RBI Governor Shaktikanta Das : आरबीआयचे गव्हर्नर शक्तिकांत दास म्हणाले की, चालू वर्षात देशाचा आर्थिक विकास दर 9.5 टक्के राहण्याचा अंदाज आहे. अर्थव्यवस्था स्थिर झाल्यावर धोरण बदलले जाऊ शकते. ते म्हणाले, मागणी वाढत आहे. येत्या काही दिवसांत ती आणखी तीव्र होण्याची शक्यता आहे. सध्या देशात महागाईचा दर जास्त आहे. पण येत्या काही दिवसांत तो 6 टक्क्यांच्या खाली राहू शकतो. स्टॅगइन्फेशनची कोणतीही शक्यता दिसत नाहीये. RBI Governor Shaktikanta Das says Estimated GDP Growth for current year at 9 percent
विशेष प्रतिनिधी
मुंबई : आरबीआयचे गव्हर्नर शक्तिकांत दास म्हणाले की, चालू वर्षात देशाचा आर्थिक विकास दर 9.5 टक्के राहण्याचा अंदाज आहे. अर्थव्यवस्था स्थिर झाल्यावर धोरण बदलले जाऊ शकते. ते म्हणाले, मागणी वाढत आहे. येत्या काही दिवसांत ती आणखी तीव्र होण्याची शक्यता आहे. सध्या देशात महागाईचा दर जास्त आहे. पण येत्या काही दिवसांत तो 6 टक्क्यांच्या खाली राहू शकतो. स्टॅगइन्फेशनची कोणतीही शक्यता दिसत नाहीये.
RBIचा आर्थिक वाढीचा अंदाज काय आहे?
आरबीआयने एप्रिल-जून 2021 तिमाहीत जीडीपी वाढ 21.4 टक्के असण्याचा अंदाज वर्तवला आहे. आर्थिक वर्ष 2022 च्या दुसऱ्या तिमाहीत कमी बेसमुळे अधिक वाढ होईल. भारतीय स्टेट बँकेने इंडस्ट्रियल, सर्व्हिस अॅक्टिव्हिटी आणि जागतिक अर्थव्यवस्थेशी संबंधित 41 हाय फ्रीक्वेन्सी निर्देशकांवर आधारित नाउकास्टिंग मॉडेल विकसित केले आहे.
संशोधन अहवाल काय सांगतात
एसबीआय रिसर्चच्या अलीकडील अहवालानुसार, व्यवहार आणि जीडीपीमधील दुवा कमकुवत झाला आहे. एप्रिल-जून 2021 मध्ये कोरोना महामारीमुळे देशाच्या अनेक भागांमध्ये व्यवहार प्रभावित झाले, परंतु जीडीपी वाढ उच्च आणि सकारात्मक होती.
तथापि, वार्षिक आधारावर सर्वाधिक वाढीचे मोठे कारण बेस इफेक्ट ठरला. अहवालानुसार, चालू आर्थिक वर्षाच्या दुसऱ्या तिमाहीत आरटीओ (प्रादेशिक परिवहन कार्यालय) संकलन आणि वीज वापरामध्ये सुधारणा झाली आहे, ज्यामुळे आर्थिक व्यवहार पुन्हा रुळावर येण्याची सकारात्मक चिन्हे दिसत आहेत.
कोरोना लसीचा जीडीपी वाढीशी थेट संबंध
भारताची रेटिंग एजन्सी इंडिया रेटिंग्ज आणि रिसर्चने आपल्या ताज्या अहवालात सांगितले आहे की, देशात कोरोनाच्या दुसऱ्या लाटेनंतर आर्थिक व्यवहारांमध्ये सुधारणा झाली आहे.
पण कोरोना लसीकरण मोहिमेवर बरेच काही अवलंबून आहे. सध्याची परिस्थिती पाहता 18 वर्षांपेक्षा जास्त वयाच्या सर्व लोकांना 31 डिसेंबर 2021 पर्यंत कोरोनाची लस मिळणे कठीण आहे.
रेटिंग एजन्सीचा अंदाज दर्शवितो की, या वर्षाच्या अखेरीस संपूर्ण प्रौढ लोकसंख्येला लसीकरण करण्यासाठी दररोज सुमारे 52 लाख डोस द्यावे लागतील.
याव्यतिरिक्त, पुढील वर्षी मार्चअखेरीस, इतर सर्वांना एकच डोस देणे आवश्यक आहे. म्हणूनच 2021-22 या आर्थिक वर्षासाठी देशाच्या आर्थिक वाढीचा अंदाज कमी करण्यात आला आहे. तो 9.6 टक्क्यांवरून 9.4 टक्क्यांवर येऊ शकतो.
RBI Governor Shaktikanta Das says Estimated GDP Growth for current year at 9 percent
महत्त्वाच्या बातम्या
- Sarada Scam : शारदा घोटाळ्याच्या आरोपपत्रात तृणमूल सरचिटणीस कुणाल घोष यांचे नाव, घोष म्हणाले- केंद्राकडून सूड भावनेने कारवाई
- WATCH : काबूल विमानतळ स्फोटाचा धक्कादायक व्हिडिओ, रक्ताचे वाहिले पाट, चहुकडे विखुरले मृतदेह, 110 जणांचा मृत्यू
- WATCH : माजी आयपीएस अधिकारी अमिताभ ठाकूर यांना अटक, सुप्रीम कोर्टाबाहेर जाळून घेणाऱ्या रेप पीडितला आत्महत्येसाठी प्रवृत्त केल्याचा आरोप
- नारायण राणेंची पुन्हा टीका, म्हणाले- “घरात, पिंजऱ्यात राहून काम करणारा मुख्यमंत्री पाहिला नाही!”
- ‘वरुण सरदेसाई पुन्हा आला, तर परत जाणार नाही, आम्ही सोडणार नाही’; नारायण राणेंचा थेट इशारा