वृत्तसंस्था
कोलकाता : पश्चिम बंगालच्या मुख्यमंत्री ममता बॅनर्जी यांनी राज्य जिंकल्यानंतर आपली लोकप्रिय घोषणा खेला होबे हिचा वापर देशभर करायचा निर्णय घेतला आहे. 16 ऑगस्ट रोजी पश्चिम बंगाल बरोबरच उत्तर प्रदेश, पंजाब, कर्नाटक, हरियाणा, दिल्ली, गुजरात या राज्यांमध्येही खेला होबे दिवस पाळण्यात येणार आहे. ममता बॅनर्जी यांची राष्ट्रीय महत्त्वाकांक्षा जाहीर करण्यासाठी हा दिवस साजरा करण्यात येईल. तृणमूल काँग्रेसचे खासदार मदन मित्रा यांनी ही घोषणा केली आहे. West Bengal Chief Minister Mamata Banerjee will play her popular slogan after winning the state
एकीकडे ममता बॅनर्जी या खेला होबे दिवसाच्या निमित्ताने पश्चिम बंगालमधून बाहेर पडून देशभर आपल्या नावाचा डंका वाजवणार असतानाच दुसरीकडे
भाजपचे 4 केंद्रीय मंत्री मात्र पश्चिम बंगालमध्ये जाऊन शहीद यात्रा काढणार आहेत.
राज्यातील निवडणुकीदरम्यान 55 भाजप कार्यकर्त्यांची हत्या झाली.या भाजप कार्यकर्त्यांच्या कुटुंबियांना शंतनू ठाकूर, जॉन बार्ला, निशिथ प्रामाणिक आणि सुभाष सरकार हे 4 मंत्री आणि भाजपचे त्यांच्याबरोबरचे कार्यकर्ते स्वतः जाऊन भेटणार आहेत. त्यांना मदत देणार आहेत. त्याचबरोबर या शहिदांच्या गावातील घरांभोवतीच्या परिसरातील नागरिकांशी विशेष संवाद साधणार आहेत.
या शहीद यात्रेतून पश्चिम बंगालमधल्या भाजप कार्यकर्त्यांचे मनोधैर्य वाढविण्याचा या चारही मंत्र्यांचा प्रयत्न आहे. भाजपचे प्रदेशाध्यक्ष दिलीप घोष यांनी ही घोषणा केली आहे.
मोदी सरकार मधले 20 मंत्री 250 हून अधिक लोकसभा मतदारसंघांमध्ये जनसंपर्क यात्रा काढणार आहेतच. परंतु पश्चिम बंगालमध्ये केंद्रीय मंत्र्यांच्या यात्रेला निवडणूक हिंसाचाराचे पार्श्वभूमी आहे. त्यामुळे आक्रमक ममतांना तितकेच आक्रमक उत्तर देण्याचा भाजपच्या केंद्रीय मंत्र्यांचा मनसुबा स्पष्ट दिसतो आहे.
West Bengal Chief Minister Mamata Banerjee will play her popular slogan after winning the state
महत्त्वाच्या बातम्या
- अर्थव्यवस्थेत सुधारणांचे संकेत : किरकोळ महागाई जुलैमध्ये ५.५९%, तीन महिन्यांतील सर्वात कमी; औद्योगिक उत्पादनही वाढले
- Share Market : 55 हजारी झाले सेन्सेक्स, अर्थव्यवस्था मजबुतीच्या संकेतांमुळे गुंतवणूकदारांत उत्साह
- मुंबईत डेल्टा प्लस प्रकारामुळे पहिला मृत्यू, संपर्कात आलेले इतर दोन जणही पॉझिटिव्ह, आतापर्यंत 7 रुग्णांची नोंद
- आता राहुल गांधींची फेसबुक आणि इन्स्टाग्राम खातीही लॉक होणार? राष्ट्रीय बाल हक्क संरक्षण आयोगाची मागणी
- ऑक्सफोर्ड लसीमुळे रक्त गोठणे अत्यंत धोकादायक आणि प्राणघातक, नव्या संशोधनात दावा