वृत्तसंस्था
इंफाळ : काँग्रेस नेते राहुल गांधी 29 जून रोजी दोन दिवसांच्या मणिपूर दौऱ्यावर आहेत. मणिपूर काँग्रेसचे अध्यक्ष ओकराम इबोबी सिंग म्हणाले की, राहुल येथील अनेक मदत शिबिरांना भेट देतील. सिव्हिल सोसायटीचे नेते, ज्येष्ठ नागरिक आणि इतर अनेक नेत्यांनाही भेटणार आहेत.Rahul Gandhi leaves for Manipur, will visit relief camps for two days; 131 people have died in the violence here so far
मणिपूरमध्ये 3 मेपासून कुकी आणि मेईतेई समुदायांमध्ये हिंसाचार सुरू आहे. या हिंसाचारात आतापर्यंत 131 जणांचा मृत्यू झाला आहे.
जाळपोळीच्या 5 हजारांहून अधिक घटना
हिंसाचाराच्या पार्श्वभूमीवर राज्यात इंटरनेट बंदी 30 जूनपर्यंत वाढवण्यात आली आहे. सर्वपक्षीय बैठकीत गृह मंत्रालयाने हिंसाचारात आतापर्यंत 131 जणांचा मृत्यू झाल्याची माहिती दिली होती. तर 419 जण जखमी झाले आहेत. जाळपोळीच्या 5 हजारांहून अधिक घटना घडल्या आहेत. सहा हजार गुन्हे दाखल करण्यात आले असून 144 जणांना अटक करण्यात आली आहे. राज्यात 36 हजार सुरक्षा कर्मचारी आणि 40 आयपीएस तैनात करण्यात आले आहेत.
मणिपूरमधील पोलिस ठाण्यांमधून शस्त्रे चोरून विकली
मणिपूरमध्ये गेल्या महिन्यात झालेल्या हिंसाचारात लुटलेली 5,000 हून अधिक शस्त्रे उपद्रवींकडून विकली जात आहेत. चार शस्त्र तस्करांना लष्कर आणि पोलिस कर्मचाऱ्यांनी अटक केल्याने हा प्रकार उघडकीस आला आहे. याप्रकरणी राखीव बटालियनच्या स्वयंपाक्यालाही अटक करण्यात आली आहे.
या तस्करांकडून चार नऊ एमएम कार्बाइन, काही मॅगझिन, एअर पिस्तूल, दारूगोळा याशिवाय 21 जिवंत काडतुसे आणि 2.6 लाख रुपयांची रोकडही जप्त करण्यात आली आहे. दुसरीकडे नागालँडमध्ये आसाम रायफल्स आणि कोहिमा पोलिसांनी संयुक्त कारवाईत मणिपूरला जाणारी शस्त्रांची मोठी खेप जप्त केली आहे. यामध्ये दोन पिस्तूल, चार मॅगझिन, दारूगोळा आणि अन्य स्फोटक साहित्य जप्त करण्यात आले आहे.
Rahul Gandhi leaves for Manipur, will visit relief camps for two days; 131 people have died in the violence here so far
महत्वाच्या बातम्या
- काँग्रेसच्या मोहब्बतच्या दुकानात बकऱ्याचा कुर्बानी देऊ द्या, AIMIM नेत्याचे दिग्विजय सिंह यांना पत्र
- महाराष्ट्रातील बळीराजाला सुखी ठेवण्याची मुख्यमंत्री एकनाथ शिंदेंची श्रीविठ्ठल – रखुमाईचरणी प्रार्थना!!
- पवारांचे राजकारण “बॅक टू स्क्वेअर वन”; फडणवीस – राम नाईकांकरवी भाजपने केले “ऑपरेशन”!!
- जुलैच्या तिसऱ्या आठवड्यात संसदेचे पावसाळी अधिवेशन होण्याची चिन्ह!