विशेष प्रतिनिधी
नवी दिल्ली – जुलैमध्ये वस्तू आणि सेवा करापोटी (जीएसटी) केंद्राकडे १.१६ लाख कोटी रुपये जमा झाले आहेत. २०२० मधील जुलै महिन्याच्या तुलनेत हे प्रमाण ३३ टक्क्यांनी जास्त आहे. अर्थव्यवस्था वेगाने सावरत असल्याचे हे निदर्शक असल्याचे अर्थमंत्रालयातर्फे सांगण्यात आले आहे. GST collection increased in July
जून २०२१ पूर्वी वस्तू आणि सेवा कराच्या वसुलीने सलग आठ महिने एक लाख कोटींचा टप्पा ओलांडला होता; मात्र मेमध्ये कोरोनाचा प्रादुर्भाव वाढल्याने अनेक राज्यांत पूर्णत: किंवा अंशत: लॉकडाऊन लावण्यात आला होता. त्याचा फटका जीएसटीवसुलीला बसला; मात्र आता पुन्हा अर्थचक्र गतिमान होत आहे, असे अर्थमंत्रालयाने सांगितले आहे.
गेल्या वर्षी जुलैमध्ये ८७ हजार ४२२ कोटींचा जीएसटी जमा झाला होता. यावर्षी जून महिन्यातही एका लाखापेक्षा कमी ९२ हजार ८४९ कोटींचा जीएसटी जमा झाला होता. त्यात जुलै महिन्यात चांगलीच वाढ झाली आहे. यंदा जुलैमध्ये १ लाख १६ हजार ३९३ कोटींचा जीएसटी जमा झाला आहे. त्यात केंद्राचा २२ हजार १९७ कोटी, राज्याचा २८ हजार ५४१ कोटी, एकीकृत जीएसटी ५७ हजार ८६४ कोटी आणि उपकर ७,७९० कोटींचा समावेश आहे.
GST collection increased in July
महत्त्वाच्या बातम्या
- लस घेणाऱ्या नागरिकांना रोख डॉलर्स तर कुठे चक्क मोटार किंवा गायीचे बक्षीस
- शक्ती “तोळा मासा”; प्रदर्शनात “बडा मासा”
- सरन्यायाधिशाच्या नियुक्तीविरोधात खोडसाळपणे याचिका करणाऱ्याला पाच लाख रुपये दंड, व्यावसायिक याचिकाकर्त्यांना न्यायालयाचा दणका
- प्रशांत किशोर म्हणतात राहूल गांधींशी मतभेद, मोदींना हरविण्यापेक्षा पक्ष पुन्हा उभा करण्यावर त्यांनी द्यावा भर
- व्होट बॅँकेच्या राजकारणाला भाजपा घाबरत नाही, अमित शहा यांनी दिला इशारा