भारतीय लष्कराने जवानांच्या सोशल मीडिया ॲप्सच्या वापराबाबत नवीन धोरण जारी केले आहे. इंस्टाग्रामवर रील्स, फोटो आणि व्हिडिओ पाहता येतील, मात्र कमेंट करण्याची परवानगी नाही.
मुंबई महापालिका निवडणुकीसाठी एकीकडे शिवसेना भाजप यांच्यात जागावाटपाची चर्चा सुरू असताना दुसरीकडे सावध पवित्रा घेत एकनाथ शिंदे यांनी छोट्या पक्षांशी देखील वाटाघाटी सुरू ठेवल्यात.
महापालिका निवडणुकांमध्ये वंचित बहुजन आघाडीची कुठल्याही पक्षाशी युती झाली किंवा नाही झाली, तरी स्वतःची हिंमत हरता कामा नये. अनेकांचे सूर निघतात युती झाली नाही, तर आता काय करायचे?? असे म्हणणारे लोकं हे निवडणुकीच्या काळात निराश करण्याचे काम करतात. युती झाली नाही तरी मी जिंकू शकतो, ही मानसिकता आपण निर्माण केली पाहिजे, असे प्रतिपादन वंचित बहुजन आघाडीचे अध्यक्ष प्रकाश आंबेडकर यांनी सोलापुरात केले.
ब्रिटनच्या प्रसिद्ध ऑक्सफर्ड युनियन सोसायटीमध्ये भारतीय आणि पाकिस्तानी विद्यार्थ्यांमध्ये डिबेट झाला होता. या वादविवादात भारतीय बाजूने मुंबईचा विद्यार्थी विरांश भानुशाली आणि पाकिस्तानी बाजूने मूसा हर्राज यांनी भाग घेतला होता.
भारत आणि शेख हसीना विरोधी बांगलादेशी नेते उस्मान हादी यांच्या हत्येप्रकरणी त्यांचे बंधू शरीफ उमर हादी यांनी युनूस सरकारवर गंभीर आरोप केले आहेत.
चीनची पीपल्स लिबरेशन आर्मी (PLA) बांगलादेश आणि पाकिस्तानसह जगातील 21 देशांमध्ये नवीन लष्करी तळ (मिलिट्री बेस) उभारण्याच्या योजनेवर काम करत आहे. याचा उद्देश चीनच्या नौदल आणि हवाई दलाला दूरच्या देशांमध्ये ऑपरेशन्स करण्यास मदत करणे आणि तेथे सैन्य तैनात करणे हा आहे.
दिल्ली उच्च न्यायालयाने बुधवारी केंद्र सरकार आणि संबंधित अधिकाऱ्यांना विचारले की, राजधानीत हवेची स्थिती आणीबाणीसारखी असताना, एअर प्युरिफायरवर 18% जीएसटी का लावला जात आहे. न्यायालयाने म्हटले की, जर सरकार लोकांना स्वच्छ हवा उपलब्ध करून देऊ शकत नसेल, तर किमान एअर प्युरिफायरवरील कर तरी कमी करावा.
भाजप आणि दोन्ही पवारांनी चालविलेल्या वेगवेगळ्या बेरजेच्या राजकारणात कार्यकर्त्यांच्या वजाबाकीचा धोका उद्भवला, इतकेच नाहीतर मतदारांना गृहीत धरल्याचा फटका सुद्धा बसू शकतो, याची शक्यता वाढल्याच्या खुणा आज दिसल्या.
राजस्थानला लागून असलेल्या भारत-पाक सीमेवर आता हवाई तळ (एयरबेस) उभारण्याचा मार्ग मोकळा झाला आहे. नवीन हवाई तळावरून पाकिस्तानच्या 3 मोठ्या हवाई तळांपर्यंत भारतीय लढाऊ विमाने लवकर पोहोचू शकतील.
दिल्लीत बुधवारी केंद्रीय मंत्रिमंडळाची बैठक झाली. केंद्रीय रेल्वे मंत्री अश्विनी वैष्णव यांनी सांगितले की, दिल्ली-एनसीआरमध्ये मेट्रोच्या विस्तारासाठी दिल्ली मेट्रोच्या फेज 5A ला सरकारने मंजुरी दिली आहे. यासाठी ₹12015 कोटी रुपये खर्च अपेक्षित आहे.
