चक्रीवादळ दितवामुळे झालेल्या पावसाशी संबंधित घटनांमध्ये तामिळनाडूमध्ये तीन जणांचा मृत्यू झाला. तुतीकोरिन आणि तंजावरमध्ये भिंत कोसळून दोघांचा मृत्यू झाला, तर मयिलादुथुराईमध्ये विजेचा धक्का लागून एका २० वर्षीय मुलाचा मृत्यू झाला.
IIM नवा रायपूर येथे 60 व्या अखिल भारतीय DGP-IG परिषदेचा समारोप झाला आहे. समारोप समारंभात पंतप्रधान नरेंद्र मोदी म्हणाले की, महिलांवरील गुन्हे रोखण्यासाठी डायल 112 प्रमाणे देशभरात एक व्यासपीठ तयार केले जावे.
तामिळनाडूच्या शिवगंगा जिल्ह्यातील तिरुपत्तूरजवळ रविवारी दुपारी दोन बसची समोरासमोर धडक झाली. या अपघातात 11 लोकांचा मृत्यू झाला आहे. मृतांमध्ये 8 महिला, 2 मुले आणि एका पुरुषाचा समावेश आहे. 20 हून अधिक लोक जखमी झाले आहेत. शिवगंगा एसपी शिवा प्रसाद यांच्या मते, काही जखमींची प्रकृती गंभीर आहे.
महाराष्ट्रातल्या नगरपंचायती आणि नगरपरिषदांच्या निवडणुकांमध्ये प्रचाराच्या रणधुमाळीत महायुतीतले सगळे घटक पक्ष अनेक ठिकाणी एकमेकांनी विरोधात उभे राहिले
एकीकडे महाराष्ट्रात नगरपरिषद आणि नगरपंचायत यांच्या निवडणुकींची रणधुमाळी उडाली असताना दुसरीकडे मुंबईत शरद पवारांचे नातू आणि अजित पवारांचे पुतणे युगेंद्र पवार यांचा हाय प्रोफाईल विवाह सोहळा निवडक आमंत्रितांच्या उपस्थितीत पार पडला.
महाराष्ट्राच्या निवडणूक आयोगाने वेगवेगळी कायदेशीर कारणे देऊन महाराष्ट्रातल्या 22 नगराध्यक्षांच्या हाय प्रोफाईल निवडणुका अचानक पुढे ढकलल्या.
इस्त्रायलचे पंतप्रधान बेंजामिन नेतन्याहू यांनी त्यांच्याविरुद्ध सुरू असलेल्या भ्रष्टाचाराच्या प्रकरणांमध्ये राष्ट्रपती इसाक हर्झोग यांच्याकडे औपचारिक माफी मागितली आहे. राष्ट्रपती कार्यालयाच्या माहितीनुसार, नेतन्याहू यांचे वकील अमित हादद यांनी 111 पानांचा अर्ज सादर केला.
विरोधक आता केवळ माझे राजकारणच नाही, तर मलाच संपवण्याच्या मागे लागले आहेत. मी काम करण्याच्या लायकच राहिलो नाही, तर तुमचे काम कोण करणार? अशा कठीण प्रसंगी तुम्ही माझी साथ देणार की हात सोडणार?” असा थेट सवाल करत राष्ट्रवादी काँग्रेस अजित पवार गटाचे नेते आणि आमदार धनंजय मुंडे यांनी परळीकरांना अत्यंत भावनिक साद घातली आहे. परळी नगर परिषद निवडणुकीच्या पार्श्वभूमीवर बरकतनगर येथे आयोजित प्रचार सभेत ते बोलत होते.
राष्ट्रवादी काँग्रेस शरदचंद्र पवार पक्षाच्या उमेदवारांच्या प्रचारार्थ आयोजित सभेत ज्येष्ठ नेते एकनाथ खडसे यांची चांगलीच फजिती झाली. भर सभेत भाषण करताना खडसे यांची जीभ घसरली आणि त्यांनी उपस्थितांना चक्क “भाजपला मतदान करा,” असे आवाहन केले. खडसेंच्या या विधानामुळे व्यासपीठावर आणि कार्यकर्त्यांमध्ये एकच गोंधळ उडाला. नंतर कार्यकर्त्यांनी आठवण करून देताच खडसेंनी सारवासारव करत “तुतारीलाच मतदान करा,” अशी दुरुस्ती केली. मात्र, तोपर्यंत हे वक्तव्य राजकीय चर्चेचा विषय बनले होते.
