Golden Temple : अमृतसर येथील सुवर्ण मंदिराच्या पवित्र ठिकाणी अवमान करणाऱ्या एका व्यक्तीची शनिवारी बेदम मारहाण करून हत्या करण्यात आली. ज्या ठिकाणी त्या व्यक्तीने दरबार साहिबमध्ये प्रवेश केला, तेथे पवित्र श्री गुरु ग्रंथ साहिबचा प्रकाश आहे. श्री दरबार साहिब घटनेला सर्वात दुर्दैवी संबोधून पंजाबचे उपमुख्यमंत्री सुखजिंदर सिंग रंधावा यांनी रविवारी सांगितले की, डीसीपी कायदा आणि सुव्यवस्था अंतर्गत एक विशेष तपास पथक स्थापन करण्यात आले आहे, जे दोन दिवसांत तपास अहवाल सादर करेल. SIT set up For Golden Temple Incident Will Give report in two days, Kejriwal fears conspiracy
वृत्तसंस्था
चंदिगड : अमृतसर येथील सुवर्ण मंदिराच्या पवित्र ठिकाणी अवमान करणाऱ्या एका व्यक्तीची शनिवारी बेदम मारहाण करून हत्या करण्यात आली. ज्या ठिकाणी त्या व्यक्तीने दरबार साहिबमध्ये प्रवेश केला, तेथे पवित्र श्री गुरु ग्रंथ साहिबचा प्रकाश आहे. श्री दरबार साहिब घटनेला सर्वात दुर्दैवी संबोधून पंजाबचे उपमुख्यमंत्री सुखजिंदर सिंग रंधावा यांनी रविवारी सांगितले की, डीसीपी कायदा आणि सुव्यवस्था अंतर्गत एक विशेष तपास पथक स्थापन करण्यात आले आहे, जे दोन दिवसांत तपास अहवाल सादर करेल. पोलिस उपायुक्त पीएस भंडल यांनी सांगितले होते की, उत्तर प्रदेशचा राहणारा व्यक्ती 30 वर्षांचा असून त्याची ओळख पटवली जात आहे.
बेअदबी प्रकरणावर दिल्लीचे मुख्यमंत्री अरविंद केजरीवाल यांनी चंदीगडमध्ये सांगितले की, जर तपासातून दोषींना शिक्षा झाली तर पुन्हा असे करण्याची हिंमत कोणी करणार नाही. हा काही कटाचा भाग असू शकतो. त्याला पाठवणाऱ्यांवर कठोर कारवाई झाली पाहिजे.
तो सुवर्णमंदिरात कधी गेला आणि त्याच्यासोबत किती लोक होते यासाठी सर्व सीसीटीव्ही कॅमेरे तपासली जात आहेत. या घटनेनंतर मोठ्या संख्येने शीख भाविक आणि विविध शीख संघटनांनी SGPCच्या हलगर्जीपणाबद्दल टीका केली. कायदा व सुव्यवस्था राखण्यासाठी तेजा सिंग समुद्री हॉल येथील SGPC परिसराभोवती मोठा पोलीस बंदोबस्त तैनात करण्यात आला आहे.
पंजाब पोलीस सुवर्ण मंदिरातील त्या व्यक्तीची ओळख पटवत आहेत ज्याने तेथे प्रवेश करून अपवित्र करण्याचा प्रयत्न केला, त्यानंतर त्याला मारहाण करण्यात आली. पोलिसांनी सांगितले की, आरोपी घटना करण्यापूर्वी काही तास परिसरातच होता. यासंदर्भात पंजाबचे उपमुख्यमंत्री सुखजिंदर सिंग रंधावा यांनी अमृतसरमध्ये जिल्हा उपायुक्त, पोलिस आयुक्त, पोलिस महानिरीक्षक (सीमा परिक्षेत्र), अमृतसर ग्रामीण वरिष्ठ पोलीस अधीक्षक (एसएसपी) आणि इतर अधिकाऱ्यांची बैठक घेतली.
SIT set up For Golden Temple Incident Will Give report in two days, Kejriwal fears conspiracy
महत्त्वाच्या बातम्या
- राज्यांनी न्यायवैद्यक विज्ञान महाविद्यालयाची स्थापना करावी ; अमित शाह यांचे आवाहन
- हे सत्तेच्या नादात इतके मशगुल आहेत की त्यांना गरीब कामगारांकडे पाहायला वेळ नाही ; प्रविण दरेकरांची महाविकास आघाडी सरकारवर टीका
- कोलकाता महापालिका निवडणुकीच्या मतदानावेळी बॉम्बस्फोट, सियालदह आणि टाकी बॉईज स्कूलमधील स्फोटात तीन जखमी
- मानवतेला काळिमा फासणारी घटना , एक दिवसाच्या मुलीला कुत्र्याच्या पिल्लांच्या बाजूला सोडले ; कुत्रीने रात्रभर स्वतःच मुल म्हणून सांभाळले
- पंतप्रधान नरेंद्र मोदी हे निवडणूक राज्यांमधले “डेली पॅसेंजरच”; तृणमूलच्या खासदाराची गोवा दौऱ्यावरून शेलकी टीका!!