वृत्तसंस्था
श्रीनगर : काश्मीरमधील कुलगाममध्ये दहशतवाद्यांनी लष्कराच्या एका जवानाचे अपहरण केले आहे. जावेद अहमद वानी असे या 25 वर्षीय जवानाचे नाव आहे. शनिवारी रात्री आठच्या सुमारास दहशतवाद्यांनी त्याचे त्याच्या कारमधून अपहरण केले. कारमध्ये रक्ताचे डागही सापडले आहेत. वानीची पोस्टिंग लेहमध्ये आहे.Army jawan abducted by militants in Kulgam, posted to Leh; Blood stains were found in the car
जावेदच्या पालकांनी दहशतवाद्यांना त्यांच्या मुलाला सोडण्याची विनंती केली आहे. तो ईदच्या सुट्टीसाठी घरी आला होता. वानी शनिवारी आपल्या कारने चहलगाम येथे जात होते. अनेक तास बेपत्ता राहिल्यानंतर गावातील लोकांनी त्याचा शोध सुरू केला.
जवानाची चप्पल आणि रक्ताचे डाग आढळले
झडतीदरम्यान कुलगामजवळील प्रणाल येथून त्याची अनलॉक केलेली कार सापडली. कारमधून जवानाची चप्पल आणि रक्ताचे डाग आढळले आहेत. लष्कराचे पथक शोध मोहीम राबवत आहे. परिसरात नाकाबंदी करण्यात आली आहे.
2017 मध्येही जवानाचे अपहरण
जम्मू-काश्मीरमध्ये लष्कराच्या जवानांच्या अपहरणाची ही पहिलीच घटना नाही. याआधीही अनेकवेळा दहशतवाद्यांनी लष्कराच्या जवानांचे अपहरण केले आहे. मे 2017 मध्येही दहशतवाद्यांनी सुट्टीसाठी घरी आलेल्या औरंगजेब या लष्करी अधिकाऱ्याचे अपहरण केले होते. यानंतर त्यांची गोळ्या झाडून हत्या करण्यात आली. औरंगदेब एका लग्न समारंभात सहभागी होण्यासाठी जात असताना त्यांच्यावर दहशतवाद्यांनी हल्ला केला होता.
त्यानंतर बुधवारी सकाळी हरमन परिसरात त्यांच्या घरापासून तीन किलोमीटर अंतरावर त्यांचा गोळ्यांनी चाळणी केलेला मृतदेह आढळून आला. याशिवाय शहीद लेफ्टनंट उमर फयाज आणि शहीद जवान इरफान अहमद दार यांनाही रजेवर घरी जात असताना दहशतवाद्यांनी ठार केले होते.
Army jawan abducted by militants in Kulgam, posted to Leh; Blood stains were found in the car
महत्वाच्या बातम्या
- पाकिस्तानात राजकीय पक्षाच्या अधिवेशनात आत्मघाती स्फोट; 44 हून अधिक लोक मरण पावले, 100 जखमी
- ‘’…म्हणूनच उद्धव ठाकरेंना नाट्यगृहात एकपात्री प्रयोग करावा लागला’’ बावनकुळेंनी लगावला टोला!
- IIT मुंबईच्या वसतिगृहाच्या कँटीनमधील पोस्टरवरून वाद; लिहिले- इथे फक्त शाकाहारी लोकांना बसण्याची परवानगी
- संसदेत आज ‘I-N-D-I-A’ची परीक्षा, दिल्ली सेवा विधेयक संमत होण्यापासून विरोधक रोखू शकतील का?