिंतेची बाब आहे, असे वक्तव्य करत केंद्रीय रस्ते वाहतूक व महामार्ग मंत्री नितीन गडकरी यांनी वाढत्या आर्थिक विषमतेकडे लक्ष वेधले आहे.
हिंदी सक्ती आणि त्रिभाषा सूत्र या मुद्द्यावरून संघाच्या प्रतिक्रियेवर वेगळाच narrative set करायचा प्रयत्न मराठी माध्यमांनी चालविल्याचे आज समोर आले. महाराष्ट्रातल्या फडणवीस सरकारने प्राथमिक शिक्षणात पहिलीपासून हिंदी शिकवायचा निर्णय घेतला. मात्र हिंदीची सक्ती केली, असा दावा करत विरोधकांनी जोरदार गदारोळ केला. फडणवीस सरकारने तो अध्यादेश मागे घेतला. त्यामुळे आपला विजय झाल्याचा दावा करून ठाकरे बंधूंनी ऐक्य मेळावा घेतला. तामिळनाडूचे मुख्यमंत्री एम के स्टालिन यांनी ठाकरे बंधूंना पाठिंबा दिला. त्यावरून हिंदी सक्ती आणि राज्यांच्या भाषांवरचे प्रेम या विषयावर वेगळेच राजकारण सुरू झाले.
राज्याचे समाज कल्याण मंत्री आणि छत्रपती संभाजीनगरचे पालकमंत्री संजय शिरसाट सध्या मोठ्या अडचणीत सापडले आहेत. हॉटेल विट्सच्या वादग्रस्त लिलावप्रकरणी मुख्यमंत्री देवेंद्र फडणवीस यांनी कंत्राटांच्या अटी व शर्ती मध्ये झालेल्या गैरप्रकाराबाबत उच्चस्तरीय चौकशी करणार असल्याचे आदेश दिले आहेत.
लाडकी बहीण योजनेविषयी विरोधक अपप्रचार करीत आहेत, अफवा पसरवत आहेत. या माध्यमातून राज्यातील महिलांची दिशाभूल करण्याचा प्रयत्न केला जात आहे, असा आरोप विधान परिषदेच्या उपसभापती डॉ. नीलम गोऱ्हे यांनी केला. .
समविचारी पक्ष आणि काँग्रेसच्या मूल्यांना आदर देणारे पक्ष असतील, तरच काँग्रेस त्यांच्यासोबत युती करेल,” असे स्पष्ट मत प्रदेशाध्यक्ष हर्षवर्धन सपकाळ यांनी व्यक्त करत राज ठाकरे यांच्या मनसेसोबत युतीबाबत काँग्रेसमध्ये संभ्रम असल्याचे संकेत दिले आहेत.
राज्याचे उपमुख्यमंत्री अजित पवार यांच्याविरोधात अपमानास्पद आणि शिवराळ भाषा वापरल्याप्रकरणी सामाजिक कार्यकर्ते व माहिती अधिकार कार्यकर्ते नितीन संजय यादव यांनी लक्ष्मण हाके यांना कायदेशीर नोटीस बजावली आहे. या नोटीसमध्ये हाके यांनी सात दिवसांच्या आत अजित पवार यांची बिनशर्त माफी मागावी, अन्यथा त्यांच्याविरोधात न्यायालयात दिवाणी, फौजदारी आणि अब्रुनुकसानीचे खटले दाखल करण्यात येतील, असा इशारा देण्यात आला आहे.
पाकिस्तानात इतिहासाची पुनरावृत्ती होतेय. भारताकडून मार खाल्लेला लष्कर प्रमुख सत्तेवर कब्जा करून बसतोय. कारगिल युद्धात भारताकडून मार खाल्लेला लष्कर प्रमुख जनरल परवेज मुशर्रफ याने नवाज शरीफ सरकार बरखास्त करून पाकिस्तानातली सत्ता काबीज केली होती.
समांतर वीज परवाना धोरणाच्या विरोधात वीज कामगार संघटनांचा ९ जुलै रोजी राज्यव्यापी संपाचा निर्णय घेतला आहे. महाराष्ट्र स्टेट इलेक्ट्रिसिटी वर्कर्स फेडरेशन, (आयटक), सबॉर्डिनेट इंजिनिअर्स असोसिएशन, महाराष्ट्र राज्य वीज कामगार कॉग्रेस (इंटक), तांत्रीक कामगार युनियन, महाराष्ट्र राज्य स्वाभिमानी विद्युत वर्कर्स युनियन, वीज कामगार संघटनांनी ९ जुलै रोजी संपाची हाक दिली आहे.
