अखिल भारतीय मराठी साहित्य संमेलनाच्या व्यासपीठावरून देखील मुख्यमंत्री देवेंद्र फडणवीस यांनी आज आपले राजकारण साधून घेतले. एकीकडे त्यांनी महापालिका निवडणुकांमधली बंडखोरी शमविण्यासाठी फोन केले, तर दुसरीकडे त्यांनी मराठी सक्तीचे भाषण केले. साताऱ्यातल्या 99 व्या साहित्य संमेलनाचे उद्घाटन फडणवीस यांच्या भाषणाने गाजले.
भाजप नेते आणि माजी केंद्रीय मंत्री नारायण राणे यांनी शिवसेना नेते उद्धव ठाकरे आणि मनसे अध्यक्ष राज ठाकरे यांच्यावर जोरदार हल्लाबोल केला आहे. दोघं भाऊ आपलं अस्तित्व टिकवण्यासाठी एकत्र बोलत आहेत. पण सत्तेवर येण्याची ताकद त्यांच्यात नाही, असा टोला राणेंनी लगावला. उद्धव ठाकरे मुख्यमंत्री असताना त्यांनी राज्यासाठी काहीच केलं नाही, त्यांचं अस्तित्व संपत चाललंय आणि आता त्यांच्या हाती फक्त भाषणे उरली आहेत, अशी टीका करत राणेंनी ठाकरे बंधूंवर निशाणा साधला.
मी जरांगे पाटलांच्या विरोधात बोलले नाही. लोकसभा निवडणुकीतील माझ्या भाषणाचा विपर्यास केला गेला, असे विधान मंत्री पंकजा मुंडे यांनी केले आहे. त्या म्हणाल्या, मी जरांगे यांना देखील सांगू इच्छिते. आपल्या समाजामधील दरी मिटवूयात. जे गोपीनाथ मुंडेंचे व्यक्तिमत्व आहे तेच माझे व्यक्तिमत्त्व आहे, असेही मुंडे म्हणाल्या. परळी येथे आयोजित दीपावली स्नेह मिलन कार्यक्रमात त्या बोलत होत्या.
काँग्रेस अध्यक्ष आणि राज्यसभेतील विरोधी पक्षनेते मल्लिकार्जुन खरगे (८३) यांना मंगळवारी बंगळुरू येथील रुग्णालयात दाखल करण्यात आले. त्यांचे पुत्र आणि कर्नाटकचे मंत्री प्रियांक खरगे यांनी बुधवारी सांगितले.
उच्च व तंत्रशिक्षण मंत्री चंद्रकांत पाटील आणि राष्ट्रवादी कॉंग्रेस शरद पवार पक्षाचे नेते जयंत पाटील यांच्यात चांगलाच वाद पेटल्याचे दिसत आहे. मी फेकलेल्या टोप्या तुमच्या डोक्यावर कशा काय बसल्या? असे नाव न घेत चंद्रकांत पाटील यांनी जयंत पाटील यांना सवाल केला आहे. तर महसूलमंत्री असताना पुण्यातील 342 कोटींचा भूखंड घोटाळा कसा दाबला गेला? अशी विचारणा जयंत पाटील यांनी सोशल मीडियावर एक पोस्ट करत केली आहे.
बिहार निवडणुकीपूर्वी, काँग्रेस पक्षाने बुधवारी पाटणा येथे “अति पिछडा न्याय संकल्प योजना” सुरू केली. राहुल गांधी, विरोधी पक्षनेते तेजस्वी यादव, व्हीआयपी प्रमुख मुकेश साहनी आणि प्रमुख डावे नेते उपस्थित होते.
अमेरिकेचे अर्थमंत्री स्कॉट बेसंट यांनी युरोपीय देशांना भारत आणि चीनवर ५०% ते १००% पर्यंतचे कर लादण्याचे आवाहन केले आहे. त्यांनी सोमवारी ब्लूमबर्गला दिलेल्या मुलाखतीत हे सांगितले.