पंतप्रधान नरेंद्र मोदी यांनी बुधवारी विकसित भारत हमी रोजगार आणि उपजीविका अभियान (ग्रामीण) कायदा (VB-G RAM G) 2025 ला पाठिंबा दिला. ते म्हणाले की, हा कायदा केवळ ग्रामस्थांना मजुरी देण्यापुरता मर्यादित नाही, तर यामुळे गावांमध्ये कामासोबतच कायमस्वरूपी मालमत्ता निर्माण होतील, शेतीला बळकटी मिळेल आणि दीर्घकाळात ग्रामीण भागाची उत्पादकता वाढेल.
ठाकरे बंधूंची युती झाल्यानंतर नाशिक फार मोठे राजकीय नाट्य घडले. शिवसेना आणि मनसेच्या दोन माजी महापौरांनी काल मोठा जल्लोष केला.
अमेरिकेने भारताला चीनच्या दुहेरी रणनीतीबद्दल इशारा दिला आहे. पेंटागनच्या 2025 च्या अहवालानुसार, चीन एका बाजूला भारतासोबत प्रत्यक्ष नियंत्रण रेषेवर (LAC) तणाव कमी करण्याचा प्रयत्न करत आहे, तर दुसऱ्या बाजूला पाकिस्तानसोबत लष्करी सहकार्य वाढवत आहे.
आज शिवसेना ठाकरे गटाचे प्रमुख उद्धव ठाकरे आणि महाराष्ट्र नवनिर्माण सेनेचे प्रमुख राज ठाकरे यांनी पत्रकार परिषद घेत आगामी महापालिकेच्या पार्श्वभूमीवर युतीची अधिकृत घोषणा केली आहे. यावरून राजकीय वर्तुळात चर्चेला उधाण आले आहे. आता शिवसेना शिंदे गटाचे आमदार संजय गायकवाड यांनी देखील प्रतिक्रिया दिली आहे. ते म्हणाले, खूप वर्षांनी दोघे भाऊ एकत्र आले आहेत.
पुणे महापालिकेच्या निवडणुकीत राष्ट्रवादीच्या दोन्ही गटांची युती होण्याची शक्यता आहे. पण शरद पवार गटाचे शहराध्यक्ष प्रशांत जगताप यांनी त्याला कडाडून विरोध केला आहे. खासदार सुप्रिया सुळे यांनी बुधवारी त्यांना चांगलेच खडेबोल सुनावले. नाराजी घरी चालते, समाजात काम करताना नाही, असे त्या म्हणाल्या. त्यांच्या या विधानावर जगपात काय भूमिका घेतात? हे पाहणे महत्त्वाचे ठरणार आहे.
उद्धव ठाकरे आणि राज ठाकरे यांच्या युतीची अधिकृत घोषणा झाल्यानंतर राज्याचे मुख्यमंत्री देवेंद्र फडणवीस यांनी या युतीचा समाचार घेतला आहे. “काही प्रसारमाध्यमे हे दृश्य असे दाखवत आहेत की जणू रशिया आणि युक्रेनची युती होत आहे. एकीकडून पुतीन आणि दुसरीकडून झेलेन्स्की निघाले आहेत, असे चित्र उभे केले जात आहे. मात्र, ही युती केवळ स्वतःचे अस्तित्व टिकवण्यासाठी दोन पक्ष एकत्र आलेले आहेत. ठाकरे बंधू म्हणजे मुंबई किंवा मराठी नाही,” अशा शब्दांत फडणवीस यांनी राज-उद्धव यांच्या युतीची खिल्ली उडवली.
मुंबई महापालिकेच्या निवडणुकीच्या पार्श्वभूमीवर शिवसेना ठाकरे गट आणि महाराष्ट्र नवनिर्माण सेनेची युती झाली असून उद्धव ठाकरे आणि राज ठाकरे यांनी पत्रकार परिषद घेत याची अधिकृत घोषणा केली आहे. ठाकरे बंधूंच्या युतीवर आता शिवसेना शिंदे गटाचे नेते व उपमुख्यमंत्री एकनाथ शिंदे यांनी टीका केली आहे. आता झालेली युती ही सत्तेसाठी असल्याची टीका त्यांनी केली आहे. तसेच ज्यांना आपली पोरं सांभाळता आली नाही ते राज्य काय सांभाळणार? असा तिखट सवालही शिंदेंनी उपस्थित केला.
केंद्रीय पर्यावरण, वन आणि हवामान बदल मंत्रालयाने संपूर्ण अरवली पर्वतरांगेत नवीन खाणकाम पट्टे जारी करण्यावर बंदी घातली आहे. केंद्राने राज्य सरकारांना अरवलीमध्ये कोणत्याही प्रकारचे नवीन खाणकाम पट्टे देण्यावर पूर्ण बंदी घालण्याचे निर्देश जारी केले आहेत.
