pegasus controversy : राजकारणी, पत्रकार आणि इतरांच्या फोन टॅपिंग आणि हेरगिरीवरून संसदेत गदारोळ सुरू आहे. यासंदर्भात संयुक्त संसदीय समितीची चौकशी आणि गृहमंत्री अमित शहा यांच्या राजीनाम्याची मागणी कॉंग्रेस करत आहे. संसदेच्या बाहेरही या विषयावर कॉंग्रेसने आता सरकारला घेराव घालण्याची रणनीती आखली आहे. यासंदर्भात कॉंग्रेस देशातील विविध राज्यांत निषेध आणि पत्रकार परिषद घेणार आहे. pegasus controversy congress will attack government outside parliament will hold press conferences in different states
विशेष प्रतिनिधी
नवी दिल्ली : राजकारणी, पत्रकार आणि इतरांच्या फोन टॅपिंग आणि हेरगिरीवरून संसदेत गदारोळ सुरू आहे. यासंदर्भात संयुक्त संसदीय समितीची चौकशी आणि गृहमंत्री अमित शहा यांच्या राजीनाम्याची मागणी कॉंग्रेस करत आहे. संसदेच्या बाहेरही या विषयावर कॉंग्रेसने आता सरकारला घेराव घालण्याची रणनीती आखली आहे. यासंदर्भात कॉंग्रेस देशातील विविध राज्यांत निषेध आणि पत्रकार परिषद घेणार आहे.
मंगळवारी पत्रकार आणि राजकारण्यांविरुद्ध ‘पेगॅसस’च्या कथित वापराच्या मुद्द्यावरून दिल्ली कॉंग्रेसच्या कार्यकर्त्यांनी भारतीय जनता पक्षाच्या मुख्यालयाबाहेर निषेध नोंदविला. आंदोलकांनी हेरगिरी केलेल्या कथित घटनेची न्यायालयीन चौकशी करण्याची मागणी केली. दिल्ली कॉंग्रेसचे अध्यक्ष अनिल कुमार यांच्या नेतृत्वात निषेध करणारे दीन दयाल उपाध्याय मार्गावरील पक्ष कार्यालयातून घोषणाबाजी आणि फलक घेऊन बाहेर आले आणि जवळच असलेल्या भाजप मुख्यालयात गेले.
निवडलेले सरकारे पाडण्याचा काँग्रेसचा आरोप
त्याच बरोबर, कॉंग्रेसने सरकारवर देशातील निवडलेली सरकारे पाडण्यासाठी पेगासस स्पायवेअरचा वापर केल्याचा आरोप केला आणि या संपूर्ण प्रकरणाची सर्वोच्च न्यायालयाच्या देखरेखीखाली चौकशी करण्याची मागणी केली. कर्नाटकमधील कॉंग्रेसचे आघाडी सरकार पाडण्यासाठी स्पायवेअरचा दुरुपयोग करून भाजप आणि मोदी सरकारने लोकशाहीचा खून केल्याचा आरोप कॉंग्रेसचे मुख्य प्रवक्ते रणदीप सुरजेवाला यांनी केला.
कॉंग्रेसचे नेते कपिल सिब्बल यांनी पेगासस हेरगिरी प्रकरणात सर्वोच्च न्यायालयाने नजर ठेवलेल्या तपासाची आणि सरकारकडून श्वेतपत्रिका आणण्याची मागणी केली असून त्यात इस्रायली हेरगिरी सॉफ्टवेअर वापरले आहे की नाही याचा स्पष्ट उल्लेख असावा. या मुद्द्यावरून विरोधी पक्षांनी सरकारवर हल्ला चढवतानाच हेरगिरीचे सर्व आरोप केंद्राने जोरदारपणे नाकारले आहेत आणि म्हटले की भारतीय लोकशाहीचे नुकसान करण्याचे प्रयत्न सुरू आहेत.
संसदीय समितीतही हेरगिरी घोटाळ्याचा मुद्दा
संसदीय समितीत फोन हेरगिरी घोटाळ्याचा मुद्दाही येणार आहे. समितीने आयटी आणि गृह मंत्रालयाच्या अधिकाऱ्यांना बोलावले आहे. माहिती तंत्रज्ञान मंत्रालयाला संलग्न स्थायी समितीची बैठक 28 जुलै रोजी बोलविण्यात आली आहे. या बैठकीत माहिती तंत्रज्ञान, गृह व दळणवळण मंत्रालयाच्या अधिकाऱ्यांना बोलावले आहे. बैठकीचा अजेंडा ‘डेटाची सुरक्षा आणि नागरिकांची गोपनीयता’ असा ठेवण्यात आला आहे.
समितीच्या सूत्रांच्या म्हणण्यानुसार, इस्रायली सॉफ्टवेअर पेगासस वापरून घेण्यात आलेल्या फोन हेरगिरी घोटाळ्यासंदर्भात बैठकीत प्रश्नांची उत्तरे दिली जातील. समितीचे अध्यक्ष शशी थरूर या मुद्यावरून सरकारला सतत घेराव घालत असतात. यापूर्वी 2019 मध्ये व्हॉट्सअ‍ॅप डेटाची गळती उघडकीस आली होती आणि त्यावेळी समितीने माहिती तंत्रज्ञान मंत्रालयाच्या अधिकाऱ्यांना चौकशीसाठी बोलावले होते.
pegasus controversy congress will attack government outside parliament will hold press conferences in different states
महत्त्वाच्या बातम्या
- ‘पेगॅसस’चे बाप कोण? केंद्राच्या संमतीशिवाय हे होऊच शकत नाही, शिवसेनेचे सामनातून केंद्रावर टीकास्त्र
- शरद पवारांनी पाहिलेले स्वप्न होणार पूर्ण! लष्कराच्या जागा विकसित होणार पण खासगी उद्योगांसाठी नव्हे तर पायाभूत सुविधा पुरविण्यासाठी, मोदी सरकारचा क्रांतीकारण निर्णय
- पाळत ठेवलेल्याचा दावा चुकीचा, नावांची यादीही चुकीची, बनावट माहितीवर अवलंबून लोकांची दिशाभूल करू नका, पेगासस स्पायवेअरच्या निर्मात्यांनी एनडीटीव्हीला सुनावले
- देशातील ६७ टक्के लोकसंख्येत कोरोनाविरोधात अ‍ॅँटीबॉडी विकसित, आयसीएमआरच्या चौथ्या सिरो सर्व्हेत दिलासादायक माहिती, प्राथमिक शाळाही सुरू करण्याचा सल्ला
- ‘पिंक रोमिओ’पाठोपाठ केरळात महिलांच्या सुरक्षेसाठी आता ‘पिंक प्रोटेक्शन’ उपक्रम