मंगळवारी अमेरिकेचे राष्ट्राध्यक्ष डोनाल्ड ट्रम्प पंतप्रधान मोदींना फोनवरून वाढदिवसाच्या शुभेच्छा देणारे पहिले व्यक्ती होते. पंतप्रधान मोदी आज ७५ वर्षांचे झाले आहेत. त्यांनी सांगितले की, ट्रम्प यांनी मंगळवारी रात्री १०:५३ वाजता त्यांना फोन केला. ट्रम्प यांनी रात्री ११:३० वाजता त्यांच्या सोशल मीडिया प्लॅटफॉर्म ट्रुथवर पंतप्रधानांशी झालेल्या संभाषणाची माहिती दिली.
पाकिस्तानचे उपपंतप्रधान आणि परराष्ट्रमंत्री इशाक दार यांनी भारत-पाकिस्तान युद्ध थांबवण्याचा डोनाल्ड ट्रम्प यांचा दावा फेटाळून लावला. मंगळवारी कतारमध्ये अल जझीराशी बोलताना त्यांनी पहिल्यांदाच कबूल केले की भारताने दोन्ही देशांमधील कोणत्याही तिसऱ्या पक्षाची मध्यस्थी कधीही स्वीकारलेली नाही.
केंद्रीय मंत्री नितीन गडकरी म्हणाले की, जात, भाषा आणि इतर गोष्टींच्या नावाखाली समाजात फूट पाडण्याचे प्रयत्न सुरू आहेत, जो चिंतेचा विषय आहे.मंगळवारी दिल्लीत एका पुस्तक प्रकाशन कार्यक्रमात गडकरी बोलत होते. यावेळी ते म्हणाले, आज मागासलेपणा हा राजकीय स्वार्थ बनत चालला आहे. प्रत्येकजण म्हणत आहे की मी मागास आहे. जाती आणि भाषेच्या नावाखाली समाजात फूट पाडण्याचे प्रयत्न केले जात आहेत. जेव्हा लोक एकजूट राहतील तेव्हाच देश प्रगती करेल आणि मजबूत होईल.
नेपाळच्या काळजीवाहू पंतप्रधान सुशीला कार्की यांनी मंत्रिमंडळासाठी जाहीर केलेल्या ३ नावांपैकी एकावरून वाद सुरू झाला आहे. पंतप्रधान कार्की यांनी ओम प्रकाश अर्याल यांना गृह आणि कायदा मंत्री, रामेश्वर प्रसाद खनाल यांना अर्थमंत्री आणि कुलमान घिसिंग यांना ऊर्जामंत्री नियुक्त केले.
राष्ट्रवादी काँग्रेस पार्टी शरदचंद्र पवार पक्षाचे अध्यक्ष शरद पवार हे शेतकऱ्यांच्या अश्रूंवर राजकारण करत असल्याची तिखट टीका भाजपने केली आहे. शरद पवार आता शेतकऱ्यांच्या अश्रूंवर राजकारण करत आहेत. पण इतिहासात डोकावले, तर त्यांच्या सत्तेच्या काळात आत्महत्या केलेल्या अनेक शेतकऱ्यांचे आत्मे त्यांना प्रश्न विचारताना दिसतील, असे भाजपने म्हटले आहे.
महाराष्ट्रात सध्या आरक्षणाचा मुद्दा चांगलाच गाजत आहे. मराठा समाजाच्या आरक्षणाच्या मागणीला राज्य सरकारने मंजूरी दिल्यानंतर इतर समाजाने विरोध करत हैदराबाद गॅझेट प्रमाणे आम्हालाही या प्रवर्गात घेऊन आरक्षण द्यावे, अशी मागणी केली आहे. मराठा समाजाला हैदराबाद गॅझेट प्रमाणे आरक्षण दिले जाणार आहे, परंतु या गॅझेटमध्ये बंजारा समाजाचा उल्लेख आदिवासी असा आहे, त्यामुळे आता बंजारा समाज देखील आक्रमक झाला आहे, आमचा समावेश हा आदिवासींमध्ये अर्थात एसटी प्रवर्गात करावा अशी मागणी या समाजाची आहे, तर दुसरीकडे आदिवासी समाजामधून मात्र या मागणीला जोरदार विरोध होत आहे.
