पश्चिम बंगाल तृणमूल काँग्रेस (टीएमसी) च्या खासदार महुआ मोईत्रा यांनी गृहमंत्री अमित शहा यांच्यावर वादग्रस्त विधान केले आहे. शुक्रवारी नादिया जिल्ह्यातील घुसखोरीच्या मुद्द्यावर त्यांनी म्हटले की सीमा सुरक्षेची जबाबदारी गृह मंत्रालयाची आहे. जर घुसखोरी होत असेल तर अमित शहा यांचे डोके कापून टेबलावर ठेवले पाहिजे.
मराठा आरक्षणाची मागणी घेऊन मनोज जरांगे यांनी ऐन गणेशोत्सवात मुंबईत आंदोलन सुरू केले. मनोज जरांगे यांचं आझाद मैदानावरील उपोषण आणखी एका दिवसासाठी सुरू ठेवण्याची परवानगी देण्यात आली.
पंतप्रधान नरेंद्र मोदींना गुंडाळायचे डोनाल्ड ट्रम्प यांचे प्लॅन फसले. त्यामुळे भारताबरोबरचे अमेरिकेचे संबंध बिनसले, याची कबुली अमेरिकन अधिकाऱ्याने दिल्याची बातमी न्यूयॉर्क टाइम्सने दिली.
लग्नाचे आमिष दाखवून मुलीवर अनेक वेळा बलात्कार केल्याच्या तक्रारीच्या सुनावणीदरम्यान सुरत सत्र न्यायालयाने गुरुवारी आरोपीला निर्दोष सोडले. न्यायालयाने आपल्या निकालात म्हटले आहे की, सहमतीने शारीरिक संबंध ठेवल्यानंतर लग्न करण्यास नकार देणे हा बलात्काराचा गुन्हा नाही.
रिलायन्स इंडस्ट्रीजच्या ४८ व्या वार्षिक सर्वसाधारण सभेत, अध्यक्ष मुकेश अंबानी यांनी जिओच्या आयपीओची घोषणा केली. त्यांनी सांगितले की हा आयपीओ पुढील वर्षी जूनपर्यंत येईल. हा आयपीओ जागतिक स्तरावर शेअरधारकांसाठी मूल्य अनलॉक करेल.
वॉशिंग्टन डीसी आणि लॉस एंजेलिसमध्ये नॅशनल गार्ड तैनात केल्यानंतर, ट्रम्प प्रशासनाने आता शिकागोमध्येही असेच करण्याची धमकी दिली आहे. व्हाईट हाऊसच्या प्रेस सेक्रेटरी कॅरोलिन लेविट यांनी गुरुवारी पत्रकार परिषदेत सांगितले की, शिकागोमधील हिंसाचाराची परिस्थिती खूपच गंभीर आहे. त्या म्हणाल्या की, शिकागोमध्ये हत्येचे प्रमाण नवी दिल्लीपेक्षा १५ पट जास्त आहे. शहराच्या भल्यासाठी कठोर पावले उचलणे आवश्यक आहे.
महाराष्ट्राचे चार वेळा मुख्यमंत्री राहिलेल्या पण त्यापैकी एकाही वेळा मराठा आरक्षणाचे समर्थन न केलेल्या त्याचबरोबर मराठा आरक्षण न दिलेल्या शरद पवारांनी आज अचानक घुमजाव करून मराठा आरक्षणाची बाजू घेतली.
पंतप्रधान मोदी शुक्रवारी जपानच्या २ दिवसांच्या दौऱ्यावर आले. यादरम्यान त्यांनी टोकियो येथे झालेल्या भारत-जपान संयुक्त आर्थिक मंचाच्या बैठकीला संबोधित केले.त्यांनी आपल्या भाषणात भारताला गुंतवणुकीसाठी सर्वोत्तम ठिकाण म्हणून वर्णन केले. जगाच्या नजराच नव्हे तर त्यांचा विश्वासही भारतावर आहे असे ते म्हणाले.
