वृत्तसंस्था
नवी दिल्ली : Sonam Wangchuk लडाखस्थित सामाजिक कार्यकर्ते सोनम वांगचुक ( Sonam Wangchuk ) आणि इतर 150 आंदोलकांना बुधवारी दिल्लीतील बवाना पोलिस ठाण्यातून सोडण्यात आले. दिल्ली पोलिसांच्या पथकाने सर्वांना राजघाटावर नेले आहे. येथे ते आपल्या लोकांसोबत महात्मा गांधींना आदरांजली वाहतील.Sonam Wangchuk
लडाखला पूर्ण राज्य बनवण्याची, स्थानिक लोकांना नोकऱ्यांमध्ये आरक्षण, लेह आणि कारगिलसाठी प्रत्येकी एक संसदीय जागा आणि संविधानाची सहावी अनुसूची लागू करण्याची सोनम यांची मागणी आहे. याबाबत ते अनेक दिवसांपासून आंदोलन करत आहेत.
- PM Modi : पंतप्रधान मोदींचे नीरज चोप्राच्या आईला पत्र; चुरमा पाठवल्याबद्दल आभार, ते खाऊन भावुक झालो!
वांगचुक आणि इतर आंदोलकांना 30 सप्टेंबरच्या रात्री ताब्यात घेण्यात आले
सोनम यांनी 1 सप्टेंबरला आपल्या मागण्या घेऊन दिल्लीकडे पायी मोर्चा काढला होता. त्यांचा मोर्चा 2 ऑक्टोबरला राजघाट येथे संपणार होता. सोनम आणि 150 लोक 30 सप्टेंबरच्या रात्री दिल्लीला पोहोचले. त्यांना दिल्लीतील सिंधू सीमेवर रात्र काढायची होती.
दिल्लीत 5 ऑक्टोबरपर्यंत कलम 163 लागू आहे. दिल्ली पोलिसांनी आंदोलकांना परत जाण्यास सांगितले. ते न पटल्यावर पोलिसांनी कारवाई करत सर्वांना ताब्यात घेतले. वांगचुक यांना बवाना पोलिस ठाण्यात नेण्यात आले. इतर आंदोलकांना इतर पोलिस ठाण्यात पाठवण्यात आले.
पोलिस ठाण्यातही वांगचुक यांचे उपोषण सुरूच होते. दुसऱ्या दिवशी 1 ऑक्टोबर रोजी वांगचुक यांना रात्री दिल्लीच्या मध्यवर्ती भागाकडे जाण्यापासून रोखण्यात आले, पण ते मान्य करत नव्हते. यानंतर त्यांना दुसऱ्यांदा पोलिसांनी ताब्यात घेतले.
सोनम वांगचुक लडाखला पूर्ण राज्य, स्थानिक लोकांसाठी नोकऱ्यांमध्ये आरक्षण, लेह आणि कारगिलसाठी प्रत्येकी एक संसदीय जागा आणि संविधानाच्या सहाव्या अनुसूचीची अंमलबजावणी या मागण्यांसाठी दीर्घकाळापासून आंदोलन करत आहेत.
या वर्षी मार्चमध्ये सोनम यांनी 21 दिवसांचे उपोषण केले होते. उपोषण संपवल्यानंतर सोनम वांगचुक म्हणाले – ही आंदोलनाची समाप्ती नाही, तर नवी सुरुवात आहे. जोपर्यंत आम्हाला आमच्या मागण्यांसाठी आंदोलन करायचे आहे, तोपर्यंत आम्ही ते करू.
Release of Sonam Wangchuk and 150 protesters, movement for statehood in Ladakh
महत्वाच्या बातम्या
- PM Modi : पंतप्रधान मोदींचे नीरज चोप्राच्या आईला पत्र; चुरमा पाठवल्याबद्दल आभार, ते खाऊन भावुक झालो!
- Congress strike : लोकसभेतील स्ट्राईक रेटच्या बळावर काँग्रेसने अखेर ठाकरे + पवारांना मागे रेटलेच!!
- Thailand : थायलंडमध्ये स्कूल बसला आग, 25 विद्यार्थ्यांचा मृत्यू, टायर फुटल्याने अपघात; 5 शिक्षकांसह 44 जण होते स्वार
- Pawar NCP : एरवी सनातन धर्मावर टीकाटिप्पणी, पण आता नवरात्राच्या 9 दिवसांचा पवारांच्या राष्ट्रवादीकडून आंदोलनासाठी वापर!!
