CDS Bipin Rawat Death : तामिळनाडूच्या निलगिरी जिल्ह्यात बुधवारी भारतीय हवाई दलाच्या हेलिकॉप्टर अपघातात चीफ ऑफ डिफेन्स स्टाफ बिपिन रावत, त्यांची पत्नी मधुलिका रावत आणि अन्य 11 जवान शहीद झाले. कोइम्बतूर आणि सुलूरदरम्यान कोसळलेल्या एमआय-सीरीज हेलिकॉप्टरमध्ये सीडीएस बिपिन रावत, त्यांची पत्नी, संरक्षण सहायक, सुरक्षा कमांडो आणि हवाई दलाचे पायलट यांच्यासह एकूण 14 जण होते. अपघातात जखमी झालेले ग्रुप कॅप्टन वरुण सिंग यांच्यावर वेलिंग्टन येथील आर्मी हॉस्पिटलमध्ये उपचार सुरू आहेत. CDS Bipin Rawat Death Tomorrow the Mortal Remains of CDS Bipin Rawat and His Wife will be brought to Delhi
वृत्तसंस्था
चेन्नई : तामिळनाडूच्या निलगिरी जिल्ह्यात बुधवारी भारतीय हवाई दलाच्या हेलिकॉप्टर अपघातात चीफ ऑफ डिफेन्स स्टाफ बिपिन रावत, त्यांची पत्नी मधुलिका रावत आणि अन्य 11 जवान शहीद झाले. कोइम्बतूर आणि सुलूरदरम्यान कोसळलेल्या एमआय-सीरीज हेलिकॉप्टरमध्ये सीडीएस बिपिन रावत, त्यांची पत्नी, संरक्षण सहायक, सुरक्षा कमांडो आणि हवाई दलाचे पायलट यांच्यासह एकूण 14 जण होते. अपघातात जखमी झालेले ग्रुप कॅप्टन वरुण सिंग यांच्यावर वेलिंग्टन येथील आर्मी हॉस्पिटलमध्ये उपचार सुरू आहेत.
उद्या दिल्लीत आणणार पार्थिव
सीडीएस जनरल बिपिन रावत आणि त्यांची पत्नी मधुलिका रावत यांचे मृतदेह गुरुवारी दिल्लीत आणण्यात येणार आहेत. तामिळनाडूतील कुन्नूर येथे हेलिकॉप्टर अपघातात सीडीएस रावत यांच्यासह १३ जणांचा मृत्यू झाला आहे.
मंत्रिमंडळ समितीच्या बैठकीत श्रद्धांजली
भारत सरकारच्या सूत्रांनी सांगितले की, सुरक्षा मंत्रिमंडळ समितीच्या बैठकीत तामिळनाडू हेलिकॉप्टर दुर्घटनेत मृत्युमुखी पडलेल्या सर्वांसाठी 2 मिनिटांचे मौन पाळण्यात आले आणि सर्वांना श्रद्धांजली वाहण्यात आली. या बैठकीत पंतप्रधान नरेंद्र मोदी, संरक्षण मंत्री राजनाथ सिंह, परराष्ट्र मंत्री एस जयशंकर, एनएसए अजित डोवाल आणि इतर मंत्री उपस्थित होते.
लष्करप्रमुख जनरल एमएम नरवणे यांनी व्यक्त केला शोक
भारतीय लष्कराने एका निवेदनात म्हटले आहे की, लष्करप्रमुख जनरल एमएम नरवणे आणि लष्कराच्या सर्व श्रेणीतील अधिकाऱ्यांनी दुर्दैवी हेलिकॉप्टर अपघातात सीडीएस जनरल बिपिन रावत, त्यांची पत्नी मधुलिका रावत आणि अन्य 11 जवानांच्या मृत्यूबद्दल शोक व्यक्त केला आहे. लष्कराने सांगितले की, भारताचे पहिले चीफ ऑफ डिफेन्स स्टाफ जनरल बिपिन रावत हे एक दूरदर्शी होते, ज्यांनी भारतीय सैन्यात अनेक सुधारणा सुरू केल्या.
CDS Bipin Rawat Death Tomorrow the Mortal Remains of CDS Bipin Rawat and His Wife will be brought to Delhi
महत्त्वाच्या बातम्या
- देशाचे पहिले चीफ ऑफ डिफेन्स स्टाफ यांचे निधन, हेलिकॉप्टर अपघातात पत्नी मधुलिकासह 13 जणांचा झाला मृत्यू, वाचा सविस्तर…
- CDS Bipin Rawat : चार दशकांची देशसेवा, सर्जिकल स्ट्राइकपासून ते ईशान्येतील मोहिमांपर्यंत, सीडीएस रावत यांच्या कारकिर्दीत सैन्याचे देदीप्यमान यश
- अर्थमंत्री निर्मला सीतारामन आणि नायका कंपनीच्या सीईओ फाल्गुनी नायर यांचा फोर्ब्ज मॅगझीनच्या जगातील सर्वात प्रभावशाली 100 महिलांमध्ये समावेश
- मोठी बातमी : अरब देशांना अन्नधान्य निर्यातीत भारत पहिल्या क्रमांकावर, १५ वर्षांनंतर ब्राझीललाही टाकले मागे
- टेरर फंडिंग; पाकिस्तानात मोकाट फिरणाऱ्या सय्यद सलाउद्दीन विरुद्ध दिल्ली कोर्टाचे समन्स