महाराष्ट्रातल्या नगरपालिकांच्या निवडणुका अशा टप्प्याच्या वळणावर आल्या आहेत, की जिथून 2 डिसेंबर या तारखे नंतर राज्यात “राजकीय भूकंप” होण्याचे पतंग उडू लागले आहेत. ज्या “पवार बुद्धीच्या” माध्यमांना महाराष्ट्रातले फडणवीस सरकार अमान्य आहे, त्यांनीच या पतंगांना मोठी हवा देऊन ते उंच उंच हवेत उडवले आहेत.Eknath Shinde will not follow Sharad Pawar like uddav Thackrey
त्यासाठी त्यांनी शरद पवारांच्या राष्ट्रवादीतल्या नेत्यांनी केलेल्या वक्तव्यांचा आणि भाजपचे प्रदेशाध्यक्ष रवींद्र चव्हाण यांनी केलेल्या वक्तव्याचा हवाला दिला आहे. जी वक्तव्ये राजकीय दृष्ट्या पोकळ आहेत आणि ज्यांनी ती वक्तव्ये केली, ते नेते निर्णय प्रक्रियेत दुय्यम आणि तिय्यम स्थानावर आहेत. पण याच नेत्यांच्या वक्तव्यांमध्ये फार मोठे राजकीय गर्भित अर्थ भरलेत असा “पवार बुद्धीच्या” मराठी माध्यमांनी आणला आहे.
नगरपालिका आणि नगरपंचायतींच्या निवडणुका सर्वच पक्षांनी वेगवेगळ्या लढवून आपापल्या कार्यकर्त्यांचे समाधान करायचा प्रयत्न केला आहे. त्यामुळे स्थानिक सोयीनुसार महायुती आणि महाविकास आघाडी पुरती विस्कटली आहे. कुठल्याही पक्षाने कुठल्याही पक्षाशी युती किंवा आघाडी करून आपला प्रभाव गावात वाढला पाहिजे यासाठी डावपेच खेळले आहेत. पण त्यापलीकडे या स्थानिक आघाडी किंवा युती यांना कुठलेही महत्त्व नाही, पण तसे नसताना सुद्धा ते विशिष्ट महत्त्व “चढवून” आणि “वाढवून” महाराष्ट्राच्या राजकारणावर दोन तारखेनंतर मोठा परिणाम होऊन एक वेगळीच आघाडी अस्तित्वात येईल, असा दावा “पवार बुद्धीच्या” मराठी माध्यमांनी चालविला आहे.
– एकनाथ शिंदेंवर दोरी टाकायचा प्रयोग
यात सरळ सरळ एकनाथ शिंदे यांच्यावर दोरी टाकायचा प्रयोग आहे. एकनाथ शिंदे म्हणे नाराज होते आणि आहेत म्हणून ते अमित शाहांना भेटले त्यांनी देवेंद्र फडणवीस आणि विशेषतः रवींद्र चव्हाण विषयी अमित शाह यांच्याकडे तक्रार केली. अमित शाह म्हणे त्यावेळी हसले आणि त्यांनी एकनाथ शिंदे यांना देवेंद्र फडणवीस यांच्याशी बोलून पक्ष फोडाफोडीचा विषय मिटवावा, असे सांगितले. अशा बातम्या वेगवेगळ्या सूत्रांच्या हवाल्यांनी मराठी माध्यमांनी दिल्या, पण यापैकी एकही बातमी अमित शाह यांनी कन्फर्म केली नाही. कारण मराठी माध्यमांच्या कुठल्याही प्रतिनिधींची अमित शहा यांच्यापर्यंत पोहोचत नाही त्यांनी फक्त एकनाथ शिंदे यांची प्रतिक्रिया घेऊन त्याचे वेगवेगळे अन्वयार्थ लावायचा प्रयत्न केला आणि त्याचाच निष्कर्ष म्हणून एकनाथ शिंदे महायुती पासून बाजूला होतील आणि बाकीच्यांच्या सहाय्याने मुख्यमंत्री पदावर विराजमान होतील, असा दावा केला जात आहे.