“भाजपचे आयुष्य केवळ दुसऱ्यांची घरे फोडण्यात चालले आहे. विधानसभेला माझ्या घरातील माणूस फोडला, आता खासदार राजाभाऊ वाजे यांच्याही घरात फूट पाडली. भाजप हा आता पूर्णपणे ‘बाटलेला’ पक्ष झाला असून, निष्ठावंत कार्यकर्ते मात्र घरी बसले आहेत,” अशा अत्यंत तिखट शब्दांत राज्याचे मंत्री आणि अजित पवार गटाचे नेते माणिकराव कोकाटे यांनी भाजपवर हल्लाबोल केला आहे. सिन्नरमधील प्रचार सभेत कोकाटे यांनी मनातील खदखद व्यक्त केली.
राज्यात आगामी स्थानिक स्वराज्य संस्थांच्या निवडणुकीचा रंग चांगलाच चढलेला असताना, महायुतीतीलच मित्र पक्षांमध्ये तणाव निर्माण झाल्याचे स्पष्ट दिसू लागले आहे. नुकतंच केंद्रीय राज्यमंत्री आणि रिपब्लिकन पक्षाचे (आरपीआय) प्रमुख रामदास आठवले यांनी केलेल्या विधानानंतर महायुतीत अस्वस्थता निर्माण झाली आहे. पिंपरी-चिंचवड येथे आयोजित कार्यकर्ता मेळाव्यात ते बोलत होते. यावेळी त्यांनी महायुतीत आरपीआयला जागा मिळवण्यासाठी अक्षरशः भीक मागावी लागते, अशी खंत व्यक्त केली.
भारताचा GDP Q2 (जुलै-सप्टेंबर 2025) मध्ये 8.2% ने वाढला—जगातील सर्वांत वेगवान वाढ. पण याच वेळी IMF ने भारताच्या GDP डेटाला ‘C’ ग्रेड दिली. विरोधकांनी यावर प्रश्न उपस्थित केले—“GDP वाढ खोटी आहे का?”
देशातील 12 राज्यांमध्ये सुरू असलेल्या SIR प्रक्रियेची अंतिम मुदत 7 दिवसांनी वाढवण्यात आली आहे. याची अंतिम तारीख 4 डिसेंबर होती. म्हणजेच, आता ही प्रक्रिया 11 डिसेंबरपर्यंत चालेल. निवडणूक आयोगाचा हा निर्णय अशा वेळी आला आहे, जेव्हा अनेक जिल्ह्यांमध्ये आणि राज्यांमध्ये BLO वर कामाचा ताण जास्त असल्याची चर्चा होती. अनेक राज्यांतून BLO च्या आत्महत्येची प्रकरणेही समोर आली आहेत.
माझ्या हातात राज्याच्या तिजोरीच्या चाव्या आहेत,” या विधानावरून महायुतीत नाराजीचे सूर उमटल्यानंतर उपमुख्यमंत्री अजित पवार यांनी आता सारवासारव केली आहे. “ते विधान मी ओघात बोललो होतो. तिजोरी माझ्या किंवा कुणाच्या बापाची नाही, ती जनतेची आहे. तसेच माझ्यापेक्षा जास्त अधिकार हे मुख्यमंत्र्यांनाच आहेत,” असे स्पष्टीकरण अजित पवार यांनी दिले.
हरियाणातील हिसार कॅन्टमधील मिलिटरी स्टेशनवर माजी सैनिकांची रॅली झाली. रॅलीमध्ये साउथ-वेस्टर्न कमांडचे लेफ्टनंट जनरल मनजिंदर सिंग यांनी ऑपरेशन सिंदूरबाबत अनेक महत्त्वाच्या गोष्टी सांगितल्या.
अदानी समूहाने पर्यावरण कार्यकर्ते बेन पेनिंग्स यांच्या विरोधात सुमारे 5 वर्षांपासून सुरू असलेला कायदेशीर लढा संपवला. क्वीन्सलँड सर्वोच्च न्यायालयाने 26 नोव्हेंबर रोजी आदेशांवर स्वाक्षरी केली. यात पेनिंग्सना अदानी समूहाची गोपनीय माहिती मिळवण्यापासूनही रोखण्यात आले आहे.
महाराष्ट्रातील नगरपंचायती, नगरपालिकांची निवडणूक शरद पवारांचे राष्ट्रवादी काँग्रेस आणि उद्धव ठाकरे यांची शिवसेना आणि काँग्रेस या तिन्ही पक्षांनी “सोडून” दिली.
