- महाराष्ट्राच्या मानवाधिकार आयोगाचा बडगा
विशेष प्रतिनिधी
मुंबई : अभिनेत्री कंगना राणावतची मालमत्ता पाडल्या प्रकरणी महाराष्ट्राच्या मानवाधिकार आयोगाने बृहन्मुंबई महापालिकेचे आयुक्त इक्बाल चहल यांना समन्स बजावले आहे. Kangana’s property Summons to Commissioner Iqbal Chahal
बृहन्मुंबई महापालिकेने कंगना राणावत यांच्या पाली हिल कार्यालयाचा एक भाग सप्टेंबरमध्ये पाडला होता.नोटीस बजावल्यानंतर कार्यालयाच्या आतील बांधकाम बेकायदा असल्याचे म्हटले होते. त्यानंतर कंगनाने मुंबई उच्च न्यायालयात 2 कोटी रुपयांच्या नुकसान भरपाईसाठी खटला दाखल केला होता.
आता, महाराष्ट्र मानवाधिकार आयोगाने कंगनाची मालमत्ता विध्वंस केल्या प्रकरणात बृहन्मुंबई महापालिका आयुक्त इक्बाल चहल यांना 20 जानेवारी 2021 रोजी हजर होण्यास सांगितले आहे.
वकिलांनी महाराष्ट्र मानवाधिकार आयोगाकडे याचिका दाखल केली आहे. विध्वंस प्रकरणात तत्पूर्वी, मुंबई उच्च न्यायालयाने महापालिकेच्या विध्वंस आदेशास ‘आकसयुक्त’ म्हटले होते.
Kangana’s property Summons to Commissioner Iqbal Chahal
मुंबई उच्च न्यायालयाने स्थगितीचे आदेश दिल्यानंतर सप्टेंबरमध्ये कंगनाच्या पाली हिल कार्यालयावरील विध्वंस मोहीम रखडली होती. मुख्यमंत्री उद्धव ठाकरे यांच्यावर कंगनाने टीका केली आणि सुशांतसिंग राजपूत यांच्या निधनाबद्दल शिवसेनेचे खासदार संजय राऊत यांच्याशी वाद-विवाद झाल्यावर कारवाईचे हे पाऊल उचलले होते.