IED in Delhi : प्रजासत्ताक दिनापूर्वी दिल्लीतील गाझीपूर फूल मंडई स्फोटकांनी उडवण्याचा कट मुजाहिदीन गजवात हिंद या दहशतवादी संघटनेने रचला होता. अल कायदाशी संलग्न असलेल्या मुजाहिदीन गजवात हिंद या दहशतवादी संघटनेने टेलिग्रामवर हे पत्र पाठवून या आयईडी हल्ल्याची जबाबदारी स्वीकारली आहे. Mujahid Gajwat Hind took responsibility for IED in Delhi, said- We had planted the bomb, next time we will do more preparation blast
वृत्तसंस्था
नवी दिल्ली : प्रजासत्ताक दिनापूर्वी दिल्लीतील गाझीपूर फूल मंडई स्फोटकांनी उडवण्याचा कट मुजाहिदीन गजवात हिंद या दहशतवादी संघटनेने रचला होता. अल कायदाशी संलग्न असलेल्या मुजाहिदीन गजवात हिंद या दहशतवादी संघटनेने टेलिग्रामवर हे पत्र पाठवून या आयईडी हल्ल्याची जबाबदारी स्वीकारली आहे.
पत्रात लिहिले आहे की, ‘MGH ने धमकी देत म्हटले की की आमच्याच मुजाहिद बंधूंनी गाजीपूर, दिल्ली येथे 14 जानेवारीला स्फोटासाठी IED प्लांट केला होता, काही तांत्रिक कारणांमुळे स्फोट झाला नाही, पण पुढच्या वेळी तसे होणार नाही. आम्ही तयारीनिशी स्फोट करू, ज्याचा आवाज संपूर्ण भारतात ऐकू येईल.”
पत्रात पुढे लिहिले आहे की, “आम्ही भारताच्या राज्यात आमचा तळ बनवला आहे, आम्ही भारताविरुद्ध ताकदीने लढू आणि शरियाचे राज्य स्थापन करू. या पत्रात जम्मू-काश्मीर पोलिसांनाही धमकी देण्यात आली आहे. पत्रात लिहिले आहे की, काश्मीर पोलिसांना वाटते की त्यांनी आमच्या काही मुजाहिद बांधवांना पकडून आम्हाला कमकुवत केले आहे, त्यामुळे आम्ही त्यांना सांगू इच्छितो की आता तुम्ही तुमचे प्राण वाचवा. काश्मीर पोलीस तुम्ही तुमचे काम केले, आता आमची पाळी आहे. जर आपण अल्लाहसाठी एखाद्यावर प्रेम करू शकतो, तर त्याच्यासाठी तिरस्कारदेखील करू शकतो.”
पत्रात काश्मीर पोलिसांव्यतिरिक्त दहशतवादी संघटनेने पंजाब पोलिसांना धमकी दिली असून काही शस्त्रे हस्तगत करून फार आनंद होऊ नये, असे म्हटले आहे. पंजाब पोलिसांनी आता अल्लाहच्या सैन्यापासून स्वतःला वाचवण्यासाठी तयारी करावी. आम्ही त्या पोलिसांची, काश्मीर पोलिसांची, लष्कराची आणि काही काश्मिरी लोकांची यादी तयार केली आहे ज्यांची नावे आमच्या मुजाहिदीनला अटक करण्यात गुंतलेली आहेत.
दहशतवाद्यांनी धमकी दिली की, आम्ही त्यांच्या कुटुंबाची यादीही तयार केली आहे. आम्ही त्यांना शोधून त्यांच्यावर हल्ला करू. काही दिवसांत तुम्हाला आमच्या या संदेशांचे उत्तर प्रत्यक्ष कृतीत दिसेल, कारण आमचा शब्दांवर नव्हे कृतीवर विश्वास आहे.”
दरम्यान, दिल्ली पोलिसांच्या स्पेशल सेलला हे पत्र मिळाल्यानंतर अधिकाऱ्यांनी एनआयएच्या विशेष पथकाची भेट घेऊन तपास सुरू केला आहे.
Mujahid Gajwat Hind took responsibility for IED in Delhi, said- We had planted the bomb, next time we will do more preparation blast
महत्त्वाच्या बातम्या
- Mumbai Corona Update : मुंबईत 6 हजारांहून कमी नव्या रुग्णांची नोंद, नवीन रुग्णांमध्ये २४ टक्के घट
- परमबीर सिंग आणि सचिन वाजे यांच्या गुप्त भेटीवर मुंबई पोलिसांची कडक कारवाई, ४ पोलिसांना कारणे दाखवा नोटीस
- लस घेण्यासाठी कुणावरही बळजबरी लादली जाऊ शकत नाही, लसीअभावी सरकारी लाभही रोखले नाहीत, केंद्राचा सर्वोच्च न्यायालयात निर्वाळा
- हौथी बंडखोरांकडून अबूधाबी विमानतळाजवळ ड्रोनच्या साहाय्याने बॉम्बस्फोट, दोन भारतीयांसह तीन जण ठार
- मोठी घोषणा : 12 ते 14 वर्षे वयोगटातील मुलांचे लसीकरण मार्चपासून, 15 ते18 वयोगटाचे लसीकरणही लवकरच पूर्ण होणार