इंडियाज गॉट लेटेंट या शोमध्ये रणवीर इलाहबादियाने केले होते वादग्रस्त वक्तव्य
विशेष प्रतिनिधी
नवी दिल्ली : Supreme Court समय रैनाच्या ‘इंडियाज गॉट लेटेंट’ या यूट्यूब शोमध्ये केलेल्या कथित अश्लील टिप्पण्यांबद्दल त्याच्याविरुद्ध दाखल केलेल्या अनेक एफआयआर एकत्रित करण्याची मागणी करणाऱ्या रणवीर अलाहाबादियाच्या याचिकेवर सर्वोच्च न्यायालयात सुनावणी सुरू झाली आहे.Supreme Court
न्यायमूर्ती सूर्यकांत आणि एन. कोटीश्वर सिंह यांच्या खंडपीठासमोर या प्रकरणाची सुनावणी सुरू आहे. शुक्रवारी, माजी सरन्यायाधीश डीवाय चंद्रचूड यांचे पुत्र अभिनव चंद्रचूड यांनी सर्वोच्च न्यायालयात या प्रकरणाची तातडीने यादी करण्याची मागणी केली होती.
इंडियाज गॉट लेटेंट या शोमध्ये युट्यूबर आणि पॉडकास्टर रणवीर इलाहाबादिया याने केलेल्या टिप्पणीवर सर्वोच्च न्यायालयाने नाराजी व्यक्त केली. सर्वोच्च न्यायालयाने इलाहाबादियाचे प्रतिनिधित्व करणाऱ्या वकिलास विचारले की अश्लीलता आणि असभ्यतेचे मानक काय आहेत?
न्यायालयाने युट्यूबरला त्याच्या अश्लील कमेंट्सबद्दल फटकारले आहे आणि म्हटले आहे की त्याच्या डोक्यात घाण भरलेली आहे आणि आपण अशा व्यक्तीचा खटला का ऐकावा. लोकप्रिय असण्याचा अर्थ असा नाही की तुम्ही कोणत्याही गोष्टीवर भाष्य करू शकता. सर्वोच्च न्यायालयाने फटकारल्यानंतर इलाहाबादियाला अटकेपासून सशर्त दिलासा देण्यात आला आहे.
इलाहबादियाने समय रैनाच्या युट्यूब शो इंडियाज गॉट लेटेंट मध्ये आक्षेपार्ह टिप्पण्या केल्यानंतर हा वाद निर्माण झाला होता, ज्यामुळे त्याच्या आणि इतरांविरुद्ध अनेक एफआयआर दाखल करण्यात आले आहेत. इलाहबादिया आणि रैना व्यतिरिक्त, या प्रकरणात युट्यूब सेलिब्रिटी आशिष चंचलानी, जसप्रीत सिंग आणि अपूर्वा मखीजा यांचाही समावेश आहे.
Supreme Court reprimands Ranveer Allahabadia
महत्वाच्या बातम्या
- Ladaki Bahin scheme लाडकी बहीण लाभासाठी आता निकषांच्या चाळण्याच चाळण्या
- Bihar : दिल्लीनंतर बिहारमध्येही हादरे ; सिवानमध्ये ४.० तीव्रतेचे भूकंपाचे धक्के जाणवले
- नुसत्या तुताऱ्या फुंकून दुष्काळी भागाला पाणी नाही देता येत; राधाकृष्ण विखे पाटलांचा शरद पवारांवर प्रहार!!
- Love Jihad : ‘लव्ह जिहाद’ कायद्याबाबत महाराष्ट्र सरकारच्या पावलाविरोधात आठवलेंची भूमिका