प्रतिनिधी
नवी दिल्ली : कामगार दिनापासून म्हणजेच 1 मेपासून एलपीजी सिलिंडरच्या किमती कमी झाल्या आहेत. दिल्ली ते बिहार आणि यूपीसह अनेक शहरांमध्ये एलपीजी सिलिंडरच्या किमती कमी झाल्या आहेत. नवीन दर गॅस कंपन्यांनी त्यांच्या वेबसाइटवर अपडेट केले आहेत. कानपूर, पाटणा, रांची आणि चेन्नईमध्ये एलपीजी सिलिंडरची किंमत 171.50 रुपयांनी स्वस्त झाली आहे. व्यावसायिक एलपीजी सिलिंडरच्या किमतीत ही घट झाली आहे.LPG cylinder becomes cheaper by Rs 171.50 today, know new Delhi to Chennai rates
आज दिल्लीत व्यावसायिक सिलिंडर 1856.50 रुपये आहे. मुंबईत व्यावसायिक सिलिंडरची किंमत 1808.50 रुपये, कोलकात्यात 1960.50 रुपये आणि चेन्नईमध्ये 2021.50 रुपये आहे. दुसरीकडे, 14.2 किलो एलपीजी सिलिंडरच्या किंमतीत कोणताही बदल झालेला नाही.
एप्रिलमध्येही दर केले कमी
व्यावसायिक एलपीजी सिलिंडरच्या किमती दर महिन्याला बदलत राहतात. एप्रिलमध्ये व्यावसायिक सिलिंडरच्या दरात कपात करण्यात आली होती. 1 एप्रिल रोजी त्याची किंमत 92 रुपयांनी कमी करण्यात आली होती. मात्र, त्याआधी 1 मार्च 2023 रोजी व्यावसायिक सिलिंडरच्या किमतीत 350 रुपयांनी वाढ करण्यात आली होती. तर वर्षभरापूर्वी 1 मे 2022 रोजी दिल्लीत LPG व्यावसायिक वापराच्या सिलिंडरची किंमत 2355.50 रुपयांवर पोहोचली होती आणि आज ती 1856.50 रुपयांवर आली आहे. याचा अर्थ दिल्लीत 499 रुपयांची घट झाली आहे.
घरगुती एलपीजी किंमत
दिल्लीत 1103 रुपये, कोलकात्यात 1129 रुपये, मुंबईत 1112.5 रुपये, चेन्नईमध्ये 1118.5 रुपये आणि पाटणामध्ये 1201 रुपये आहे. घरगुती गॅसच्या किमतीत 50 रुपयांनी वाढली होती, त्याचवेळी व्यावसायिक गॅसच्या दरात 350 रुपयांची वाढ करण्यात आली होती.
जाणून घ्या घरगुती गॅसच्या किमती
महानगरांसोबतच मार्चमध्ये अनेक ठिकाणी स्वयंपाकाच्या गॅसच्या किमतीही कमी करण्यात आल्या होत्या. आयओसीच्या वेबसाइटनुसार, घरगुती गॅस सिलिंडरची किंमत श्रीनगरमध्ये 1219 रुपये, आयझॉलमध्ये 1255 रुपये, अंदमानमध्ये 1129 रुपये, अहमदाबादमध्ये 1110 रुपये, भोपाळमध्ये 1118.5 रुपये, जबलपूर 1116.5 रुपये, आग्रा 1115.5 रुपये, इंदूरमध्ये 1115.5 रुपये, इंदूरमध्ये 1212 रुपये एवढी आहे.
LPG cylinder becomes cheaper by Rs 171.50 today, know new Delhi to Chennai rates
महत्वाच्या बातम्या
- राष्ट्रीय हरित हायड्रोजन मिशन आणि ऊर्जा स्वयंपूर्णता; २०३५ पर्यंत सर्व प्रमुख बंदरांवर इंधन भरण्याच्या सुविधा
- 38 लाखांचे बक्षीस असलेले तीन नक्षलवादी ठार, गडचिरोलीत झाली पोलिसांशी चकमक
- PM मोदींच्या सुरक्षेत पुन्हा मोठी चूक, म्हैसूरमध्ये रोड शोत महिलेने फुलांसह फेकला मोबाईल
- आशियाई बॅडमिंटन चॅम्पियनशिपमध्ये भारताने तब्बल ५८ वर्षांनंतर जिंकले सुवर्णपदक