Election Commission : पश्चिम बंगाल विधानसभा निवडणुकीत नंदिग्राममधील एका मतदान केंद्रावर मुख्यमंत्री ममता बॅनर्जी यांचे वागणे संशयाच्या भोवऱ्यात आहे. निवडणूक आयोगाने मतदान प्रक्रियेत अडथळा आणल्याच्या त्यांच्या आरोपाला उत्तर देताना हे संकेत दिले आहेत. निवडणूक आयोगाने ममता बॅनर्जी यांच्या लेखी तक्रारीला चुकीची म्हटले आहे. मतदान केंद्रावर ममता बॅनर्जी यांच्या वर्तनाचा पश्चिम बंगालमधील कायदा व सुव्यवस्थेवर विपरीत परिणाम होण्याची शक्यताही असल्याचे त्यांनी सांगितले. Election Commission responds to Mamata’s allegations on voting process in Nandigram
विशेष प्रतिनिधी
नवी दिल्ली : पश्चिम बंगाल विधानसभा निवडणुकीत नंदिग्राममधील एका मतदान केंद्रावर मुख्यमंत्री ममता बॅनर्जी यांचे वागणे संशयाच्या भोवऱ्यात आहे. निवडणूक आयोगाने मतदान प्रक्रियेत अडथळा आणल्याच्या त्यांच्या आरोपाला उत्तर देताना हे संकेत दिले आहेत. निवडणूक आयोगाने ममता बॅनर्जी यांच्या लेखी तक्रारीला चुकीची म्हटले आहे. मतदान केंद्रावर ममता बॅनर्जी यांच्या वर्तनाचा पश्चिम बंगालमधील कायदा व सुव्यवस्थेवर विपरीत परिणाम होण्याची शक्यताही असल्याचे त्यांनी सांगितले.
गुरुवारी नंदीग्राममधील मतदानादरम्यान मुख्यमंत्री (ज्यांना झेड प्लस सुरक्षा आहे) भाजप आणि तृणमूल समर्थकांमधील तणावात अडकल्या होत्या. त्यांना जवळजवळ तासभर एका खोलीत राहावे लागले, नंतर सुरक्षा दलाने त्यांना बाहेर काढले.
ममतांनी थेट निवडणूक आयोगावरच आरोप केले आहेत. ममता म्हणाल्या की, आयोग केंद्रीय गृहमंत्री अमित शहा यांच्या सूचनेचे पालन करतोय. ममता बॅनर्जी म्हणाल्या होत्या की, सकाळपासूनच त्यांच्या पक्षाने 63 तक्रारी केल्या आहेत, पण आयोगाने त्याकडे दुर्लक्ष केले. मतदान केंद्राबाहेर व्हीलचेयरवर बसलेल्या ममता बॅनर्जी म्हणाल्या होत्या, ‘आम्ही याप्रकरणी कोर्टात जाऊ. आम्हाला हे मान्य नाही.’
त्यांनी घटनास्थळावरून बंगालचे राज्यपाल जगदीप धनखड यांना कॉल करून तेथील परिस्थितीविषयी सांगितले. त्या म्हणाल्या की, निवडणूक आयोगाला कायदा व सुव्यवस्था नीट सांभाळता न आल्याने अशी परिस्थिती ओढवली आहे. परंतु आता आयोगाने ममतांच्या तक्रारींना चूक ठरवून झेड प्लस सुरक्षेत वावरणाऱ्या ममतांवरच संशय व्यक्त केला आहे.
Election Commission responds to Mamata’s allegations on voting process in Nandigram
महत्त्वाच्या बातम्या
- छत्तीसगडमध्ये नक्षलवाद्यांशी जवानांचा रात्रभर लढा; मुख्यमंत्री भूपेश बघेल यांचे आसाममधून “मॉनिटरींग”; आज संध्याकाळी ते छत्तीसगडला जाणार
- सर्वसामान्यांना मोठा दिलासा, दुर्मिळ आजारात 20 लाख रुपयांपर्यंत मदत, राष्ट्रीय धोरण 2021ला केंद्राची मंजुरी
- 50 कोटीहून जास्त फेसबुक युजर्सचा डेटा लीक, तुमची खासगी माहिती सार्वजनिक होण्याचा धोका
- कोरोनाच्या प्रकोपावर चर्चा – निर्णयासाठी दिल्ली – मुंबईत बैठका; लॉकडाऊन, कठोर निर्बंध यांच्यावर मंथन
- नक्षलवाद्यांच्या हल्ल्यात 22 जवान शहीद, शोध मोहीम सुरूच; 700 जवानांना घेरून केला होता हल्ला