वृत्तसंस्था
नवी दिल्ली : मुंबई अहमदाबाद या मार्गावर बुलेट ट्रेन धावणार आहे. त्या बरोबरच मुंबई-पुणे-हैद्राबाद, मुंबई-नाशिक-नागपूर या मार्गावर बुलेट ट्रेन धावणार असून सविस्तर प्रकल्प अहवाल आठ ते दहा महिन्यात सादर होणार आहे. Bullet train to run at Hyderabad, Nagpur Also; In Gujarat for Mumbai-Ahmedabad route work In Progress
वेगवान रेल्वे प्रवासासाठी व मुंबईसह महत्वाच्या शहरांशी जोडण्यासाठी बुलेट ट्रेनचा प्रकल्प राबविण्यात येत आहे. मुंबई ते अहमदाबाद बरोबरच मुंबई ते हैद्राबाद आणि मुंबई ते नागपूर या मार्गावरही बुलेट ट्रेन सुरु करण्याचे नियोजन आहे. या दोन्ही प्रकल्पांसाठी सविस्तर प्रकल्प अहवाल बनवण्याचे काम सुरु झाले आहे. येत्या आठ ते दहा महिन्यात तो सादर केला जाईल, अशी माहिती नॅशनल हायस्पीड रेल कॉपरेरेशन लिमिटेडने दिली.
मुंबई ते हैद्राबाद बुलेट ट्रेन पुणे मार्गे तर मुंबई ते नागपूर ट्रेन शिर्डी तसेच नाशिकमार्गे जाईल. मुंबई-पुणे-हैद्राबाद बुलेट ट्रेन या ६५० किलोमीटर मार्गावर विमानाने सर्वेक्षण केले जाणार आहे. त्याचा अहवाल येण्यासाठी ४ महिने लागणार आहेत. सविस्तर प्रकल्प अहवाल पुढील वर्षांत जानेवारी ते मार्च या दरम्यान सादर होणार आहे.
याच पद्धतीने मुंबई ते नाशिक-नागपूर या ७३६ किलोमीटर मार्गाचेही सव्‍‌र्हेक्षण सुरु आहे. या वर्षांच्या अखेरीस पूर्ण होईल. ही ट्रेन मुंबई ते नागपूर दरम्यान खापरी वर्धा, पुलगाव, कारंजा लाड, मालेगाव जहांगीर, मेहकर, जालना, औरंगाबाद, शिर्डी, नाशिक, इगतपुरी, शहापूर या शहरांशी जोडली जाईल. तर मुंबई-हैदराबाद ही कामशेत, पुणे,बारामती, पंढरपूर, सोलापूर, गुलबर्गा, हैदराबादशी जोडले जाणार आहे.
सर्वेक्षणाचे काम रेंगाळले
गुजरातमध्ये कामाला गती
मुंबई ते अहमदाबाद बुलेट ट्रेन प्रकल्प भूसंपादनाच्या प्रक्रियेत अडकला आहे. महाराष्ट्रात अवघे २४ टक्के पर्यंतच भूसंपान झाल्याने व वांद्रे कुर्ला संकु ल येथे स्थानक उभारणीसाठीही जागा नाही. त्यामुळे काम ठप्प पडले आहे. उपलब्ध न झाल्याने प्रत्यक्षात काम मात्र सुरु झालेले नाही.त्या तुलनेत गुजरातमधील ९४ टक्के आणि दिव-दमणमधील १०० टक्के भूसंपादन झाले असून कामही सुरु झाले आहे.
Bullet train to run at Hyderabad, Nagpur Also; In Gujarat for Mumbai-Ahmedabad route work In Progress
महत्त्वाच्या बातम्या
- राज्यामध्ये मॉन्सूनचे जोरदार आगमन : नऊ जिल्ह्यांत शिडकाव्याने वातावरणात गारवा
- स्वातंत्र्यवीर सावरकरांची भूमिका कोण साकारणार? लंडन, अंदमान आणि महाराष्ट्रामध्ये होणार चित्रीकरण
- ब्रिटनचे शाही जोडपे प्रिन्स हॅरी आणि मेगन मार्कला कन्यारत्न
- भज्जी तू सुध्दा खलिस्थानवादी! क्रिकेटपटू हरभजनसिंगने केला जर्नलसिंग भिद्रानावलेचा गौरव, शहीद म्हणून केला प्रणाम
- पश्चिम बंगालमध्ये आणखी एका भाजपा कार्यकर्त्याचा मृत्यू, बॉम्ब फेकून केली हत्या
- नात्याला काळिमा, मुलाने केला वृध्द आईवर बलात्कार