महाराष्ट्रातले भाजपवाले ठाकरे बंधूंची दादागिरी नाकारतात, पण ते हिंदी भाषकांची मस्तवाल मुजोरी का खपवून घेतात??, असा सवाल महाराष्ट्रातल्या आणि देशातल्या भाजपवाल्या नेत्यांच्या राजकीय वर्तणुकीतून आणि वक्तव्यातून समोर आलाय.
आषाढी एकादशीच्या निमित्ताने मुख्यमंत्री देवेंद्र फडणवीस यांच्या हस्ते सपत्नीक आज पहाटे अडीच वाजता विठ्ठल-रुक्मिणीची शासकीय महापूजा संपन्न झाली. त्यानंतर देवेंद्र फडणवीस यांनी महाराष्ट्र पॉडकास्ट एक मालिका सुरू केली आहे. यात बोलताना त्यांनी वारीच्या इतिहासावर तसेच महाराष्ट्राच्या या पवित्र भूमीबद्दल भाष्य केले आहे.
भाजप नेते व मंत्री आशिष शेलार यांनी मनसे प्रमुख राज ठाकरे व शिवसेना ठाकरे गटाचे प्रमुख उद्धव ठाकरे यांच्या विजयी सभेवर टीका केली आहे. तसेच हे केवळ महानगरपालिकेच्या निवडणुकीच्या अनुषंगाने केलेला कार्यक्रम असल्याची टीका देखील त्यांनी केली आहे.
चीन भारताबाबत डबल गेम, पाकिस्तानी सैन्याला पुरविल्या भारतीय सैन्याच्या हालचालीच्या सॅटॅलाइट इमेज पण ब्रिक्समध्ये केला पहलगाम हल्ल्याचा निषेध!!, असेच घडले.
महाराष्ट्र नवनिर्माण सेनाप्रमुख राज ठाकरे आणि शिवसेना ठाकरे गटाचे प्रमुख उद्धव ठाकरे यांनी शनिवारी एकत्र येत विजयी मेळावा आयोजित केला. या मेळाव्याला महाराष्ट्राच्या कानाकोपऱ्यातून लोक आले होते. या मेळाव्यानंतर महायुतीच्या नेत्यांनी टीका करण्यास सुरुवात केली आहे. त्यात आता संजय निरुपम यांनी देखील ठाकरे बंधूंच्या एकत्र येण्यावर भाष्य केले आहे. महाविकास आघाडी नव्हे तर आता ठाकरे विकास आघाडी तयार झाले, अशी प्रतिक्रिया त्यांनी दिली आहे.
मी मराठी बोलत नाही, मी भोजपुरी बोलतो. तुमच्यात धमक असेल तर मला महाराष्ट्रातून बाहेर काढून दाखवा, असे आव्हान भाजप नेता व भोजपुरी अभिनेता दिनेश लाल यादव याने मनसे प्रमुख राज ठाकरे यांना दिले आहे. उद्योजक सुशील केडियाने देखील काही दिवसांपूर्वी मी मराठी शिकणार नाही, काय करायचे ते करा, अशा शब्दात आव्हान दिले होते. परंतु केडियाने आता माघार घेतली आहे. परंतु, आता दिनेश लाल यादव यांनी केलेल्या आव्हानामुळे नवीन वाद सुरू होणार आहे.
ठाकरे बंधूंचा विजयी मेळावा काल (5 जुलै 2025) मुंबईतील एनएससीआय डोममध्ये पार पडला. तब्बल 19 वर्षांनंतर राज ठाकरे आणि उद्धव ठाकरे एकाच व्यासपीठावर एकत्र आले, आणि त्यांच्या भेटीने संपूर्ण महाराष्ट्र भावूक झाला. या मेळाव्यात उद्धव ठाकरे यांनी उपमुख्यमंत्री एकनाथ शिंदे यांच्यावर जोरदार टीका केली. त्यानंतर शिंदे गटाचे आमदार आणि मंत्री प्रताप सरनाईक यांनी एकनाथ शिंदे यांना भावनिक पत्र लिहून प्रतिक्रिया दिली आहे.
हिंदी सक्तीच्या विरोधात आणि मराठी भाषेच्या मुद्द्यावर राज ठाकरे आणि उद्धव ठाकरे एकत्र आले. मुंबईत पार पडलेल्या विजयी रॅलीमध्ये उद्धव ठाकरे यांनी भाजप आणि मुख्यमंत्री देवेंद्र फडणवीस यांच्यावर जोरदार टीका केली. भाषणात त्यांनी फडणवीसांचा उल्लेख ‘अणाजी पंत’ असा करत टोला लगावला. यावर शिंदे गटाचे आमदार दीपक केसरकर यांनी प्रतिक्रिया देत उद्धव ठाकरे यांच्यावर टीका केली. राज्याच्या मुख्यमंत्र्यांचा अशा प्रकारे उल्लेख करणे म्हणजे मुख्यमंत्रिपदाचा अपमान असल्याचे केसरकर यांनी म्हटले.