• Download App
    कोरोना लढ्यासाठी `गुगल`ची भारताला १३५ कोटींची मदत।Google gives 135 cr to India for covid war

    कोरोना लढ्यासाठी `गुगल`ची भारताला १३५ कोटींची मदत

    वृत्तसंस्था

    मुंबई – कोव्हिडविरुद्धच्या लढ्यात भारताला बळ मिळावे यासाठी `गुगल`तर्फे दुसऱ्या टप्प्यात आणखी १३५ कोटी रुपयांची मदत जाहीर करण्यात आली आहे. `गुगल`ची समाजसेवी शाखा `गुगलडॉटओआरजी`तर्फे तसेच त्यांच्या कर्मचाऱ्यांतर्फे मदत दिली जाणार आहे. त्यातील बहुतांश रक्कम भारतासाठी कोरोना लढ्यातील वैद्यकीय उपकरणे, औषधे आदींच्या खरेदीसाठी युनिसेफला दिली जाईल. Google gives 135 cr to India for covid war



    कोरोनाच्या संसर्गामुळे भारतासमोर मोठे आव्हान उभे ठाकले आहे. रोजची कोरोना रुग्णसंख्या वाढत असून वैद्यकीय उपकरणांचीही टंचाई निर्माण होत असल्याने मदत देण्याचा निर्णय `गुगल`ने घेतला आहे. त्यातील २० कोटी रुपये थेट गरजू कुटुंबांच्या दैनंदिन गरजा पूर्ण करण्यासाठी दिले जातील. आतापर्यंत `गुगल`च्या कर्मचाऱ्यांनीही भारतासाठी पावणेचार कोटी रुपयांची मदत दिली आहे.

    कोरोनाविरुद्धच्या लढ्यात नागरिकांना अचूक माहिती देण्यासाठी स्वयंसेवी संस्थांनाही मदत देण्यात आली आहे. कोव्हिड चाचण्या व लसीकरण यांच्या केंद्रांची माहिती देण्यासाठीही यापैकी काही निधी वापरला जाईल. त्यासाठी `गुगल`तर्फे केंद्रीय आरोग्य मंत्रालय तसेच बिल-मेलिंडा गेट्स फाऊंडेशनबरोबरदेखील सहकार्य करण्यात आले आहे.

    Google gives 135 cr to India for covid war

    Related posts

    RSS Chief Mohan Bhagwat : सरसंघचालक म्हणाले- भाजप-RSS मध्ये कोणताही वाद नाही; आम्ही सरकारसाठी निर्णय घेत नाही, फक्त सल्ला देतो

    PM SVANidhi : PM स्वनिधी योजनेची मुदत 31 मार्च 2030 पर्यंत वाढवली; कर्जाची रक्कमही ₹15,000 पर्यंत वाढली

    Supreme Court : केंद्राने म्हटले- राज्ये सुप्रीम कोर्टात रिट याचिका दाखल करू शकत नाहीत; राष्ट्रपती-राज्यपाल यांच्या निर्णयांसाठी न्यायालये जबाबदार नाही