संकटमोचक ! वाढदिवस गडकरींचा अन् ‘गिफ्ट’ देशाला ; जेनेटिक लाईफ सायन्स-वर्धा येथे ब्लॅक फंगसवरील औषध निर्मिती ; केवळ १२०० मध्ये मिळणार औषध

---

विशेष प्रतिनिधी

वर्धा: राज्यासह देशावर कोरोनाचं संकट असताना त्यात म्युकर मायकोसिसची भर पडली. म्युकर मायकोसिसच्या रुग्णांचा आकडा दिवसागणिक वाढत आहे .म्युकर मायकोसिस म्हणजे  ब्लॅक फंगसच्या रुग्णसंख्येमध्ये भर पडत असताना त्याच्यावर मिळणाऱ्या इंजेक्शनचा तुटवडा मोठ्या प्रमाणात निर्माण होतोय. अशा वेळी वर्ध्याच्या जेनेटिक लाईफ सायन्सने ब्लॅक फंगसवरील उपयोगी Amphotericin B Emulsion या इंजेक्शनचे उत्पादन सुरु केलं असून सोमवारपासून त्याचं वितरण करणार असल्याचं स्पष्ट केलंय. केंद्रीय मंत्री नितीन गडकरी यांच्या प्रयत्नानंतर या कंपनीला या उत्पादनाची परवानगी मिळाली होती.Troubleshooter! Gadkari’s birthday ‘gift’ to the country; Genetic Life Science-Wardha’s drug production on black fungus

सध्याच्या घडीला देशातील केवळ एकच कंपनी Amphotericin B Emulsion इंजेक्शनची निर्मिती करत होती. त्यानंतर आता जेनेटेक लाईफ सायन्सेस ही या इंजेक्शनची निर्मिती करणारी दुसरी कंपनी ठरली आहे.

यामुळे इंजेक्शनची टंचाई दूर होईल आणि रुग्णांच्या नातेवाईकांची धावाधाव होणार नाही. सध्या बाजारात Amphotericin B Emulsion इंजेक्शनची कमतरता आहे.

एका इंजेक्शनसाठी ७ हजार रुपये मोजावे लागतात. मात्र जेनेटेक लाईफ सायन्सेसनं तयार केलेल्या इंजेक्शनची किंमत १२०० रुपये असणार आहे. सोमवारपासून इंजेक्शनचं वितरण सुरू होईल.

Troubleshooter! Gadkari’s birthday ‘gift’ to the country; Genetic Life Science-Wardha’s drug production on black fungus