थायलंड आणि कंबोडियाने रविवारी क्वालालंपूर येथे त्यांच्यातील लष्करी संघर्ष संपवण्यासाठी शांतता करारावर स्वाक्षरी केली. अमेरिकेचे अध्यक्ष डोनाल्ड ट्रम्प यांनी या करारात मध्यस्थी केली.
अमेरिकेचे उपाध्यक्ष जेडी व्हॅन्स यांनी शनिवारी न्यूयॉर्क सिटीचे डेमोक्रॅटिक महापौरपदाचे उमेदवार जोहरान ममदानी यांची सोशल मीडिया पोस्टमध्ये खिल्ली उडवली.
अमेरिकेचे परराष्ट्र मंत्री मार्को रुबियो यांनी शनिवारी सांगितले की, अमेरिका पाकिस्तानसोबतचे संबंध मजबूत करू इच्छिते, परंतु भारताच्या किंमतीवर नाही.मीडिया रिपोर्ट्सनुसार, त्यांनी सांगितले की अमेरिका आणि पाकिस्तान आधीच दहशतवादाविरुद्ध एकत्र काम करत आहेत, परंतु यामुळे भारतासोबतच्या त्यांच्या चांगल्या मैत्रीला धक्का लागणार नाही.
निवडणूक आयोग सोमवारी देशव्यापी विशेष सघन सुधारणा (SIR) जाहीर करेल. आयोग संध्याकाळी पत्रकार परिषदेत याची माहिती देईल. पहिल्या टप्प्यात १० ते १५ राज्यांचा समावेश असेल. ही अशी राज्ये असतील जिथे पुढील वर्षाच्या आत विधानसभा निवडणुका होणार आहेत. २०२६ मध्ये आसाम, तामिळनाडू, पुद्दुचेरी, केरळ आणि पश्चिम बंगालमध्ये विधानसभा निवडणुका होणार आहेत.
सातारा जिल्ह्यातील फलटण उपजिल्हा रुग्णालयात कार्यरत असलेल्या तरुण महिला डॉक्टरच्या मृत्यूने संपूर्ण राज्याला हादरवून सोडले आहे. या प्रकरणात माजी खासदार रणजितसिंह नाईक निंबाळकर यांचे नाव समोर आले होते. त्यामुळे विरोधकांनी सत्ताधाऱ्यांवर टीकास्त्र सोडले. मात्र, मुख्यमंत्री देवेंद्र फडणवीस यांनी विरोधकांचे निंबाळकरांवरील आरोप फेटाळून लावले आहेत. डॉक्टर आत्महत्या प्रकरणात रणजितसिंह निंबाळकरांचा काहीही संबंध नसल्याचे देवेंद्र फडणवीस म्हणाले.
मुख्यमंत्री देवेंद्र फडणवीस यांनी फलटण, सातारा येथे कृतज्ञता मेळाव्यात विविध विकास कामांचे भूमिपूजन आणि लोकार्पण केले. या ऐतिहासिक आणि सांस्कृतिक भूमीत मोठ्या प्रमाणात होत असलेल्या विकासकामांचा आढावा घेत, मुख्यमंत्री फडणवीस यांनी फलटण आणि माणदेश भागातील सर्वांगीण प्रगतीबाबत समाधान व्यक्त केले.
मी जरांगे पाटलांच्या विरोधात बोलले नाही. लोकसभा निवडणुकीतील माझ्या भाषणाचा विपर्यास केला गेला, असे विधान मंत्री पंकजा मुंडे यांनी केले आहे. त्या म्हणाल्या, मी जरांगे यांना देखील सांगू इच्छिते. आपल्या समाजामधील दरी मिटवूयात. जे गोपीनाथ मुंडेंचे व्यक्तिमत्व आहे तेच माझे व्यक्तिमत्त्व आहे, असेही मुंडे म्हणाल्या. परळी येथे आयोजित दीपावली स्नेह मिलन कार्यक्रमात त्या बोलत होत्या.
पुण्यातील जैन बोर्डिंग भूखंडाच्या व्यवहारावरून शिवसेना शिंदे गटाचे नेते रवींद्र धंगेकर आणि केंद्रीय राज्यमंत्री मुरलीधर मोहोळ यांच्यात कलगीतुरा रंगला आहे. या प्रकरणावरून धंगेकर चांगलेच आक्रमक झाले असून, त्यांनी मुरलीधर मोहोळ यांच्यावर गंभीर आरोप केलेत. आता या वादात उपमुख्यमंत्री एकनाथ शिंदे यांनी मोठे विधान केले आहे. धंगेकर हे अन्यायाविरोधात लढणारे कार्यकर्ते असून, त्यांना “महायुतीमध्ये दंगा करायचा नाही,” असा सल्ला दिल्याचे एकनाथ शिंदे यांनी सांगितले.