– शिंदेंचे पद त्यांच्या मर्जीवर अवलंबून नाही
पण या सगळ्यांमध्ये एक अत्यंत महत्त्वाचा मुद्दा बाजूला पडलाय तो म्हणजे स्वतः एकनाथ शिंदे नाराज असोत किंवा नसोत, त्यांना मुख्यमंत्री पद हवे असो किंवा नसो ही गोष्ट खुद्द त्यांच्याच मर्जीवर अवलंबून आहे का??, तर या सवालाचे उत्तर “नाही” असे आहे. म्हणजेच एकनाथ शिंदे यांना मुख्यमंत्री पद मिळणे हे फक्त एकनाथ शिंदे यांच्या मर्जीवर अवलंबून नाही. खरंतर ते महाराष्ट्रातल्या बाकी कुठल्याही नेत्याच्या मर्जीवर अवलंबून नाही. अगदी शरद पवारांनी एकनाथ शिंदे यांना नादी लावले तरीसुद्धा शरद पवार त्यांच्या वैयक्तिक इच्छेनुसार एकनाथ शिंदे यांना मुख्यमंत्री पदाच्या खुर्चीवर बसवू शकत नाहीत. कारण तेवढी शरद पवारांची किंवा बाकीच्या कुठल्याही पक्षाच्या नेत्यांची राजकीय आणि संख्यात्मक ताकदच नाही. एकनाथ शिंदे यांना उपमुख्यमंत्री ठेवायचे की मुख्यमंत्रीपदावर बसवायचे हे सर्वस्वी मोदी आणि शाह यांच्या मर्जीवर अवलंबून आहे. तिथे देवेंद्र फडणवीस यांच्यासारख्या महाराष्ट्रातल्या पहिल्या फळीतल्या नेत्याची किंवा रवींद्र चव्हाण त्यांच्यासारख्या महाराष्ट्रातल्या दुसऱ्या फळीतल्या नेत्याची इच्छा किंवा मर्जी चालायचा संबंधच नाही.
– एकनाथ शिंदे पवारांच्या नादी लागतील का??
शिवाय एकनाथ शिंदे यांचा एकूण राजकीय अनुभव लक्षात घेता ते महायुतीतून स्वतःहून बाजूला होण्याचा राजकीय दृष्ट्या वेगळ निर्णय घेण्याची सुतराम शक्यता नाही. कारण पवारांच्या नादी लागून उद्धव ठाकरेंचे काय झाले, किंबहुना त्यांनीच उद्धव ठाकरेंचे काय करून ठेवले??, हे एकनाथ शिंदे यांना पुरते माहिती आहे. पवारांच्या नादी लागल्यावर त्या व्यक्तीला अगदी सुरुवातीला आपण हवेत गेल्यासारखे वाटते, पण नंतर तीच व्यक्ती धुळीस मिळते हे राजकीय वास्तव एकनाथ शिंदे यांना डोळ्यासमोर दिसले आहे. एवढे दिसून सुद्धा जर एकनाथ शिंदे शरद पवारांच्या नादी लागले तर तो त्यांचा राजकीय वेडपटपणाचा निर्णय ठरेल. तसा निर्णय एकनाथ शिंदे घेण्याची सध्यातरी सुतराम शक्यता नाही. कारण शिंदे हे त्यांच्या पक्षापुरते स्वतःच्या मर्जीने चालणारे नेते असले, तरी ते महाराष्ट्राच्या राजकारणात मोदी आणि शाह यांच्या मर्जीने चालणारे नेते आहेत हे राजकीय वास्तव विसरून चालणार नाही.
Eknath Shinde will not follow Sharad Pawar like uddav Thackrey
महत्वाच्या बातम्या
- ठाकरे बंधूंची शिवतीर्थावर चर्चा, माध्यमांनी उडविले पतंग; संदीप देशपांडेंनी काटली कन्नी!!
- SIR Duty BLO : 22 दिवसांत 7 राज्यांमध्ये 25 बीएलओंचा मृत्यू; मध्य प्रदेशात सर्वाधिक 9 लोकांचा बळी गेला
- Supreme Court : ऑनलाइन गेमिंग नियमनावर केंद्राचे सर्वोच्च न्यायालयात उत्तर; म्हटले – मनी गेमिंग ॲप्सचा टेरर फायनान्सशी संबंध
- हातात लाल पुस्तक नाचवणे म्हणजे संविधानाचे रक्षण नाही; राहुल गांधींवर वंचित बहुजन आघाडीचे टीकास्त्र