राहुल गांधींनी नवीन पासपोर्टसाठी ठोठावला न्यायालयाचा दरवाजा, एनओसी देण्याची केली विनंती

राहुल गांधी जूनमध्ये दहा दिवसांच्या यूएस दौऱ्यावर जाणार आहेत

विशेष प्रतिनिधी

नवी दिल्ली : काँग्रेस नेते राहुल गांधी यांनी मंगळवारी (23 मे) दिल्लीच्या राऊस एव्हेन्यू कोर्टात जाऊन त्यांच्या यूएस दौऱ्यापूर्वी नवीन सामान्य पासपोर्ट जारी करण्याची मागणी केली. त्यांनी सामान्य पासपोर्टसाठी एनओसी देण्याची विनंती केली आहे. मानहानीच्या खटल्यात दोषी ठरल्यानंतर मार्चमध्ये लोकसभा सदस्य म्हणून अपात्र ठरल्यानंतर राहुल गांधी यांनी त्यांचा राजनैतिक पासपोर्ट जमा केला होता. Rahul Gandhi knocks court door for new passport requests NOC

राहुल गांधी जूनमध्ये दहा दिवसांच्या यूएस दौऱ्यावर जाणार आहेत आणि मॅडिसन स्क्वेअर गार्डन येथे संबोधित करणार आहेत. याशिवाय ते स्टॅनफोर्ड विद्यापीठातही भाषण देतील.

इंडियन ओव्हरसीज काँग्रेसचे अध्यक्ष सॅम पित्रोदा यांनी सांगितले की, राहुल गांधी सॅन फ्रान्सिस्को, वॉशिंग्टन डीसी आणि न्यूयॉर्कला भेट देणार आहेत. त्यांच्या भेटीदरम्यान ते दोन सार्वजनिक सभांना संबोधित करतील, कॅपिटल हिल येथे कायदेतज्ज्ञ आणि थिंक टँकच्या सदस्यांना भेटतील, विद्यापीठातील विद्यार्थ्यांशी संवाद साधतील आणि वॉल स्ट्रीटच्या अधिकाऱ्यांनाही भेटतील.

काही आठवड्यांपूर्वी राहुल गांधी ब्रिटनच्या दौऱ्यावरही गेले होते. तिथे ते म्हणाले होते की, भारतीय लोकशाहीच्या संरचनेवर हल्ला होत आहे आणि देशातील संस्थांवर प्रहार केला जात आहे. त्यांच्या या वक्तव्यानंतर भारतात वादळ उठले होते. राहुल गांधींनी माफी मागावी, अशी मागणी करत भाजपा खासदारांनी रस्त्यावरून संसदेपर्यंत निदर्शने केली. भाजपाने राहुल गांधींवर विदेशी भूमीवर भारताची बदनामी करत विदेशी हस्तक्षेपाचा आरोप केला.

Rahul Gandhi knocks court door for new passport requests NOC

महत्वाच्या बातम्या 

• बँकांमधून आजपासून 2000 च्या नोटा मिळणार बदलून, पण धावपळीची गरज नाही; रिझर्व्ह बँकेच्या गव्हर्नरांचा निर्वाळा
• 2000 ची आणण्याच्या बाजूने नव्हते मोदी, साठेबाजीचा सांगितला होता धोका, इच्छा नसूनही द्यावी लागली होती परवानगी
• मुख्यमंत्री हिमंता यांचा दावा, आसाममधून यावर्षी ‘AFSPA’ हटवण्यात येईल
• थोरला नाही, धाकटा नाही, भाऊबंदकी चालणार नाही; महाविकास आघाडीत काँग्रेसचा नवा मेरिट फॉर्म्युला!!