शुक्रवारी (२९ ऑगस्ट) भारतीय रुपया पहिल्यांदाच ८८ रुपयांच्या प्रति डॉलरच्या सर्वकालीन नीचांकी पातळीवर घसरला आहे. तज्ज्ञांचे म्हणणे आहे की रुपयातील ही घसरण अमेरिकेने भारतावर लादलेल्या शुल्कामुळे झाली आहे
सर्वोच्च न्यायालयाने शुक्रवारी केंद्र सरकारला विचारले की, त्यांना भारतीय सीमेवर अमेरिकेसारखी भिंत बांधायची आहे का? पश्चिम बंगाल स्थलांतरित कल्याण मंडळाने दाखल केलेल्या याचिकेवर सुनावणी करताना न्यायालयाने ही टिप्पणी केली.
जमुई येथे शुक्रवारी भाजप युवा मोर्चाने पंतप्रधान नरेंद्र मोदी आणि त्यांच्या आई यांच्याबद्दल केलेल्या वक्तव्याचा निषेध केला. भाजप युवा मोर्चाच्या कार्यकर्त्यांनी जिल्हाध्यक्ष अभिषेक सिंह यांच्या नेतृत्वाखाली निषेध मोर्चा काढला. काँग्रेस कार्यालयाबाहेर राहुल गांधी आणि तेजस्वी यादव यांचे पुतळे जाळण्यात आले.
रशियन संरक्षण मंत्रालयाचा हवाला देत स्पुतनिक वृत्तसंस्थेने वृत्त दिले आहे की, गुरुवारी रशियन कट्रान सागरी ड्रोन हल्ल्यात युक्रेनियन नौदलाचे सर्वात मोठे जहाज सिम्फेरोपोल बुडाले.
पाकिस्तानच्या शाहबाज शरीफ सरकारमधील मंत्री अहसान इक्बाल यांनी भारतावर पाण्याचा वापर शस्त्र म्हणून करत असल्याचा आरोप केला. ते म्हणाले की, भारताने जाणूनबुजून आपल्या धरणांमधून पाणी सोडले, ज्यामुळे पाकिस्तानच्या पंजाब प्रांतात भीषण पूर आला.
येमेनची राजधानी सना येथे इस्रायलने केलेल्या हवाई हल्ल्यात हुथी बंडखोरांचे पंतप्रधान अहमद अल-राहवी यांचा मृत्यू झाला आहे. मीडिया रिपोर्ट्सनुसार, या हल्ल्यांमध्ये हुथी संरक्षण मंत्री मोहम्मद अल-अती आणि चीफ ऑफ स्टाफ मोहम्मद अब्द अल-करीम अल-घमारी यांनाही लक्ष्य करण्यात आले होते, ज्यांचा मृत्यु झाल्याची भीती आहे.
पंतप्रधान नरेंद्र मोदी यांनी म्हटले आहे की जपानी तंत्रज्ञान आणि भारतीय प्रतिभा या पॉवरहाऊसमध्ये जग बदलण्याची क्षमता आहे. दोन्ही देश कृत्रिम बुद्धिमत्ता (एआय), सेमीकंडक्टर, क्वांटम कॉम्प्युटिंग, बायोटेक व अवकाश क्षेत्रात क्रांती घडवण्यास सक्षम आहेत. शुक्रवारी दोन दिवसांच्या जपान दौऱ्याच्या पहिल्या दिवशी पंतप्रधान मोदींनी अनेक कार्यक्रमांमध्ये भाग घेतला.
अमेरिकेचे अध्यक्ष डोनाल्ड ट्रम्प यांनी भारतीय वस्तूंवर तब्बल 50 टक्के टॅरिफ लावून दबाव आणण्याचा प्रयत्न केला असला तरी भारतीय अर्थव्यवस्थेच्या गाड्या वचा वेग कमी झालेला नाही. एप्रिल-जून 2025 तिमाहीत भारताचा सकल देशांतर्गत उत्पन्न (GDP) तब्बल 7.8 टक्क्यांवर पोहोचला असून, मागील पाच तिमाहीतील हा सर्वोच्च आकडा ठरला आहे.
