विशेष प्रतिनिधी
तिरुअनंतपूरम : केरळमध्ये कोरोनाचे रुग्ण वाढलेले असताना शबरीमला मंदिर पाच दिवसांसाठी खुले करण्यात आले. पारंपरिक मासिक विधीसाठी शबरीमला मंदिर सुरू केल्याचे प्रशासनाने म्हटले आहे. हे मंदिर १७ जुलै ते २१ जुलैपर्यंत खुले राहणार आहे.shabarimala temple opens
दररोज कमाल ५ हजार लोकांना प्रवेश दिला जाणार आहे. तत्पूर्वी मे महिन्यांत त्रावणकोर देवस्थान मंडळाने मंदिराच्या प्रवेशावर बंदी घातली होती. हे देवस्थान पथानमथिट्टा जिल्ह्यातील शबरीमला पर्वतावर असलेल्या भगवान अय्यपा मंदिराचे व्यवस्थापन पाहते. दरम्यान, केरळमध्ये गेल्या चोवीस तासात कोरोनाचे १३ हजाराहून अधिक रुग्ण आढळून आले आहेत.
बऱ्याच काळानंतर शबरीमला मंदिर सुरू झाल्याने भाविकांची गर्दी होण्याची शक्यता आहे. गर्दी रोखण्यासाठी दोन्ही डोस घेतलेल्यांना किंवा आरटीपीसीआरची निगेटिव्ह चाचणी असणाऱ्या सुमारे ५ हजार भाविकांना दररोज प्रवेश दिला जाईल, असे केरळ सरकारने जाहीर केले आहे. ही चाचणी मंदिरात प्रवेश करण्यापूर्वी दोन दिवस अगोदर केलेली असावी.
भाविकांना दोन्ही डोस घेतलेले प्रमाणपत्र किंवा आरटीपीसीआरचा निगेटिव्ह अहवालासह ऑनलाइन बुकिंगची सुविधा मिळणार आहे. केरळचे मुख्यमंत्री पिनाराई विजयन यांनी देखील दोन्ही डोस घेतलेले किंवा आरटीपीसीआरची निगेटिव्ह चाचणी असणाऱ्यांना प्रवेश दिला जाईल, असे सांगितले आहे.
shabarimala temple opens
महत्त्वाच्या बातम्या
- आनंद तेलतुंबडे यांच्याविरोधात पुरेसे पुरावे असल्याचे न्यायालयानेच मान्य केले, तरीही नक्षलसमर्थक आणि वृत्तवाहिन्यांकडून तेलतुंबडेंचे समर्थन
- उत्तर प्रदेशात योगींचीच हवा, ४३.१ टक्के लोकांचा भाजपावरच विश्वास, टाईम्स नाऊ- सी व्होटरचे सर्वेक्षण
- अमेरिकेचे अध्यक्ष ज्यो बायडेनही फेसबुकवर भडकले, सोशल नेटवर्कींग कंपन्यांमुळे माणसे मरत असल्याचा आरोप
- डॉ. अमोल कोल्हेंचा नेम शिवाजीराव आढळरावांवर, बाण मुख्यमंत्र्यांवर; पुणे – नाशिक महामार्ग नारायणगाव बायपासच्या उद्घाटनात राजकीय शेरेबाजी