वृत्तसंस्था
मुंबई : स्टेट बँक ऑफ इंडिया (SBI) रिसर्चच्या अहवालात भारतीय रिझर्व्ह बँकेचे (RBI) माजी गव्हर्नर रघुराम राजन यांच्या ‘हिंदू विकास दरा’बाबतचे विधान चुकीचे असल्याचे म्हटले आहे. SBI रिसर्चनेही राजन यांच्या विधानाला दुर्भावनापूर्ण, पक्षपाती आणि अपरिपक्व म्हटले आहे.SBI Research reports on Raghuram Rajan’s statement, former RBI Governor said – India has approached ‘Hindu Growth Rate’
देशातील सर्वात मोठी बँक SBI ने आपल्या Ecowrap अहवालात म्हटले आहे की, आर्थिक वर्ष 2022-23 मध्ये भारताच्या GDP ची तिमाही वाढ घसरत आहे. गुंतवणूक आणि बचत डेटाच्या आधारे भारत ‘हिंदू विकास दर’ (3.5-4.0%) कडे वाटचाल करत आहे, असा काही निवडक तिमाहींच्या आधारे युक्तिवाद करणे पूर्णपणे चुकीचे आहे.
काय म्हणाले होते रघुराम राजन?
2 दिवसांपूर्वी एका मुलाखतीत चिंता व्यक्त करताना रघुराम राजन म्हणाले होते की, जीडीपी वाढीचे आकडे ‘हिंदू विकास दर’ अगदी जवळ येत असल्याचे दर्शवत आहेत. खासगी गुंतवणुकीत झालेली घसरण, उच्च व्याजदर आणि मंदावलेला जागतिक विकास याला त्यांनी जबाबदार धरले.
2023-24 मध्ये भारताचा विकास कसा होईल हा मोठा प्रश्न आहे, असेही रघुराम राजन म्हणाले होते. जर आपण 5% विकास दर गाठला, तरी आपण भाग्यवान ठरू.
तिसऱ्या तिमाहीत 4.4% होता GDP
आकडेवारीनुसार, चालू आर्थिक वर्षाच्या तिसऱ्या तिमाहीत (ऑक्टोबर-डिसेंबर) सकल देशांतर्गत उत्पादन (जीडीपी) फक्त 4.4% पर्यंत खाली आले आहे. दुसऱ्या तिमाहीत (जुलै-सप्टेंबर) ते 6.3% आणि पहिल्या तिमाहीत (एप्रिल-जून) 13.5% होते. यापूर्वी हा आकडा गेल्या वर्षी याच कालावधीत 5.4 टक्के होता.
विकास दर ७ टक्के राहण्याची अपेक्षा
NSO ने चालू आर्थिक वर्षात विकास दर 7% राहण्याचा अंदाज व्यक्त केला आहे. या अहवालात पुढील आर्थिक वर्षात आर्थिक वाढ आणि घसरणीचा अंदाज व्यक्त करण्यात आला आहे. RBI एकापाठोपाठ एक व्याजदर वाढवत आहे. या सगळ्यात जागतिक विकासदरही मंदावण्याची शक्यता व्यक्त केली जात आहे.
काय आहे ‘हिंदू रेट ऑफ ग्रोथ’ ?
‘हिंदू रेट ऑफ ग्रोथ’ हा शब्द 1970 च्या दशकात लोकप्रिय झाला. त्याचा हिंदू धर्माशी काहीही संबंध नाही. 1947 मध्ये इंग्रजांपासून स्वातंत्र्य मिळाल्यानंतर भारताची आर्थिक स्थिती अत्यंत बिकट होती. सरकारने अनेक पावले उचलूनही अर्थव्यवस्था रुळावर येत नव्हती. भारताचा विकास दर खूपच मंद होता आणि तो 3.5 ते 4.0% दरम्यान राहिला.
1947-80 दरम्यानच्या या संथ वाढीच्या दराला भारतीय अर्थशास्त्रज्ञ आणि प्राध्यापक राज कृष्ण यांनी ‘हिंदू रेट ऑफ ग्रोथ’ असे नाव दिले. 50 ते 70 च्या दशकातील कमी-आर्थिक वाढीसाठी त्यांनी ‘हिंदू रेट ऑफ ग्रोथ’ हा शब्द वापरला.
काहीही झाले तरी आमचा विकासदर तसाच राहील, असे राज कृष्णा म्हणाले होते. ते हे मस्करीत म्हणाले होते. मात्र, आजतागायत त्यांचा शब्दप्रयोग केला जात आहे.
SBI Research reports on Raghuram Rajan’s statement, former RBI Governor said – India has approached ‘Hindu Growth Rate’
महत्वाच्या बातम्या
- प्रियंका गांधींच्या पीएविरुद्ध एफआयआर, अर्चना गौतम यांनी केले गंभीर आरोप – जाणून घ्या संपूर्ण वाद
- आंतरराष्ट्रीय महिला दिनानिमित्त बंगळुरू, राजस्थानमध्ये महिलांना मोफत बस प्रवास
- नेपाळचे पंतप्रधान प्रचंड यांना सर्वोच्च न्यायालयात हजर करणार, 5 हजार लोकांच्या मृत्यूची जबाबदारी स्वीकारली
- Afghanistan Issue : भारत चाबहार बंदरमार्गे २० हजार मेट्रिक टन गहू अफगाणिस्तानला पाठवणार