झारखंडमध्ये पोलीस चकमकीत एका महिलेसह चार नक्षलवादी ठार, २ जणांना अटक

विशेष प्रतिनिधी

नवी दिल्ली: झारखंडच्या पश्चिम सिंगभूम जिल्ह्यात सोमवारी झालेल्या चकमकीत चार नक्षलवादी ठार झाले. छत्तीसगडच्या नारायणपूर जिल्ह्यात झालेल्या चकमकीत आठ नक्षलवादी आणि स्पेशल टास्क फोर्सचे (एसटीएफ) जवान शहीद झाल्याच्या दोन दिवसानंतर ही घटना घडली आहे. In Jharkhand police arrested four naxalites including a woman 2 people arrested

मीडिया रिपोर्ट्सनुसार, चकमकीत मारले गेलेल्या आठ माओवाद्यांच्या डोक्यावर मोठी बक्षिसे होती. त्याच्यावर एकूण 48 लाखांचे रोख बक्षीस होते. या कारवाईत दोन नक्षलवाद्यांना अटक करण्यातही सुरक्षा दलाला यश आले. या कारवाईत एक महिला नक्षलवादीही आहे. ठार झालेले सर्व नक्षलवादी संघटनेत महत्त्वाच्या पदावर होते, असे सांगण्यात येत आहे.

ते एरिया कमांडर, सब झोनल कमांडर आणि झोनल कमांडर या पदावर होते. पकडलेल्या नक्षलवाद्यांमध्ये एक महिला आणि एका पुरुष नक्षलवाद्यांचा समावेश आहे. चकमकीच्या ठिकाणाहून नक्षलवाद्यांच्या मृतदेहांसह शस्त्रे आणि इतर वस्तू जप्त करण्यात आल्या आहेत.

---

• झारखंड: EDने मंत्री आलमगीर आलम यांचे पीएस संजीव लाल अन् त्यांच्या सहाय्यकास केली अटक

---

पश्चिम सिंगभूममधील अमरूद पोलीस स्टेशन हद्दीतील लिपुंगा जंगलात सुरक्षा दल आणि नक्षलवाद्यांमध्ये चकमक झाली. 10 लाख रुपयांचे बक्षीस असलेला एक झोनल कमांडरही होता. ठार झालेल्या नक्षलवाद्यांची ओळख पटली आहे. झोनल कमांडर सिंगराई उर्फ ​​मनोज, सब झोनल कमांडर कांदे होनहागा उर्फ ​​दिरशुम, एरिया कमांडर सूर्या उर्फ ​​मुंडा देवगाम आणि महिला नक्षलवादी कॅडर जंगा पूर्ती उर्फ ​​मारला हे आहेत. मारला व्यतिरिक्त इतर सर्व मारल्या गेलेल्या नक्षलवाद्यांवर पोलिसांनी बक्षीस जाहीर केले होते.

सिंगराई उर्फ ​​मनोजवर 10 लाखांचे बक्षीस जाहीर करण्यात आले आहे. कांदेवर 5 लाख आणि सूर्यावर 2 लाख रुपयांचे बक्षीस होते. टायगर उर्फ ​​पांडू हंसदा आणि बटारी देवगाम अशी अटक करण्यात आलेल्या नक्षलवाद्यांची नावे आहेत. पांडू हंसदा यांच्यावर 2 लाख रुपयांपर्यंतचे बक्षीस जाहीर करण्यात आले होते. तर बटारी देवी ही महिला नक्षलवादी आहे. मीडिया रिपोर्ट्सनुसार, सुरक्षा दल येथे शोध मोहीम राबवत होते. दरम्यान नक्षलवाद्यांनी गोळीबार सुरू केला. त्याला प्रत्युत्तर म्हणून गोळीबारात चार नक्षलवादी ठार झाले. परिसरात अजूनही शोधमोहीम सुरू आहे.

In Jharkhand police arrested four naxalites including a woman 2 people arrested

महत्वाच्या बातम्या

• टीकेची झोड उठली तरी अजितदादांना सोडवेना सत्तेची वळचण; पवारांच्या राष्ट्रवादीकडूनही अजितदादांची पाठराखण!!
• POCSO प्रकरणात येडियुरप्पा यांच्या अटकेला कर्नाटक उच्च न्यायालयाने दिली स्थगिती!
• रोहिंग्या, बांगलादेशींना परत पाठवणार नाही, तोपर्यंत स्वस्थ बसणार नाही; मंत्री मंगल प्रभात लोढांची ग्वाही
• काश्मीरच्या आजादीची वकिली केल्याबद्दल अर्बन नक्षल अरुंधती रॉय वर UAPA अंतर्गत खटला चालणार!!