वृत्तसंस्था
बंगळुरू : दिल्लीतील श्रद्धा वालकर खून प्रकरणासारखेच एक प्रकरण बंगळुरूमध्ये ( Bangalore ) समोर आले आहे. भाड्याच्या घरात राहणाऱ्या महालक्ष्मी या 29 वर्षीय महिलेचा मृतदेह शनिवारी येथे आढळून आला. तिच्या मृतदेहाचे 30 पेक्षा जास्त तुकडे करून रेफ्रिजरेटरमध्ये ठेवण्यात आले होते.
बंगळुरू पश्चिमचे अतिरिक्त पोलिस आयुक्त एन सतीश कुमार म्हणाले – ही घटना व्यालीकेवल पोलिस स्टेशन परिसरातील मल्लेश्वरम भागात घडली. हा खून 4-5 दिवसांपूर्वीच झाल्याचे दिसत आहे. श्वानपथक आणि फॉरेन्सिक तज्ज्ञांची टीमही दाखल झाली.
त्यांनी सांगितले की, महालक्ष्मी दुसऱ्या राज्यातील रहिवासी होती, तिची माहिती जाणून घेतली जात आहे. ती पतीपासून विभक्त झाल्याची माहिती मिळाली आहे. गेल्या 3 महिन्यांपासून येथे भाड्याने राहत होती. बंगळुरूमध्ये एका मॉलमध्ये काम करायचे.
तिचा नवरा शहरापासून दूर एका आश्रमात काम करतो. घटनेची माहिती मिळताच तेही घटनास्थळी पोहोचले. पोलिसांनी दिलेल्या माहितीनुसार, ओळखीच्या व्यक्तीने महिलेची हत्या केल्याचा संशय आहे. या प्रकरणाची चौकशी करण्यात येत आहे.
18 मे 2022 रोजी खून करून मृतदेहाचे 35 तुकडे करून फ्रीजमध्ये ठेवले होते
18 मे 2022 रोजी दिल्लीतील छतरपूर भागात राहणाऱ्या आफताबने त्याची लिव्ह-इन पार्टनर श्रद्धा वालकरची गळा आवळून हत्या केली. यानंतर श्रद्धाच्या मृतदेहाचे 35 तुकडे करून 300 लिटरच्या फ्रीजमध्ये ठेवण्यात आले.
आफताब हे तुकडे हळू हळू फेकत असे. रोज एक-दोन तुकडे तो जंगलात टाकायचा. दिल्ली पोलिसांनी त्याला 12 नोव्हेंबर 2022 रोजी अटक केली. या प्रकरणी 24 जानेवारी रोजी पोलिसांनी आफताबविरुद्ध 6,629 पानांचे आरोपपत्र दाखल केले.
तपासादरम्यान, दिल्ली पोलिसांनी आफताबची नार्को आणि पॉलीग्राफ चाचणी केली, ज्यामध्ये त्याने श्रद्धाची हत्या केल्याची कबुली दिली. पोलिसांनी या प्रकरणात दीडशेहून अधिक साक्षीदारांचे जबाब नोंदवले. पोलिसांनी आफताबच्या आवाजाचे नमुनेही रेकॉर्ड केले होते, सध्या हे प्रकरण न्यायालयात आहे.
An incident similar to the Shraddha Walker murder in Bangalore
महत्वाच्या बातम्या
- Narendra Modi अमेरिकेचे राष्ट्राध्यक्ष बायडेन यांनी पंतप्रधान मोदींचे केले जोरदार स्वागत
- Eknath Khadse : एकनाथ खडसे यांचे खुलासा, भाजप प्रवेशाचे गणपतीसह विसर्जन, मी आता राष्ट्रवादीतच राहणार!
- International Coastal Cleanup Day : आंतरराष्ट्रीय सागरी किनारा स्वच्छता दिनानिमित्त जुहू किनाऱ्यावर स्वच्छता अभियान
- Mohammed yunus : हिंदूंवरच्या अत्याचाराबाबत उत्तरे देण्याच्या भीतीपोटी मोहम्मद युनूस यांनी अमेरिकेत टाळली मोदींबरोबरची बैठक!!