वृत्तसंस्था
बीजिंग : भारतीय आणि चिनी सैनिकांमध्ये गलवान घाटीत झालेल्या हिंसक संघर्षात चीनचे सैनिक मारले गेल्याचे लिहिल्याबद्दल चीनमध्ये एका ब्लॉगरला ८ महिन्यांच्या तुरूंगवासात पाठविण्यात आले आहे. China jails blogger for 8 months over remarks on casualties in Galwan clash
“गलवानच्या हिंसक संघर्षात चिनी कमांडर बचावला. कारण तो वरिष्ठ पातळीवरचा अधिकारी होता. चिनी अधिकाऱ्यांनी अधिकृतरित्या सांगितलेल्या आकड्यापेक्षा कितीतरी अधिक सैनिक या संघर्षात मारले गेले असावेत.”, अशा पोस्ट क्युई झिमिंग या ब्लॉगरने केल्या होत्या. याबद्दल त्याला चिनी कम्युनिस्ट राजवटीच्या न्यायालयाने ८ महिन्यांच्या तुरूंगवासाची शिक्षा सुनावली.
याआधी चिनी कम्युनिस्ट राजवटीने क्युई झिमिंगला आपल्या ब्लॉगमधीक कमेंटबद्दल जाहीररित्या माफी मागायला लावली होती. त्यानुसार त्याने माफीही मागितली होती. त्यानंतर त्याच्यावर न्यायालयात खटला चालविण्यात आला. त्याने जाहीर माफी मागितल्याने त्याला ८ महिने तुरूंगवासाची सौम्य शिक्षा देण्यात येत असल्याचे न्यायालयाने स्पष्ट केले.
क्युई झिमिंग हा चीनमधला पॉप्युलर ब्लॉगर आहे. तो “Labixiaoqui” या नावाने ऑनलाइन विश्वात लोकप्रिय आहे. २५ लाख लोक त्याला फॉलो करतात. त्यामुळे त्याच्या ब्लॉगची दखल घेऊन चीनच्या कम्युनिस्ट राजवटीने त्याला शिक्षा केल्याचे मानण्यात येत आहे.
China jails blogger for 8 months over remarks on casualties in Galwan clash
महत्त्वाच्या बातम्या
- मराठा आरक्षण जाण्यास ठाकरे-पवार सरकारच जबाबदार ; आता ओबीसींचे राजकीय आरक्षणही रद्द ; माविआ सरकारने संभाजीराजे यांचा अवमान करू नये : पंकजा मुंडे
- कोरोनाच्या तिसऱ्या लाटेचा धोका ?, मुलांना ‘फ्लू’ची लस देणे महत्वाचे ; तज्ज्ञांचा पालकांना सल्ला
- कोरोनाविरोधी लशींची किंमत एकच ठेवा; सर्वोच्च न्यायालयाचा केंद्र सरकारला सल्ला
- कोरोनाने सरलेल्या वर्षात लावली अर्थव्यवस्थेची पुरती वाट; पण चौथ्या तिमाहीत जीडीपीचा चांगलाच दिलासा!