राज्यात मनसे आणि शिवसेना ठाकरे गट यांच्या युतीची घोषणा झाल्यानंतर सुरू झालेला शाब्दिक कलगीतुरा आता शिगेला पोहोचला आहे. ठाकरे बंधूंनी केलेल्या टीकेला प्रत्युत्तर देताना माजी केंद्रीय मंत्री रावसाहेब दानवे यांनी उद्धव ठाकरे यांच्या नेतृत्वावर आणि निवडणूक निकालांवरून जोरदार निशाणा साधला. माझे बोलणे त्यांच्या जिव्हारी लागल्यानेच त्यांनी माझ्यावर टीका केली, असे दानवे यावेळी म्हणाले.
मुंबईत महाराष्ट्र नवनिर्माण सेना आणि शिवसेना, या दोन पक्षांची आगामी महापालिका निवडणुकांसाठीची युती घोषित झाली. महाराष्ट्र नवनिर्माण सेना अध्यक्ष म्हणून मी आणि शिवसेना पक्षप्रमुख म्हणून उद्धव ठाकरे अशी आम्ही दोघांनी या युतीची अधिकृत घोषणा संयुक्त पत्रकार परिषदेत केली, अशी माहिती मनसे प्रमुख राज ठाकरे यांनी त्यांच्या सोशल मीडिया पोस्टद्वारे केली आहे. राज ठाकरे यांनी सोशल मीडियावर पोस्ट करत युती संदर्भात तसेच आगामी महापालिकेच्या अनुषंगाने आपले मत व्यक्त केले आहे. तसेच मराठी माणसाच्या अस्तित्वावर उठलेल्यांना गाडून टाकण्यासाठी युती केली असल्याचे त्यांनी म्हटले आहे.
भारतीय राष्ट्र समिती (BRS) नेत्या के. कविता यांनी सोमवारी नवीन राजकीय पक्ष स्थापन करण्याची घोषणा केली. कविता या माजी मुख्यमंत्री के. चंद्रशेखर राव (KCR) यांच्या कन्या आहेत. कविता म्हणाल्या की, त्यांची संघटना ‘तेलंगणा जागृती’ 2029 ची विधानसभा निवडणूक नक्की लढवेल. त्यांनी स्पष्ट केले की, त्या आपल्या वडिलांनी स्थापन केलेल्या BRS पक्षात परतणार नाहीत.
पुण्याचे माजी महापौर शरद पवारांचे राष्ट्रवादी काँग्रेसचे अध्यक्ष प्रशांत जगताप यांच्याशी खासदार सुप्रिया सुळे यांनी सहा तास चर्चा केली. त्यांचे मन वळवायचा प्रयत्न केला, पण त्यात सुप्रिया सुळे यांना अपयश आले. प्रशांत जगताप यांनी शरद पवार यांच्या राष्ट्रवादी काँग्रेसचा राजीनामा दिला. अजित पवारांना असलेला विरोध कायम ठेवला.
महाराष्ट्रातल्या नगरपालिका, नगरपरिषदांच्या निवडणुका झाल्या त्यामध्ये भाजप एक नंबरचा पक्ष ठरला भाजपने 129 नगराध्यक्ष निवडून आणले. त्यांच्या पाठोपाठ एकनाथ शिंदे यांच्या शिवसेनेने सुद्धा 57 नगराध्यक्ष निवडून आणले. अजित पवारांच्या राष्ट्रवादीला 39 नगराध्यक्ष निवडून आणता आले. त्यापाठोपाठ राज्यातल्या फडणवीस सरकार नगराध्यक्षांच्या अधिकारांमध्ये वाढ करायचा निर्णय घेतला.
जम्मू-काश्मीरमध्ये दहशतवादी घुसखोरीच्या शक्यतांदरम्यान सुरक्षा यंत्रणांनी मोठे पाऊल उचलले आहे. सीमेला लागून असलेल्या भागांमध्ये दहशतवाद्यांच्या घुसखोरीचे प्रयत्न हाणून पाडण्यासाठी लष्कर, बीएसएफ आणि जम्मू-काश्मीर पोलिसांनी संयुक्तपणे शोधमोहीम सुरू केली आहे. ही शोधमोहीम सीमावर्ती भागातील 80 हून अधिक गावांमध्ये राबवली जात आहे.
अमेरिकेने युद्धग्रस्त गाझाला पुन्हा उभे करण्यासाठी एक मोठी योजना सादर केली आहे. या योजनेअंतर्गत गाझाला सुमारे ₹9.3 लाख कोटी (112 अब्ज डॉलर) खर्च करून एका आधुनिक स्मार्ट सिटीमध्ये रूपांतरित केले जाईल.