वृत्तसंस्था
नवी दिल्ली : भाजप नेते सुब्रमण्यम स्वामी यांनी काँग्रेस नेते राहुल गांधी यांच्या 10 वर्षांच्या कालावधीसाठी नवीन सामान्य पासपोर्ट मिळविण्यासाठी एनओसी मागण्याच्या याचिकेला विरोध केला आहे. राहुल गांधींच्या याचिकेवर सुब्रमण्यम स्वामी यांनी न्यायालयात उत्तर दाखल केले.’Why does Rahul Gandhi need a passport for 10 years?’ Subramanian Swamy filed a petition
राहुल गांधींना 10 वर्षांसाठी पासपोर्ट जारी करण्यामागे कोणतेही वैध किंवा प्रभावी कारण नाही, असा युक्तिवाद स्वामी यांनी केला आहे. राहुल गांधी 10 वर्षांसाठी पासपोर्टसाठी अपात्र ठरले आहेत. न्याय आणि कायद्याच्या व्यापक क्षेत्रात राहुल गांधींच्या खटल्याचा निकाल देताना इतर सर्व संबंधित बाबी तपासून आणि विश्‍लेषण केल्यानंतर न्यायालय त्यांना परवानगी देण्याचा विवेक वापरू शकते.
सुब्रमण्यम स्वामी यांनी काय केला युक्तिवाद
सुब्रमण्यम स्वामी म्हणाले, न्यायाच्या हितासाठी या टप्प्यावर, राहुल गांधींच्या पासपोर्टसाठी एनओसी 1 वर्षांपेक्षा जास्त नसावी आणि त्याचे वार्षिक पुनरावलोकन केले जाऊ शकते किंवा न्यायालय योग्य वाटेल तसे व्हावे. त्यांच्या उत्तरात सुब्रमण्यम स्वामी म्हणाले की, पासपोर्ट ठेवण्याचा अधिकार, इतर सर्व मूलभूत अधिकारांप्रमाणेच हा पूर्ण अधिकार नाही आणि राष्ट्रीय सुरक्षा, सार्वजनिक सुव्यवस्था, नैतिकता आणि गुन्हेगारी रोखण्याच्या हितासाठी सरकारने लादलेल्या वाजवी निर्बंधांच्या अधीन आहे.
बुधवारी दिल्लीच्या राऊस एव्हेन्यू कोर्टात काँग्रेस नेते राहुल गांधी यांच्या नवीन पासपोर्टसाठी एनओसी मागणाऱ्या याचिकेवर सुनावणी झाली. सुनावणीदरम्यान सुब्रमण्यम स्वामी यांनी एनओसी देण्यास विरोध केला. ते म्हणाले की ते (राहुल गांधी) पुन्हा पुन्हा परदेशात जातात. त्यांच्या बाहेर जाण्याने तपासात अडथळा निर्माण होऊ शकतो. सुनावणीदरम्यान न्यायालयाने स्वामी यांना उत्तर दाखल करण्यासाठी एक दिवसाची मुदत दिली. या उत्तरात सुब्रमण्यम स्वामी यांनी राहुलला 10 वर्षांसाठी पासपोर्ट देण्याच्या याचिकेला विरोध केला आहे.
राहुल यांना पासपोर्टची गरज का आहे?
संसदेचे सदस्यत्व गमावल्यानंतर राहुल गांधींनी आपला डिप्लोमॅटिक पासपोर्ट सरेंडर केला होता. नॅशनल हेराल्ड प्रकरणात त्यांचे नाव असल्याने राहुल यांना सामान्य पासपोर्ट जारी करण्यासाठी न्यायालयाकडून एनओसीची आवश्यकता आहे.
नॅशनल हेराल्ड प्रकरणात राहुल गांधींचे नाव
नॅशनल हेराल्ड प्रकरणात जामीन मंजूर करताना न्यायालयाने देशाबाहेर जाण्यावर कोणतेही निर्बंध घातले नसल्याचे राहुलने आपल्या याचिकेत म्हटले आहे.
राहुल गांधी परदेश दौऱ्यावर जाणार
विशेष म्हणजे 31 मे रोजी काँग्रेस नेते राहुल गांधी आठवडाभरासाठी अमेरिकेच्या दौऱ्यावर जाणार आहेत. यादरम्यान ते 4 जून रोजी न्यूयॉर्कमधील मॅडिसन स्क्वेअर गार्डन येथे भारतीय समुदायाला संबोधित करतील. याशिवाय कॅलिफोर्नियातील एका विद्यापीठातील कार्यक्रमातही राहुल गांधी उपस्थित राहणार आहेत.
‘Why does Rahul Gandhi need a passport for 10 years?’ Subramanian Swamy filed a petition
महत्वाच्या बातम्या
- SBI : 2000 च्या नोटा बदलून घेताना स्लिप भरण्याची गरज नाही; स्टेट बँकेचा खुलासा
- इतिहासातील 10 अशा घटना जेव्हा देशाच्या पंतप्रधानांनी केले होते लोकशाहीच्या मंदिरांचे उद्घाटन, सोनिया गांधी- राहुल गांधी यांनी पदावर नसतानाही केली होती पायाभरणी
- राजस्थान : …अखेर पाकिस्तानातून भारतात आश्रयास आलेल्या हिंदूंना जमीन मिळणार; जिल्हाधिकारी टीना दाबींची आश्वासनपूर्ती
- विरोधक पाला पाचोळ्यासारखे उडून जातील; केजरीवाल – ठाकरे – पवार भेटीवर मुख्यमंत्र्यांची टोलेबाजी