YAAS Cyclone : पंतप्रधान नरेंद्र मोदी यांनी आज ओडिशा आणि पश्चिम बंगालमध्ये ‘यास’ चक्रीवादळामुळे झालेल्या नुकसानीचा आढावा घेतला. त्यानंतर त्यांनी मदत पॅकेज जाहीर केले. पंतप्रधान कार्यालयाच्या म्हणण्यानुसार ओडिशाला तातडीने 500 कोटी रुपये देण्यात येणार आहेत. पश्चिम बंगाल आणि झारखंडसह उर्वरित 500 कोटी रुपये नुकसानीच्या हिशेबाने देण्यात येतील. YAAS Cyclone pm modi announces rs 1000 crore for states affected by the cyclone
विशेष प्रतिनिधी
नवी दिल्ली : पंतप्रधान नरेंद्र मोदी यांनी आज ओडिशा आणि पश्चिम बंगालमध्ये ‘यास’ चक्रीवादळामुळे झालेल्या नुकसानीचा आढावा घेतला. त्यानंतर त्यांनी मदत पॅकेज जाहीर केले. पंतप्रधान कार्यालयाच्या म्हणण्यानुसार ओडिशाला तातडीने 500 कोटी रुपये देण्यात येणार आहेत. पश्चिम बंगाल आणि झारखंडसह उर्वरित 500 कोटी रुपये नुकसानीच्या हिशेबाने देण्यात येतील.
पंतप्रधान कार्यालयाने म्हटले की, केंद्रीय पथक नुकसानीचे आकलन करण्यासाठी राज्यांची भेट घेईल. त्यांच्या मूल्यांकनाच्या आधारे पुढील मदत दिली जाईल. पंतप्रधानांनी ओडिशा, पश्चिम बंगाल आणि झारखंड यांना आश्वासन दिले की, या कठीण काळात केंद्र सरकार राज्य सरकारांसोबत काम करेल. चक्रीवादळामुळे प्राण गमवावे लागलेल्या कुटुंबाला पीएम मोदी यांनी 2 लाख आणि गंभीर जखमींना 50 हजार रुपये मदतीची घोषणा केली.
पंतप्रधान मोदी यांनी सर्वप्रथम भुवनेश्वरला भेट दिली. तेथे त्यांनी आढावा बैठक घेतली. ओडिशाचे मुख्यमंत्री यांच्याव्यतिरिक्त राज्यपाल गणेशी लाल, केंद्रीय मंत्री धर्मेंद्र प्रधान, प्रताप सारंगी आणि अन्य वरिष्ठ अधिकारी या बैठकीला उपस्थित होते.
त्यानंतर पंतप्रधान बालासोर व भद्रक या बाधित भागाच्या हवाई पाहणीसाठी रवाना झाले. येथून पश्चिम बंगालला येऊन आढावा बैठक घेतली. सीएम ममता बॅनर्जी म्हणाल्या की, हिंगलगंज आणि सागर येथे आढावा बैठक घेतल्यानंतर मी पंतप्रधान मोदींना कालैकुंडा येथे भेटले आणि त्यांना पश्चिम बंगालमधील चक्रीवादळानंतरच्या परिस्थितीविषयी माहिती दिली. नुकसानीचा अहवाल मी त्यांना दिला. आता मी नुकसानीचा आढावा घेण्यासाठी दिघा येथे जात आहे.
YAAS Cyclone pm modi announces rs 1000 crore for states affected by the cyclone
महत्त्वाच्या बातम्या
- Vaccination : आता जर्मनीत 12 वर्षांपुढील बालकांचेही लसीकरण, 7 जूनपासून सुरुवात
- Delhi Unlock : दिल्लीत अनलॉकला सुरुवात, सर्वात आधी बांधकामे, कारखाने सुरू होणार, मुख्यमंत्री केजरीवाल यांची घोषणा
- DRDO चे 2-DG अँटी कोरोना औषध बाजारात, एका सॅचेटची किंमत 990 रुपये
- राहुल गांधींना भाजपचे प्रत्युत्तर, जावडेकर म्हणाले- त्यांची नौटंकी जनतेने केव्हाच बंद केली!
- Narada Sting Case : कोलकाता हायकोर्टाकडून चारही तृणमूल नेत्यांना अंतरिम जामीन मंजूर, पण या अटी ठेवल्या