Hunger And Drought In Afghanistan : अफगाणिस्तान आजवरच्या सर्वात भीषण अन्न संकटाचा सामना करत आहे. आतापर्यंत लोक अन्न विकत घेण्यासाठी आपली मालमत्ता आणि जनावरे विकून कसेबसे दिवस काढत होते, परंतु देशाची दुर्दशा आणि दुष्काळामुळे त्यांना आता पोट भरण्यासाठी पोटच्या मुलीही विकाव्या लागत आहेत. आंतरराष्ट्रीय मीडिया रिपोर्ट्सनुसार, अनेक पालकांना तालिबानी राजवट, दुष्काळ आणि कोरोनामुळे अफगाणिस्तानच्या बिघडलेल्या परिस्थितीत आपल्या मुलींना विकायला भाग पाडले आहे. Hunger And Drought In Afghanistan, People Sell Daughters To Survive, UN Warns Of Food Crisis
वृत्तसंस्था
काबूल : अफगाणिस्तान आजवरच्या सर्वात भीषण अन्न संकटाचा सामना करत आहे. आतापर्यंत लोक अन्न विकत घेण्यासाठी आपली मालमत्ता आणि जनावरे विकून कसेबसे दिवस काढत होते, परंतु देशाची दुर्दशा आणि दुष्काळामुळे त्यांना आता पोट भरण्यासाठी पोटच्या मुलीही विकाव्या लागत आहेत. आंतरराष्ट्रीय मीडिया रिपोर्ट्सनुसार, अनेक पालकांना तालिबानी राजवट, दुष्काळ आणि कोरोनामुळे अफगाणिस्तानच्या बिघडलेल्या परिस्थितीत आपल्या मुलींना विकायला भाग पाडले आहे.
उपासमारीने त्रस्त असलेले लोक लग्नासाठी आठ ते दहा वर्षांपर्यंतच्या मुलींना विकत आहेत. सोमवारीच, जागतिक अन्न कार्यक्रमाने असा इशारा दिला की, अफगाणिस्तानच्या निम्म्याहून अधिक लोकसंख्या किंवा सुमारे 25 दशलक्ष लोकांना पुढील महिन्यात नोव्हेंबरपासून तीव्र उपासमार सहन करावी लागेल.
बालविवाह वाढले
अफगाणिस्तानमध्ये शतकानुशतके बालविवाह प्रचलित आहे, परंतु तणावग्रस्त देशातील हिंसाचार आणि गरिबीमुळे अनेक कुटुंबांना आधीच लग्न झालेल्या मुलींना विकायला भाग पाडले आहे, जेणेकरून ते काही दिवस त्यांच्या खाण्यापिण्याची व्यवस्था करू शकतील.
लोकांना वाचवण्यासाठी प्रयत्नांचे आवाहन
20 वर्षांच्या गृहयुद्धातून सावरण्यासाठी आधीच संघर्ष करत असलेल्या लोकांसाठी दुष्काळाचे संकट मोठे असल्याने तीव्र भुकेला तोंड देत असलेल्या लोकांसमोरील आव्हाने वाढली आहेत. त्यांच्याकडे आता खायला काहीच उरले नाही. देशाच्या पश्चिमेला, हजारो गरीब कुटुंबांनी आधीच त्यांच्या मालकीचे सर्व काही विकले आहे आणि मोठ्या शहरांमधील तात्पुरत्या छावण्यांमध्ये निवारा आणि मदतीच्या शोधात पळ काढला आहे. मानवतावादी संकटाबद्दल विचारले असता, तालिबानचे प्रवक्ते जबिहुल्ला मुजाहिद यांनी रविवारी एका आंतरराष्ट्रीय एजन्सीला सांगितले: “आम्ही सध्याच्या परिस्थितीतून आमच्या लोकांना मदत करण्याचा प्रयत्न करीत आहोत. जागतिक मानवतावादी मदत देखील आमच्यापर्यंत पोहोचू लागली आहे.”
जागतिक अन्न कार्यक्रमाचा इशारा
जागतिक अन्न कार्यक्रमाचे (WFP)कार्यकारी संचालक डेव्हिड बीसले यांनी एका निवेदनात म्हटले आहे की, “या हिवाळ्यात लाखो अफगाण लोकांना उपासमारीच्या संकटाला किंवा स्थलांतराला भाग पाडले जाईल. त्यांच्या मते, हे संकट येमेन किंवा सीरिया आणि काँगोच्या अन्न संकटापेक्षा मोठे आहे. अफगाणिस्तान सध्या जगातील सर्वात वाईट मानवतावादी संकटाचा सामना करत आहे, कारण अन्न सुरक्षा पूर्णपणे कोलमडली आहे.”
WFP आणि UN फूड अँड अॅग्रीकल्चर ऑर्गनायझेशन (FAO) यांनी जारी केलेल्या निवेदनानुसार, दोन अफगाणांपैकी एकाला अन्न संकट किंवा आपत्कालीन कमतरता भेडसावत आहे. FAO ने अफगाणिस्तानसाठी तत्काळ $11.4 दशलक्ष आणि 2022 च्या कृषी हंगामासाठी आणखी $200 दशलक्ष मदतीची मागणी केली आहे.
Hunger And Drought In Afghanistan, People Sell Daughters To Survive, UN Warns Of Food Crisis
महत्त्वाच्या बातम्या
- क्रूझ ड्रग्ज प्रकरण : आर्यनच्या जामिनावरील सुनावणी सलग दुसऱ्या दिवशी पुढे ढकलली, उद्या दुपारी अडीच वाजता एनसीबी मांडणार आपली बाजू
- एनडीपीएस कायद्यातील तरतुदींना सर्वोच्च न्यायालयात आव्हान, याचिकाकर्ते म्हणाले- तरुणांना अडकवण्याऐवजी त्यांना सुधारण्यावर भर द्यावा!
- जलयुक्त शिवार : चांगल्या योजनेला आघाडी सरकारने बदनाम केलं., सरकारने शेतकऱ्यांची माफी मागावी – केशव उपाध्ये
- जलयुक्त शिवारला बदनाम करणाऱ्यांचेच दात घशात गेले; आमदार आशिष शेलार यांचा टोला
- एसटी कर्मचाऱ्यांच्या वेतनासाठी ११२ कोटींचा निधी; उपमुख्यमंत्री अजित पवार यांच्या निर्णयाने एसटी कर्मचाऱ्यांची दिवाळी गोड