बॉलिवूड अभिनेता सलमान खानला दहशतवादी घोषित करणारे एक पत्र सोशल मीडियावर व्हायरल होत आहे. असा दावा केला जात आहे की हे पत्र पाकिस्तान सरकारने जारी केले आहे.
राज्याचे मंत्री संजय शिरसाट यांनी नुकताच राजकीय निवृत्तीचा सूर लावल्यामुळे राजकीय वर्तुळात एकच चर्चा सुरू झाली आहे. शिरसाट यांच्या या वक्तव्याचा आमदार रोहित पवार यांनी खरपूस समाचार घेतला आहे. त्यांनी थेट सिडको जमीन घोटाळ्याचा संदर्भ देत शिरसाट यांना जबरदस्त टोला लगावला. सिडकोत मलिदा खाताना कुठेतरी थांबावे असा विचार का आला नाही? आता मंत्रिपदावरून गच्छंतीची वेळ येताच राजकीय निवृत्तीचे वेध लागले. आता वय पुढे करून पळ काढू नका, असे रोहित पवार म्हणालेत.
भारतीय सैन्य ३० ऑक्टोबरपासून राजस्थानमधील पाकिस्तान सीमेवर ‘त्रिशूल’ हा लष्करी सराव सुरू करणार आहे. दरम्यान, पाकिस्तानने त्यांच्या मध्य आणि दक्षिण हवाई क्षेत्रात अनेक हवाई वाहतूक मार्ग बंद करण्याची घोषणा केली आहे.
अमेरिका लवकरच व्हेनेझुएलावर हल्ला करू शकते. राष्ट्राध्यक्ष ट्रम्प व्हेनेझुएलातील ड्रग्ज अड्डे आणि तस्करी मार्गांवर हल्ला करण्याचा विचार करत आहेत. तथापि, अद्याप अंतिम निर्णय झालेला नाही. ही माहिती अमेरिकन वृत्तवाहिनी सीएनएनने व्हाईट हाऊसच्या तीन अधिकाऱ्यांच्या हवाल्याने दिली आहे.
पाकिस्तानसाठी हेरगिरी केल्याच्या आरोपाखाली अटक करण्यात आलेल्या युट्यूबर ज्योती मल्होत्राचा जामीन अर्ज हरियाणातील हिसार सत्र न्यायालयाने फेटाळला आहे. न्यायालयाने निकालादरम्यान टिप्पणी केली की आरोपीची जामिनावर सुटका तपासात अडथळा आणू शकते.
बॉलीवूडची खानावळ नाही राहिली “उपयोगी”; म्हणून पाकिस्तानने वाढवली “दहशतवाद्यांची” यादी!!,
तामिळनाडू पोलिसांच्या गुन्हे शाखा-गुन्हेगारी तपास विभागाने (सीबीसीआयडी) शनिवारी एका मोठ्या आर्थिक घोटाळ्याचा पर्दाफाश केला, कोट्यवधी रुपयांच्या इरिडियम घोटाळ्यात सहभागी असलेल्या २७ जणांना अटक केली, ज्यामध्ये रिझर्व्ह बँक ऑफ इंडिया (आरबीआय) चा वापर करून सामान्य लोकांची फसवणूक करण्यात आली होती.
आंध्र प्रदेशातील कुर्नूल जिल्ह्यात काही दिवसांपूर्वी स्लीपर बसला लागलेल्या आगीत २० प्रवाशांचा दुर्दैवी मृत्यू झाला. या घटनेने संपूर्ण देश हादरला असून, प्रवाशांच्या सुरक्षेचा प्रश्न पुन्हा ऐरणीवर आला आहे. अशा दुर्घटना टाळण्यासाठी आणि आपत्कालीन प्रसंगी योग्य प्रतिसाद देण्यासाठी राज्य परिवहन महामंडळाने म्हणजे एसटी महामंडळाने “शयनयान वाहन प्रवासी सुरक्षा मार्गदर्शन” अभियान सुरू केले आहे. अशी माहिती परिवहन मंत्री तथा एसटी महामंडळाचे अध्यक्ष प्रताप सरनाईक यांनी दिली.
डेमोक्रॅट्सना आरोग्य सेवा अनुदान वाढवायचे होते. रिपब्लिकनना भीती होती की अनुदान वाढवल्याने अधिक सरकारी खर्चाची आवश्यकता भासेल, ज्यामुळे इतर सरकारी कामांवर परिणाम होईल.
मुख्यमंत्री देवेंद्र फडणवीस आणि उपमुख्यमंत्री अजित पवार यांनी यांनी आज एकाच दिवशी सातारा जिल्ह्यात जाऊन वेगवेगळी राजकीय पेरणी केली.
