माजी कमांडर याआधीही वादात सापडले आहे.
विशेष प्रतिनिधी
टेक्सास : पाकिस्तानच्या अबोटाबाद शहरात घुसून दहशतवादी ओसामा बिन लादेनचा खात्मा करणार्‍या अमेरिकन नेव्ही सीलचा माजी कमांडर रॉबर्ट जे ओ’नील यांना अमेरिकन पोलिसांनी अटक केली आहे. यानंतर एकच खळबळ उडाली. माजी कमांडरला टेक्सास सिटीमध्ये मद्यपान करून गैरवर्तन केल्याच्या आरोपाखाली अटक करण्यात आली होती. स्थानिक मीडिया रिपोर्टनुसार, नीलला अटक झाल्यानंतर काही तासांतच जामीन मिळाला. The former American commander who killed the terrorist Osama was arrested know the reason
न्यूयॉर्क पोस्टच्या वृत्तानुसार, 47 वर्षीय रॉबर्ट जे. ओ’नीलवर फ्रिस्कोमध्ये गुन्हा दाखल झाल्यानंतर त्यांना बुधवारी अटक करण्यात आली. मात्र, नीलला अटक केल्यानंतर काही तासांतच 2 लाख 88 हजार रुपयांच्या जातमुचलक्यावर सोडण्यात आले. वृत्तानुसार, त्याला लाउंजमध्ये गोंधळ घातल्याप्रकरणी अटक करण्यात आली होती. माजी कमांडर पॉडकास्ट रेकॉर्ड करत असताना हा गोंधळ झाला.
न्यूयॉर्क पोस्टच्या वृत्तानुसार, माजी कमांडर याआधीही वादात सापडले आहेत. त्यांच्यावर सार्वजनिक ठिकाणी असभ्य वर्तन केल्याचा आरोप आहे. 2020 मध्ये, अमेरिका महामारीच्या विळख्यात असतानाही त्याने मास्क घालण्यास नकार दिला होता. यापूर्वी, नीलने 2013 मध्ये एस्क्वायर मासिकाला दिलेल्या मुलाखतीदरम्यान सांगितले होते की, त्याने मे 2011 मध्ये पाकिस्तानातील अबोटाबाद येथे ऑपरेशन नेपच्यून स्पीयर दरम्यान बिन लादेनचा खात्मा केला होता.
The former American commander who killed the terrorist Osama was arrested know the reason
महत्वाच्या बातम्या
- केंद्र सरकारने उकडलेल्या तांदळावर लावले 20 टक्के निर्यात शुल्क , बिगर बासमती तांदळावर आधीच बंदी
- ‘…आणखी किती बिहारी मरण्याची वाट पाहताय मुख्यमंत्री’ नितीश कुमार सरकारवर चिराग पासवान यांचे टीकास्त्र!
- हरियाणातील नूहमध्ये इंटरनेट सेवा बंद, ‘विहिंप’ पुन्हा ब्रजमंडल यात्रा काढणार!
- बारामतीत वडील – मुलीने टाळले स्वागत; पण काकांच्या पुतण्याचे मात्र भव्य शक्तिप्रदर्शन!!; राजकीय इंगित काय??