चीनच्या १० दिवसांच्या दौऱ्यावर असलेले पाकिस्तानचे राष्ट्राध्यक्ष आसिफ अली झरदारी यांनी रविवारी चेंगडू येथील चीनच्या एव्हिएशन इंडस्ट्री कॉम्प्लेक्सला भेट दिली. पाकिस्तानी वृत्तपत्र द डॉननुसार, या ठिकाणी भेट देणारे झरदारी हे पहिले परदेशी राष्ट्रप्रमुख आहेत. त्यांचा मुलगा बिलावल भुट्टो झरदारी आणि मुलगी आसिफा भुट्टो-झरदारी देखील यावेळी उपस्थित होते.
आज, कतारची राजधानी दोहा येथे इस्रायलविरुद्ध एका विशेष बैठकीसाठी ५० मुस्लिम देशांचे नेते जमले आहेत. ही बैठक अरब लीग आणि इस्लामिक सहकार्य संघटना (ओआयसी) यांनी बोलावली आहे. ९ सप्टेंबर रोजी कतारवर झालेल्या इस्रायली हल्ल्याला प्रत्युत्तर देणे हा त्याचा उद्देश आहे. या हल्ल्यात ५ हमास सदस्य आणि एक कतारी सुरक्षा अधिकारी ठार झाला.
पंतप्रधान नरेंद्र मोदी यांनी सोमवार, १५ सप्टेंबर रोजी बिहारसाठी ४०,००० कोटी रुपयांच्या प्रकल्पांचे उद्घाटन केले. त्यांनी पूर्णिया विमानतळाच्या नवीन टर्मिनल इमारतीचे उद्घाटन केले.
ब्रिटिश कोस्ट गार्ड व पेट्रोलिंग टीम इंग्लिश चॅनलवर घुसखोरांची बोट पकडताच हँडलरच्या सूचनेनुसार ते आत्मसमर्पण करतात. या सर्व घुसखोरांना गृह मंत्रालयाच्या पहिल्या न्यायाधिकरण न्यायालयासमोर हजर होतात. कागदपत्रांच्या पूर्ततेनंतर घुसखोरांना बेकायदेशीर निर्वासितांचा दर्जा मिळतो. बेकायदेशीर निर्वासितांना हॉटेल, वसतिगृहे किंवा इतर ठिकाणी ठेवले जाते. त्यांना मोफत जेवण आणि राहण्याची सुविधा मिळते.
निष्क्रिय असलेल्या राजकीय पक्षांद्वारे करचोरी आणि मनी लाँडरिंग हा एक गंभीर मुद्दा आहे, असे सर्वोच्च न्यायालयाने म्हटले आहे. हे लोकशाही आणि निवडणूक प्रक्रियेच्या पावित्र्याशी थेट संबंधित आहे.
माजी मुख्य निवडणूक आयुक्त एस.वाय. कुरेशी यांनी रविवारी निवडणूक आयोगावर तीव्र टीका केली आणि म्हटले की, त्यांनी काँग्रेस नेते आणि लोकसभेतील विरोधी पक्षनेते राहुल गांधी यांच्याविरुद्ध “आक्षेपार्ह आणि अपमानास्पद” भाषा वापरण्याऐवजी “मतचोरीच्या” आरोपांची चौकशी करायला हवी होती.
भाजप युवा मोर्चा (BJYM) ने बेगुसराय येथे युवा शंखनाद कार्यक्रमाचे आयोजन केले आहे. कनकौल येथील ऑडिटोरियम कम आर्ट गॅलरीत हा कार्यक्रम आयोजित करण्यात आला होता. यावेळी बिहारचे उपमुख्यमंत्री सम्राट चौधरी, केंद्रीय मंत्री गिरीराज सिंह, युवा मोर्चाचे प्रदेशाध्यक्ष भारतेंदू मिश्रा यांनी युवकांना संबोधित केले.
