तालिबानची इच्छा आहे की तालिबानला आंतरराष्ट्रीय व्यासपीठावर मान्यता मिळावी. जर भारताने उड्डाणे सुरू केली नाहीत, तर त्याचा दोन्ही देशांदरम्यान सुरू असलेल्या व्यापारावरही परिणाम होईल.The Taliban sent a message to India, writing a letter to India demanding ‘this’
विशेष प्रतिनिधी
नवी दिल्ली : अफगाणिस्तानात सत्ता काबीज केल्यानंतर तालिबानचे अत्याचारही समोर येऊ लागले आहेत. तालिबान पुन्हा लोकांना शिक्षा देत आहे. तालिबान अफगाणिस्तान लोकांची हत्या करत आहे आणि त्यांना चौरस्त्याच्या मध्यभागी लटकवत आहे. तालिबानचे नेते मुल्ला नूरुद्दीन तुराबी म्हणाले होते की, ज्यांनी अफगाणिस्तानात चुका केल्या त्यांना हात -पाय कापून शिक्षा केली जाईल.
नूरुद्दीन तुराबी यांनी असेही म्हटले होते की ज्या लोकांनी दाढी कापली त्यांना चाबकाने मारले जाईल, दुसरीकडे त्यांना भारताशी संबंध बनवायचे आहेत. तालिबानने भारताला पत्र लिहून चांगल्या संबंधांची इच्छा व्यक्त केली आहे. तालिबानने एक पत्र लिहून भारताला अफगाणिस्तानसाठी उड्डाण सुरू करण्यास सांगितले आहे.
या पत्राद्वारे तालिबानने भारताविरोधात राजनैतिक पाऊल टाकले आहे. जर भारत आणि अफगाणिस्तानची विमान सेवा पूर्ववत झाली तर ती तालिबान सरकारला पाठिंबा देईल. तालिबानची इच्छा आहे की तालिबानला आंतरराष्ट्रीय व्यासपीठावर मान्यता मिळावी. जर भारताने उड्डाणे सुरू केली नाहीत, तर त्याचा दोन्ही देशांदरम्यान सुरू असलेल्या व्यापारावरही परिणाम होईल.
खरं तर, २०१९-२० मध्ये भारत आणि अफगाणिस्तान दरम्यान सुमारे ११ हजार कोटींचा व्यापार झाला होता. भारत अफगाणिस्तानातून मोठ्या प्रमाणात ड्राय फ्रूट्स आणि हर्बल औषधे आयात करतो.
दुसरीकडे चहा, कॉफी, मिरपूड, कापूस आणि खेळणी भारतातून अफगाणिस्तानला निर्यात केली जातात. १५ ऑगस्ट रोजी तालिबानने अफगाणिस्तानवर कब्जा केल्यानंतर भारताने अफगाणिस्तानला जाणारी उड्डाणे बंद केली होती. कोरोनामुळे DGCA ने ३१ ऑक्टोबर पर्यंत आंतरराष्ट्रीय उड्डाणांवर बंदी घातली असली तरी तालिबानने त्यांच्या पत्राद्वारे चेंडू भारताच्या कोर्टात टाकला आहे.
The Taliban sent a message to India, writing a letter to India demanding ‘this’
महत्त्वाच्या बातम्या
- बेरोजगार कन्हैयाकुमारकडे १८ कोटी रुपयांची संपत्ती, खर्च चालवितात कसा हा देखील प्रश्न
- राहूल गांधी यांच्यावर टीका करणाऱ्या माध्यमांना छत्तीसगडच्या मुख्यमंत्र्यांनी धमकावले, गुंडगिरी असल्याचा नेटीझन्सचा आरोप
- फी माफीसाठी विद्यार्थ्यांवर डोके आपटून घेण्याची वेळ, रयत शिक्षण संस्थेच्या पिंपरी महाविद्यालयात घटना
- कंगणाने पुन्हा करण जोहरला केले टार्गेट!