अंमली पदार्थांच्या प्रकरणाचा तपास करणाऱ्या नार्कोटिक्स कंट्रोल ब्युरो (NCB)च्या टीमने गुरुवारी दुपारी 1 च्या सुमारास बॉलिवूड अभिनेता शाहरुखचे घर ‘मन्नत’ गाठले आणि आर्थर जेलमध्ये असलेल्या आर्यन खानशी संबंधित माहिती मागितली. शाहरुख खानच्या मॅनेजर पूजाला एनसीबीने मन्नतमध्ये नोटीस दिली आहे. या नोटीसमध्ये आर्यनच्या शिक्षणाशी संबंधित कागदपत्रे आणि इतर गोष्टी कुटुंबीयांकडून मागवण्यात आल्या आहेत. Aryan Khan Drug Case NCB Team Notice to Mannat Shahrukh Khan House, ananya pande summons
विशेष प्रतिनिधी
मुंबई : अंमली पदार्थांच्या प्रकरणाचा तपास करणाऱ्या नार्कोटिक्स कंट्रोल ब्युरो (NCB)च्या टीमने गुरुवारी दुपारी 1 च्या सुमारास बॉलिवूड अभिनेता शाहरुखचे घर ‘मन्नत’ गाठले आणि आर्थर जेलमध्ये असलेल्या आर्यन खानशी संबंधित माहिती मागितली. शाहरुख खानच्या मॅनेजर पूजाला एनसीबीने मन्नतमध्ये नोटीस दिली आहे. या नोटीसमध्ये आर्यनच्या शिक्षणाशी संबंधित कागदपत्रे आणि इतर गोष्टी कुटुंबीयांकडून मागवण्यात आल्या आहेत.
अनन्या पांडेच्या इलेक्ट्रॉनिक वस्तू एनसीबीच्या ताब्यात
एनसीबच्या टीमने गुरुवारी मुंबईतील अनन्या पांडेच्या घरावर छापा टाकला. तपास संस्थेने अनन्या पांडेला समन्स बजावले आहे. तिला आजच दुपारी 2 वाजता चौकशीसाठी बोलावण्यात आले आहे. एनसीबीने हे स्पष्ट केले नाही की, अनन्याला आरोपी म्हणून बोलावले की प्रत्यक्षदर्शी म्हणून चौकशीसाठी बोलावण्यात आले आहे.
एनसीबीच्या टीमने अनन्याच्या घरातून फोन, लॅपटॉप आणि इलेक्ट्रॉनिक उपकरणे जप्त केली आहेत. एनसीबीने या वस्तू त्यांच्यासोबत घेतल्या आहेत. अनन्या पांडे बॉलिवूड अभिनेता चंकी पांडेची मुलगी आहे.
आर्यनशी संबंधित माहितीसाठी मन्नतवर नोटीस
एनसीबीने मन्नतवर जाऊन आर्यनच्या वैद्यकीय इतिहासासह NCBला कोणतेही औषध घेतल्यास त्याचे प्रिस्क्रिप्शन देण्यास सांगितले आहे. याशिवाय परदेशात जिथे जिथे कागदपत्रे आहेत तेथून ती मागितली गेली आहेत.
एनसीबीचे वरिष्ठ अधिकारी व्ही.व्ही. सिंह आपल्या टीमसह आले होते. क्रूझ ड्रग्ज प्रकरणात शाहरुख खानचा मुलगा आर्यन खान आर्थर रोड जेलमध्ये आहे. सकाळीच शाहरुख खान आर्यन खानला भेटण्यासाठी आर्थर रोडवर पोहोचला होता. तो तेथे सुमारे 15 मिनिटे थांबला आणि नंतर माध्यमांशी न बोलता परतला.
तुरुंगातील एका अधिकाऱ्याने सांगितले की, शाहरुख खानने आपल्या मुलासोबत 15 ते 20 मिनिटे घालवली, दोघांमध्ये काच होती आणि ते ‘इंटरकॉम’ वर बोलले. संभाषणादरम्यान तेथे चार सुरक्षा कर्मचारी उपस्थित होते. अधिकाऱ्यांनी सांगितले की, अभिनेत्याला जेल मॅन्युअल अंतर्गत त्याच्या मुलाला भेटण्याची परवानगी देण्यात आली होती आणि त्याला कोणतीही विशेष सुविधा देण्यात आली नव्हती. शाहरुख तिथे पोहचला तेव्हा अनेक मीडियाकर्मी आणि स्थानिक लोक तुरुंगाबाहेर जमले होते. कारागृहाच्या बाहेर पोलिस कर्मचाऱ्यांची तैनातीही वाढवण्यात आली.
Aryan Khan Drug Case NCB Team Notice to Mannat Shahrukh Khan House, ananya pande summons
महत्त्वाच्या बातम्या
- बांगलादेशातील हिंदूंवरचे हल्ले “छोट्या घटना”; इंडियन कौन्सिल फॉर कल्चरल रिलेशन्सच्या महासंचालकांचे वादग्रस्त वक्तव्य
- मनी लाँडरिंग : जॅकलिन फर्नांडिस ईडी कार्यालयात पोहोचली , एजन्सीला पुन्हा विवरण नोंदवायचे आहे
- HISTORY CREATED : अबकी बार १०० करोड पार ! लसीकरणाचा उच्चांक! भारत लसीकरणात अव्वल १०० कोटी डोसने रचला इतिहास
- माजी गृहमंत्री, पोलिस आयुक्तांचे हनीमून कोठे सुरु ?, अमृता फडणवीस यांचा सवाल; सरकारवर हल्लाबोल