वृत्तसंस्था
तेलंगण : तेलंगणाचे मुख्यमंत्री के चंद्रशेखर राव यांच्या राजकीय महत्त्वाकांक्षा वाढताना दिसत आहे. त्यांनी रविवारी कर्नाटकचे माजी मुख्यमंत्री एचडी कुमारस्वामी यांची भेट घेतली. यावेळी दोन्ही नेते काँग्रेसशिवाय विरोधी एकजुटीचे नियोजन करत असल्याचे वृत्त आहे. विशेष म्हणजे ही बैठक अशा वेळी झाली आहे जेव्हा भारतीय जनता पक्ष दक्षिण भारतीय राज्यांमध्ये आपला विस्तार करण्याचा प्रयत्न करत आहे.KCR’s formula for non-Congress unity An announcement to enter national politics
हैदराबादमध्ये झालेल्या या बैठकीत देशातील राजकीय परिस्थितीवर चर्चा झाली. मीडिया रिपोर्ट्सनुसार, दोन्ही नेत्यांनी विरोधी ऐक्य निर्माण करण्याबाबत राव यांच्या भूमिकेबद्दल चर्चा केली. तेलंगणा राष्ट्र समितीच्या एका कार्यकर्त्याने म्हटले आहे की, देशातील लोक ‘गैर-काँग्रेस’ पर्यायासाठी तयार आहेत आणि भाजपच्या हल्ल्याचा सामना करण्यासाठी प्रादेशिक पक्षांना एकत्र यावे लागेल.
राष्ट्रीय पक्षाची घोषणा
रविवारी राव यांनी राष्ट्रीय पक्ष सुरू करण्याची घोषणा केली आहे. तेलंगणाच्या मुख्यमंत्र्यांच्या कार्यालयाने जारी केलेल्या निवेदनानुसार, राष्ट्रीय पक्षाच्या स्थापनेची घोषणा बुद्धिजीवी, अर्थतज्ज्ञ आणि तज्ज्ञांशी दीर्घ चर्चा केल्यानंतर करण्यात आली आहे. “लवकरच, एक राष्ट्रीय पक्ष स्थापन केला जाईल आणि धोरणे तयार केली जातील,” असे केसीआर म्हणाले. तेलंगणामध्ये 2023 मध्ये विधानसभा निवडणुका होणार आहेत.
कुमारस्वामींचा पाठिंबा
गेल्या काही महिन्यांत केसीआर यांनी विरोधी पक्षातील अनेक नेत्यांची भेट घेतली आहे. यादरम्यान ते दिल्ली, चंदीगड, बंगळुरू आणि बिहारलाही पोहोचले होते. रविवारी त्यांना कुमारस्वामी यांचा मोठा पाठिंबा मिळाला. विशेष म्हणजे केसीआर यांनी भाजपविरोधातील आघाडीतून काँग्रेसलाही दूर ठेवले आहे. ते म्हणतात की, भाजपला पर्याय म्हणून काँग्रेस इतकी मजबूत नाही आणि लोकांचा त्यांच्या नेतृत्वावरील विश्वास उडाला आहे.
काँग्रेसला डावलण्याचे प्रयत्न!
अलीकडेच बिहारमध्ये पोहोचलेल्या केसीआर यांनी मुख्यमंत्री नितीश कुमार आणि उपमुख्यमंत्री तेजस्वी यादव यांच्याशी चर्चा केली. आता इंडियन एक्स्प्रेसने सूत्रांच्या हवाल्याने म्हटले आहे की प्रादेशिक नेत्यांशी झालेल्या काही चर्चेत काँग्रेसला कोणत्याही संघीय आघाडीपासून दूर ठेवण्याचा मुद्दा प्रामुख्याने होता. तेलंगणाचे मुख्यमंत्री डाव्या पक्षांचा पाठिंबा मिळविण्याचा प्रयत्न करत आहेत.
KCR’s formula for non-Congress unity An announcement to enter national politics
महत्वाच्या बातम्या
- सलमान खान लॉरेन्सच्या निशाण्यावर : मूसेवालाच्या हत्येमध्ये सहभागी असलेल्या कपिलने सांगितले सत्य, म्हणाला- शूटर संतोषसोबत मुंबईत राहून केली रेकी
- स्पष्टवक्तेपणासाठी ओळखले जायचे स्वामी स्वरूपानंद : साईंना देव मानणार्‍यांना सुनावले होते खडेबोल, शनि मंदिरात महिलांच्या प्रवेशामुळे संतापले होते
- गुजरातमध्ये ‘आप’च्या कार्यालयावर छापा : काहीही न सापडल्याने पोलिसांना पुन्हा येण्यास सांगितले; केजरीवाल म्हणाले – पाठिंब्याने भाजपला धक्का बसला आहे
- राहुल गांधींच्या चर्च, मिशनऱ्यांना भेटी; राम, रामदास स्वामींच्या तुलनेचीही विसंगती!!