• Download App
    कोरोनाची लक्षणे असल्यास उपचारात हयगय नको, उच्च न्यायालयाचा राज्य सरकारला आदेश High court orders govt. regarding corona

    कोरोनाची लक्षणे असल्यास उपचारात हयगय नको, उच्च न्यायालयाचा राज्य सरकारला आदेश

    विशेष प्रतिनिधी

    मुंबई – कोरोना संबंधित आरटीपीसीआर चाचणी नकारात्मक आली तरी जर कोरोनाची लक्षणे रुग्णांमध्ये असतील, तर त्याची दखल घेऊन त्यांच्या उपचारात हयगय करू नये, असा आदेश मुंबई उच्च न्यायालयाने राज्य सरकारला दिला. High court orders govt. regarding corona

    अनेक रुग्णांची आरटीपीसीआर चाचणी केली असता, त्याचा अहवाल नकारात्मक येत आहे; पण त्या रुग्णांमध्ये कोरोनाची संभाव्य लक्षणे आढळली असतात. अशा वेळी काही रुग्णालये रुग्णांना दाखल करण्यास नकार देतात; मात्र यामुळे रुग्णांना उपचार मिळण्यासाठी विलंब होतो आणि संसर्गही वाढतो, असे निदर्शनास आणणारी जनहित याचिका वकील विल्सन जयस्वाल यांनी केली आहे. मुख्य न्या. दीपांकर दत्ता आणि न्या. गिरीश कुलकर्णी यांच्या खंडपीठापुढे याचिकेवर नुकतीच सुनावणी झाली.



    राज्य सरकारने १७ मे रोजी शासकीय अध्यादेश जारी केला असून सर्व संशयित रुग्णांवरही उपचार करण्याचे निर्देश दिले आहेत. या अध्यादेशाची अंमलबजावणी काटेकोर आणि गंभीरपूर्वक करा, असे निर्देश न्यायालयाने दिले. लक्षणे असलेल्या पण वैद्यकीय चाचणी नसलेल्या व्यक्तीवर उपचार करणे कोणत्याही कारणांमुळे टाळता कामा नये, असे न्यायालयाने स्पष्ट केले. याचिकादार वकिलाने एका प्रसंगावरून तातडीने याचिका दाखल केल्याबद्दल खंडपीठाने कौतुक केले. अशा घटना डोळे उघडण्यासाठी महत्त्वपूर्ण ठरतात, असे न्यायालय म्हणाले.

    High court orders govt. regarding corona

    महत्त्वाच्या बातम्या

    Related posts

    RSS Chief Mohan Bhagwat : सरसंघचालक म्हणाले- भाजप-RSS मध्ये कोणताही वाद नाही; आम्ही सरकारसाठी निर्णय घेत नाही, फक्त सल्ला देतो

    PM SVANidhi : PM स्वनिधी योजनेची मुदत 31 मार्च 2030 पर्यंत वाढवली; कर्जाची रक्कमही ₹15,000 पर्यंत वाढली

    Supreme Court : केंद्राने म्हटले- राज्ये सुप्रीम कोर्टात रिट याचिका दाखल करू शकत नाहीत; राष्ट्रपती-राज्यपाल यांच्या निर्णयांसाठी न्यायालये जबाबदार नाही