राज्यातील विरोधकांनी आता निवडणूक आयोगाविरोधात रस्त्यावर उतरून लढा देण्याचा निर्णय घेतला आहे. मतदार यादीतील अनियमितता, बनावट मतदार आणि आयोगाच्या निष्क्रियतेविरोधात महाविकास आघाडी आणि महाराष्ट्र नवनिर्माण सेना यांनी 1 नोव्हेंबर रोजी मुंबईत विराट मोर्चाचे आयोजन केले आहे. या मोर्चाला महाराष्ट्रातील सर्व प्रमुख विरोधी पक्षांचा पाठिंबा मिळत असून, यामुळे राज्याच्या राजकारणात मोठी खळबळ माजली आहे. या पार्श्वभूमीवर मनसे अध्यक्ष राज ठाकरे यांनी शिवतीर्थ निवासस्थानी पक्षाच्या प्रमुख पदाधिकाऱ्यांची तातडीची बैठक बोलावली होती.
शनिवारी दुपारी मुंबईहून कानपूरला जाणारे इंडिगो एअरलाइन्सचे विमान 6E-824 कानपूर विमानतळावर उतरल्यानंतर तांत्रिक बिघाड झाला. विमान सुरक्षितपणे उतरले, परंतु लँडिंगच्या काही मिनिटांनंतर तांत्रिक बिघाडामुळे गेट उघडू शकले नाही. यामुळे प्रवाशांमध्ये घबराट आणि गोंधळ निर्माण झाला. सर्व प्रवासी सुमारे 30 मिनिटे विमानात अडकले होते.
सातारा जिल्ह्यातील फलटण उपजिल्हा रुग्णालयातील एका महिला डॉक्टरच्या आत्महत्येमुळे राज्यभरात संतापाची लाट उसळली आहे. तर विरोधकांकडून सत्ताधारी पक्षावर आरोप केले जात आहेत. या प्रकरणावर राज्याचे मुख्यमंत्री देवेंद्र फडणवीस यांनी प्रतिक्रिया दिली असून, तरूण महिला डॉक्टरचा मृत्यू अत्यंत दुर्दैवी आहे. यामध्ये जे कोणी सहभागी असतील, त्यांना कठोरता कोठोर शिक्षा दिली जाईल, असे ते म्हणाले. याबरोबरच त्यांनी अशा संवेदनशील विषयाचे राजकारण करणे अत्यंत असंवेदनशील असल्याचेही म्हणत विरोधकांवर निशाणा साधला.
महाराष्ट्राचे माजी मुख्यमंत्री अशोक चव्हाण हे काँग्रेस सोडून भाजप मध्ये आले असले आणि अजित पवार त्याच भाजपच्या सत्तेच्या वळचणीला आले असले तरी पवार आपले चव्हाण घराण्याशी असलेले राजकीय वैर विसलेले नाहीत.
माजी सीआयए अधिकारी जॉन किरियाकू यांनी दावा केला आहे की पाकिस्तानचे माजी राष्ट्राध्यक्ष परवेझ मुशर्रफ यांनी देशाच्या अण्वस्त्रांचे नियंत्रण अमेरिकेला दिले होते. ते म्हणाले की अमेरिकेने लाखो डॉलर्सच्या मदतीद्वारे मुशर्रफ यांना विकत घेतले होते.
जमिनीच्या मालकी हक्काच्या वादातील महसूल दप्तरी नोंद करण्यासाठी एका अज्ञात व्यक्तीने थेट राज्याचे महसूलमंत्री चंद्रशेखर बावनकुळे यांच्या बनावट सही आणि शिक्क्यांचा वापर केल्याचा धक्कादायक प्रकार डोंबिवलीत उघडकीस आला. मंत्रालयातील महसूल विभागाच्या एका विशेष कार्य अधिकाऱ्याचेही बनावट पत्र वापरून हा आदेश काढण्यात आला होता. तक्रारदाराच्या सतर्कतेमुळे हा गैरप्रकार समोर आला असून या प्रकरणी विष्णुनगर पोलिसांनी अज्ञात व्यक्तीविरोधात गुन्हा दाखल करून कसून तपास सुरू केला आहे.
दिवाळीच्या सुट्ट्या आणि शनिवार-रविवारची जोड मिळाल्याने मागील चार दिवसांपासून शिर्डीत देशभरातून आलेल्या साईभक्तांची मोठी गर्दी झाली. साईनगरीच्या संपूर्ण परिसरातील वाहनतळ, पार्किंग, भक्तनिवास आणि साईमंदिर दर्शनरांग सर्वत्र हाऊसफुल्ल आहे.