विशेष प्रतिनिधी
नवी दिल्ली – कोरोनाचा मुकाबला करण्यासठी सध्या लसीकरण हा सर्वात विश्वासू प्रभावी मार्ग असल्याचे जगभरातील तज्ञांचे मत आहे. त्यामुळे लसीकरणाचा वेगही वाढविण्यावर केंद्र सरकारने भर दिला आहे. या प्रयत्नांमध्ये आणखी भर पडणार असून ऑक्टोबर महिन्यापर्यंत लसीकरणासाठी आणखी पाच लशी उपलब्ध होणार आहेत. भारतात सध्या कोव्हॅक्सिन आणि कोव्हिशिल्ड या दोन लशींच्या साह्याने लसीकरण मोहिम सुरु आहे. ऑक्टोबरपर्यंत आणखी पाच लशींची अपेक्षा आहे. Indian gets another 5 vaccines till oct.
स्पुटनिक-५ (डॉ. रेड्डीज् लॅबबरोबरील भागीदारीतून), जॉन्सन अँड जॉन्सन (बायोलॉजिकल ई बरोबरील भागीदारीतून), नोव्हाव्हॅक्स (सीरमबरोबरील भागीदारीतून), झायडस कॅडिला आणि भारत बायोटेकची इन्ट्रानेझल या त्या पाच लशी आहेत. रशियन बनावटीच्या स्पुटनिक-५ या लशीला येत्या दहा दिवसांमध्येच परवानगी मिळू शकते, असा अंदाजही सूत्रांनी व्यक्त केला.
- लशीकरणाचा विक्रम: ८५ दिवसांत १० कोटींपेक्षा जास्त लोकांना लस; अमेरिका, ब्रिटन आणि चीनलाही टाकले मागे
या लशीची परिणामकारकता ९२ टक्के आहे. रशियाच्या लस नियंत्रक मंडळाने स्फुटनिक-५ लशीच्या उत्पादनासाठी भारतातील डॉ. रेड्डीज् लॅब, हेटेरो बायोफार्मा, ग्लँड फार्मा, स्टेलिस बायोफार्मा आणि विकरो बायोटेक या औषध कंपन्यांबरोबर करार केला आहे.
ही लस जूनमध्ये जनतेला उपलब्ध होण्याची शक्यता असून, सर्व काही नियोजनानुसार झाल्यास, जॉन्सन अँड जॉन्सन आणि झायडस कॅडिला या लशी ऑगस्टमध्ये, नोव्हाव्हॅक्स सप्टेंबरमध्ये आणि नेझल व्हॅक्सिन ऑक्टोबरपर्यंत उपलब्ध होण्याचा अंदाज सूत्रांनी व्यक्त केला.
Indian gets another 5 vaccines till oct.
वाचा…
- मध्यप्रदेशामध्ये लॉकडाऊन लावणार नाही ; मुख्यमंत्री शिवराज सिंह चौहान यांचे सूतोवाच
- पेट्रोल, डिझेलवर सर्वाधिक कर लादणाऱ्या राजस्थान सरकारविरोधात पेट्रोल पंप चालकांचे आंदोलन, एक दिवस राज्यातील सर्व पेट्रोलपंप बंद
- ऑक्सिजन पुरवठावाढ, रेमडेसिवीरचा जपून वापर आणि अनेक ठिकाणी विद्युत शवदाहिन्या उभारण्यावर भर; कोविड टास्क फोर्सच्या बैठकीत चर्चा
- कोविड फक्त महाराष्ट्रातच का वाढतोय, निवडणूकांच्या राज्यात का नाही वाढत?; काँग्रेसचे मंत्री अस्लम शेरखान यांचा सवाल
- घरफोडीच्या गुन्ह्यात 28 वर्षांपासून फरारी आरोपीला पुण्यात बेड्या