भारत–पाक सामन्याविरोधात आंदोलन करायचे असेल तर आधी आपल्या पक्षातील मिलिंद नार्वेकरांना क्रिकेट समितीतून पायउतार करा. राष्ट्रवाद दाखवायचा असेल तर सुरुवात घरापासून करा. पण उद्धव ठाकरेंमध्ये ती हिंमत नाही. ते स्वतःच्या लोकांवर बोट ठेवणार नाहीत आणि ढोंगी आंदोलन करणार आहेत, असे म्हणत भाजप प्रवक्ते नवनाथ बन यांनी त्यांच्यावर टीका केली आहे.
राज्यात सध्या मराठा आणि ओबीसी आरक्षणावरून वाद सुरू आहे. मनोज जरांगेंच्या आंदोलनानंतर सरकारने हैदराबाद गॅझेट लागू करण्याचा जीआर जारी केला. मात्र, याला ओबीसी संघटनांचा तीव्र विरोध आहे. यामुळे ओबीसी आरक्षण संपुष्टात येईल, असा दावा ओबीसी संघटनांकडून करण्यात येत आहे. आता या वादावर राष्ट्रवादी काँग्रेसचे अध्यक्ष शरद पवार यांनी आपली भूमिका स्पष्ट केली आहे. सरकारने एका जातीची समिती न करता, सर्वसमावेशक समिती तयार करावी, असे मत त्यांनी व्यक्त केले. “सरकार कोणत्याही एका जाती-धर्माचे नाही, ते सर्वांचे असायला हवे,” असेही शरद पवार म्हणालेत.
ओबीसींच्या आरक्षणाला धक्का न लावता मराठा आरक्षण मिळावे, ही आमच्या नेत्यांची भूमिका आहे. हैदराबाद गॅझेट लागू झाल्यानंतर सहा महिन्यांनी लोकांना कळेल की काय मिळालं? मराठा ओबीसी वाद पेटवण्याचा प्रयत्न करण्यात आला. ओबीसींच्या आरक्षणाला धक्का लागू नये , ही भूमिका आम्ही व्यासपीठावरून जाहीर करतो, असे शरद पवार गटाचे आमदार जितेंद्र आव्हाड यांनी म्हटले आहे.
राज्यसभेचे सदस्य आणि विशेष सरकारी वकील अशी दुहेरी जबाबदारी स्वीकारलेल्या प्रसिद्ध विधिज्ञ उज्ज्वल निकम यांच्याविरोधात आता कायदेशीर पातळीवर प्रश्नचिन्ह उपस्थित झाले आहे. पक्षकार संघ या संस्थेचे सचिव मनीष देशपांडे यांनी ॲड. असीम सरोदे, ॲड. श्रेया आवले आणि ॲड. रोहित टिळेकर यांच्या माध्यमातून निकम यांच्या नियुक्ती वर आक्षेप घेत, केंद्र आणि राज्य शासनाकडे तातडीने घटनात्मक स्पष्टीकरण व कारवाईची मागणी करणारी नोटीस पाठवली आहे.
विरोधी पक्ष भरकटलेल्या अवस्थेत आहे. संसदेचे अधिवेशन सुरू असताना विरोधी पक्षनेते तिथे नसतात. स्वातंत्र्य दिनाच्या समारंभात ते नसतात. नुकत्याच झालेल्या उपराष्ट्रपतींच्या शपथविधी सोहळ्याला विरोधी पक्षनेते राहुल गांधी यांनी दांडी मारली. १० वर्षे विरोधी पक्षनेतेपद रिकामे होते. या वेळी त्यांना विरोधी पक्ष होण्याची संधी मिळाली. मात्र ते देशाला गरज असते तिथे उपस्थित नसतात. भारताचा विरोध करण्यासाठी मात्र राहुल गांधी आघाडीवर असतात, अशी टीका माजी केंद्रीय मंत्री अनुराग ठाकूर यांनी केली.