आंतरिकजिव्हाळा आणि निखळ प्रेमाच्या बळावर भय्याजी काणे यांनी अत्यंत प्रतिकूल स्थितीत शिक्षणाचे रोपटे ईशान्य भारतात लावले. विरोधकांना न जुमानता, गरीब, स्थानिकांना कुठलीही लालूच न दाखवता आत्मीतयतेने आपलेसे करून घेतले.
बिहार विधानसभा निवडणुकीचे निकाल लागल्यानंतर त्यावर प्रतिक्रिया व्यक्त करताना पंतप्रधान नरेंद्र मोदींनी देशात लवकरच काँग्रेसमध्ये फूट पडेल असे राजकीय भाकीत केले होते.
बॉर्डर सिक्युरिटी फोर्स (BSF) च्या जम्मू फ्रंटियरचे IG शशांक आनंद म्हणाले, ‘2025 या वर्षात आतापर्यंत BSF ने पाकिस्तानच्या 118 चौक्या उद्ध्वस्त केल्या आहेत. सरकारने आम्हाला शून्य घुसखोरीचे लक्ष्य दिले आहे. आम्ही ते पूर्ण करू.’
भोपाळमध्ये जमीयत उलेमा-ए-हिंदच्या गव्हर्निंग बॉडीच्या बैठकीत मौलाना महमूद मदनी म्हणाले की, सध्याच्या काळात इस्लाम आणि मुस्लिमांविरुद्ध द्वेष पसरवण्याचे प्रयत्न वाढले आहेत. ते म्हणाले की, ‘जिहाद’ सारख्या पवित्र शब्दाला दहशतवाद आणि हिंसेशी जोडणे हे जाणूनबुजून केले जात आहे.
पश्चिम बंगालमध्ये ममता सरकार 8 महिन्यांच्या विरोधानंतर नवीन वक्फ सुधारणा कायदा लागू करण्यास सहमत झाले आहे. राज्य सरकारने सर्व जिल्हाधिकाऱ्यांना निर्देश दिले आहेत की, राज्यातील 8063 वक्फ मालमत्तांची माहिती 6 डिसेंबर 2025 पर्यंत केंद्र सरकारच्या UMID वेबसाइटवर अपलोड करावी.
नॅशनल हेराल्ड प्रकरणात दिल्लीच्या राऊस ॲव्हेन्यू कोर्टाचा निर्णय तिसऱ्यांदा पुढे ढकलण्यात आला आहे. मनी लॉन्ड्रिंग प्रकरणात ईडीच्या आरोपपत्राची दखल घ्यावी की नाही, हे कोर्टाला ठरवायचे आहे.
दक्षिण पश्चिम महाराष्ट्र एकेकाळी शरद पवारांचा बालेकिल्ला होता. सांगली जिल्ह्यात काही प्रमाणात काँग्रेसची ताकद होती. पण नगरपरिषदा आणि नगरपंचायत यांच्या निवडणुकीत शरद पवारांच्या राष्ट्रवादी काँग्रेसला महाराष्ट्रातून फारसा प्रतिसादच मिळाला नाही. पवारांनी सुद्धा या निवडणुकीतला रस काढून घेतला त्यामुळे दक्षिण पश्चिम महाराष्ट्रात एक मोठी पॉलिटिकल स्पेस निर्माण झाली त्या पॉलिटिकल स्पेस मध्ये बाकी कुठल्याही पक्षापेक्षा एकनाथ शिंदे यांच्या शिवसेनेने जास्त शिरकाव केल्याचे चित्र समोर आले.
दिल्ली कार स्फोट प्रकरणात राष्ट्रीय तपास यंत्रणेच्या (NIA) पथकाने गेल्या रात्री उत्तराखंडमधील हल्द्वानी येथून एका मौलवीसह दोन जणांना ताब्यात घेतले आहे. सूत्रांनुसार, या दोघांचे मोबाईल नंबर स्फोटात सहभागी असलेल्या दहशतवादी उमरच्या मोबाईलमधून मिळाले आहेत. गेल्या रात्री सुमारे अडीच वाजता NIA आणि दिल्ली पोलिसांच्या पथकाने मौलवीला बनभूलपुरा येथून आणि दुसऱ्या व्यक्तीला राजपुरा परिसरातून पकडले आहे. पथक दोघांनाही चौकशीसाठी दिल्लीला घेऊन गेले आहे.