विशेष प्रतिनिधी
लखनऊ : बहुजन समाज पक्षाच्या प्रमुख मायावती यांनी आपण तंदुरुस्त असल्याने उत्तराधिकाऱ्याची नियुक्ती करण्याची गरज नसल्याचे म्हटले होते. मात्र, सध्या त्या पध्दतशीरपणे आपला पुतण्या आकाश आनंद याला पुढे आणत आहेत. पक्षातील वरिष्ठ नेत्यांनाही आकाश आनंद यांच्यामार्फतच मायावतींशी संवाद साधता येतो. त्यामुळे त्यांचे पक्षातील वजन वाढले आहे. Mayawati’s Bahujan Samaj Party is also ready to bring nephew as its successor
आकाश आनंद हे मायावती यांचे भाऊ आनंद कुमार यांचे चिरंजीव आहेत. त्यांनी लंडनमधील एका प्रसिध्द संस्थेतून एमबीए केले असून २०१९ च्या लोकसभा निवडणुकीत त्यांनी नॅशनल कोऑर्डिनेटर म्हणून जबाबदारी पाहिली होती. बसपच्या कोणत्याही महत्वाच्या कार्यक्रमात आकाश आनंद हे मायावतींच्या सोबतच असतात. अखिलेश यादव यांनी मायावती यांची भेट घेऊन सपा-बसपा आघाडी केली तेव्हा आकाश आनंद उपस्थित होते. त्यामुळे आनंद यांचे महत्व पक्षात वाढले आहे.
त्याचबरोबर उत्तर प्रदेशात आगामी विधानसभा निवडणुकीच्या पार्श्वभूमीवर ब्राम्हण समाजाला आकर्षित करून घेण्यासाठी सरचिटणिस सतीश मिश्रा यांच्याकडे पक्षाचे सेकंड-इन-कमांड म्हणून पाहिले जाते. सतीश मिश्रा यांचा मुलगा कपिल मिश्रा आणि जावई परेश मिश्रा हे देखील बहुजन समाज पक्षाचे नवे चेहरे म्हणून पुढे येत आहेत. पक्षाच्या हायकमांडकडून त्यांना पूर्णपणे पाठिंबा देण्यात येत आहे. सध्या मिश्रा यांच्याकडे उत्तर प्रदेशातील ब्राह्मण संमेलनांची जबाबदारी देण्यात आली आहे.
बसपचे जुने कार्यकर्ते सांगतात की सध्या लखनऊमधील बसपा कार्यालयात, बेहेनजी (मायावती) आणि सतीश मिश्रा यांच्या कारशिवाय फक्त आकाश, कपिल आणि परेशच्या गाड्याप्रवेशद्वारांवर तपासल्या जात नाहीत. ही त्यांची पक्षातील ताकद आहे. इतर कोणालाही सुरक्षा तपासणीशिवाय पक्षाच्या कार्यालयात प्रवेश करण्याची परवानगी नाही. पक्षाचे खासदार आणि आमदारसुद्धा सुरक्षा तपासणीनंतर आत जातात. त्यामुळे पक्षातील पदाधिकाºयांनी या तिघांना नेतृत्वाची दुसरी पायरी मानण्यास सुरुवात केली आहे.
Mayawati’s Bahujan Samaj Party is also ready to bring nephew as its successor
महत्त्वाच्या बातम्या
- पूजारी केवळ मालमत्तेचा व्यवस्थापक, मंदिराच्या मालमत्तेचा मालक देवच, सर्वोच्च न्यायालयाचे निरिक्षण
- मुझफ्फरनगरमधील शेतकरी महापंचायतीमुळे भाजपसमोर आव्हान, सत्ताधाऱ्यांना खाली खेचण्याचा इतिहास
- विद्यार्थ्याच्या बॅग, पाठ्यपुस्तकांवर मुख्यमंत्री किंवा राजकारण्यांचे फोटो छापणे घृणास्पद, मद्रास उच्च न्यायालयाचे हे प्रकार थांबविण्याचे आदेश