बिहार विधानसभा निवडणुका जवळ येत असताना काँग्रेस नेते राहुल गांधी यांचा आणखी एक आरोप फोल ठरला आहे. त्यांनी असा दावा केला होता की गया जिल्ह्यातील निडाणी गावात एका घराच्या पत्त्यावर तब्बल ९४७ मतदार नोंदवलेले आहेत. हा आरोप सोशल मीडियावर जोरदार पसरला. मात्र, प्रत्यक्ष गावकऱ्यांनी आणि निवडणूक आयोगानेच त्यांचा दावा खोडून काढत सांगितले की हा आरोप दिशाभूल करणारा आहे.
पश्चिम बंगालमध्ये घुसखाेरांना आश्रय देण्याचे काम तृणमूल काॅंग्रेस करत असल्याचे उघड सत्य आहे. मात्र, त्यासाठी केंद्रीय गृहमंत्री अमित शहा यांना जबाबदार धरून . “गृहमंत्री अमित शाह यांचे शीर छाटून टेबलावर ठेवले पाहिजे,” असे वक्तव्य तृणमूल काॅंग्रेसच्या खासदार महुआ माेइत्रा यांनी केले आहे. त्यामुळे त्यांच्यावर टीकेची झाेड उठली आहे.
अमेरिकेच्या फेडरल रिझर्व्हच्या माजी गव्हर्नर लिसा कुक यांनी अध्यक्ष डोनाल्ड ट्रम्प यांच्याविरुद्ध न्यायालयात खटला दाखल केला आहे. ट्रम्प यांनी त्यांना फेडरल रिझर्व्हच्या गव्हर्नर पदावरून काढून टाकले होते. लिसा कुक यांनी न्यायालयाला सांगितले की, ट्रम्प यांनी त्यांना काढून टाकण्याचा निर्णय चुकीचा आणि बेकायदेशीर आहे.
कोहिमा, विशाखापट्टणम, भुवनेश्वर, ऐझॉल, गंगटोक, इटानगर आणि मुंबई ही देशातील महिलांसाठी सर्वात सुरक्षित शहरे आहेत. तर पटना, जयपूर, फरीदाबाद, दिल्ली, कोलकाता, श्रीनगर आणि रांची ही महिलांसाठी सर्वात कमी सुरक्षित शहरांमध्ये आहेत.
मराठा आरक्षण आंदोलनावर काही पक्ष हे सोईची भूमिका घेत आहेत. मराठा विरुद्ध ओबीसी अशी भांडणे लावण्याचा त्यांचा डाव आहे. मराठा आंदोलनावर राजकीय पोळी भाजण्याचे कारस्थान त्यांनी रचलेय.
कुठल्याच निवडणुकीमध्ये कुठलेच यश मिळत नाही म्हणून राहुल गांधी आता एवढे frustrate झालेत, की paid सल्लागारांचा सल्ला देखील ते विसरलेत, म्हणून मोदींना शिव्या देऊन राहिलेत!! बिहार मधल्या मतदार अधिकार यात्रेतून दिसलेल्या चित्राचा खरा अर्थ आहे.
बिहारमधील एनडीए आघाडीच्या जागावाटपाबाबतचे चित्र जवळजवळ स्पष्ट झाले आहे. मुख्यमंत्री नितीश कुमार यांच्या दिल्ली भेटीनंतर, विधानसभा निवडणुकीतील जागांवर आघाडीतील पक्षांमध्ये अंतिम एकमत झाले आहे.
यावर संतप्त प्रतिक्रिया व्यक्त करताना हाके म्हणाले, मराठा तेवढा मेळवावा ओबीसी मुळासकट संपवावा, असाच मनाेज जरांगेंच्या मागणीला अर्थ होतो. ओबीसी जरांगेंच्या आंदोलनाला प्रति आंदोलन पुकारतील शासनाने त्यांना वस्तुस्थिती समजून सांगितली पाहिजे, नाही तर महाराष्ट्रात अराजकता निर्माण होऊ शकते, असा इशारा ओबीसी नेते लक्ष्मण हाके यांनी दिला आहे.
बिहारमधील दरभंगा येथे राहुल गांधी यांच्या वोटर अधिकार यात्रेदरम्यान काही लोकांनी व्यासपीठावरून पंतप्रधान मोदींना शिवीगाळ केली. याप्रकरणी भाजपने पाटण्याच्या गांधी मैदान पोलिस ठाण्यात एफआयआरसाठी अर्ज दाखल केला आहे.